عنوان الموضوع : طريقتي في حفظ الاطعمة
مقدم من طرف منتديات الضمير العربي
السلام عليكن ياعسايل:1 (19):
حبيت اشارككن في طرق حفظ الاطعمة من الفساد اطول فترة ممكنة
السمسم احطة في علبة بلاستيك واحط فوقة فلفل احمر مجفف دواري واغطي العلبة ...والحمد لله يتم طازج ولا يدوّد..
الكريمة مال الشوربة :من افتح العلبة استعمل الكمية اللي اباها والباجي اصبه في قوالب لثلج ويوم يتجمد افرغه في اكياس واحفظه في الفريزر ويوم ابا اطلع كم مكعب واحطهم في الشوربة..(مدة صلاحية الكريمة 3 ايام من تاريخ الفتح)...
شوربة الدياي:لاني ماحب ماجي ولا اي شي من طرفها (لاحتوائها على احادي غلوتومات الصوديوم اللي يأثر على ادمغة الاطفال) اييب صحن صدور دجاج الروضة وافوره في 10 غراش ماي من الصغار 330 ملل مع نص فص ثوم لين يستوي واصفي الملي واتركه يبرد وارد اعبيه في الغراش واحطة في الفريزر.. واستعمله كمرقة دجاج للشوربات والعرسية ووايد اطباق سريعة...اما الدياي افتفته واعبيه في اكياس الفريزر واحطه في الفريزر لوقت الحاجة (شوربه للصغاريه ،عرسيه،مضروبة) وكله سريع وصحي..
اللحم المفروم: آخذ جزء من الذبيحة يوم يذبحون عندنا وافرم اللحم في الفرامة واعبيه في اكياس واحطة في الفريزر لاطباق اللحم...بس كل نص كيلو في كيس..اما العظام افورهن في 10 غراش ماي مع 4 حبات مسمار و3 هال و4 فلفل اسود...واصفي الماي يوم يبرد واصبة في الغراش واحطة في الفريزر لحين الاستخدلم....انتبهي لاتمزرين الغرشة لين عينها عن تنكسر في الفريزر..
يالله ياعسايل شاركوني خلوا الكل يستفيد..
الميانة :22 (25):
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
طرق وااايد حلوه انا بجرب الطريقه البديله للماجي
اما بالنسب للكزبره طريقتي فيها
انظفها واقطعها واعبيها بمكعبات الثلج وصب اشويه ماي وخليها في الفريزر الين ماتجمد واحطهم في علبه لوقت الاستخدام تعمر مده طويله وتحتفظ بالطعم الطازج
__________________________________________________ __________
>>>> الرد الثاني :
[08]ومنكم نستفيد[/08]
__________________________________________________ __________
>>>> الرد الثالث :
ماشالله عليج ...
__________________________________________________ __________
>>>> الرد الرابع :
ما شالله عليج يالميانة.. بس تحملي لازم تفرغين الأكياس من الهوا
بالنسبة لي.. الكزبرة والبقدونس والنعناع >>كل الخضروات والورقية
أخليها في كيس بلاستك واربط الكيس واخليه مثل البالونه ممزور هوا.. ويتم عني فتره
ومشكووورة على الطرق العجيبة..
__________________________________________________ __________
>>>> الرد الخامس :
السلام عليكم مشكوره عزيزتي الميانه طرق جميله https://4arab.xplainer.net/images/smilies/smile.png
تسلمين نبضه قلب على الاضافه الحلوه https://4arab.xplainer.net/images/smilies/smile.png
انا يتلي فره اخزن السمبووسه والحلويات طبعا وممكن نجمد صلصة البيتزا بعد طبخها .. واختي كانت تلف ورق العنب وتجمده وبعدين تطبخه https://4arab.xplainer.net/images/smilies/smile.png
