يد بيد...لتوفير أموالنا...للبنت للزوجة للتاجرة لأم الطفل وللكل...
عنوان الموضوع : يد بيد...لتوفير أموالنا...للبنت للزوجة للتاجرة لأم الطفل وللكل...
مقدم من طرف منتديات الضمير العربي
السلام عليكم ورحمة الله وبركاته...
أخواتي العزيزات بنات سيدات الإمارات وطبعا حريم ....
ولكل حد يدخل موضوعي...أدعي له دعوة من القلب ربي يفتح عليه أبواب الرزق ..ويهديه ويريح باله إن شاء الله...
موضوعي طال عمركم خواتي هو توفير المال حسب ما شفتوا العنوان...وانا أريد من موضوعي هذا الفائدة تعم علينا كلنا...نتعاون ونكبر عقولنا وما نسرف زيادة ....
بنمشي على خطوات إن شاء الله ...وبنشوف النتايج بإذن الله...كلنا مع بعض...
أهم شي اتفكرون واتكون عندكم إرادة قوية جدا إنكم اتوفرون واتفكرون في المستقبل بطريقة أفضل...
وكل وحدة تفكر ابنفسها أول شي...سواء كنتي طالبة ...في الجامعة أو المدرسة...أو كنتي زوجة وأم أوكنتي بنت يالسة في البيت أو موضفة أو تاجرة ...صغيرة أو كبيرة...
نحن مجتمعنا الإماراتي نحب المضاهر والسفر والأكل كل اللي نشتهي..والسنما والطلعات والعطور والمكياج والهدايا وووووو...ونادر ما انفكر كيف نحن نوفر بيزات ليوم نحتاج لها في المستقبل...
في البداية بعرفكم على نفسي وسبب فتحي لهالموضوع اللي باعتقادي مهم جدا جدا جدا....لكلنا...
أنا إسمي جميلة ...وأدرس حاليا في أكادمية الفرحة التابعة لمجلة الفرحة واللي هي عضو في مؤسسة الشيخ محمد بن راشد للمشاريع...
ولمدة 3 شهور أدرس 16 مادة تتعلق بالإستشارات الأسرية....وحسيت نحن بحاااجة مااااسة لهالدراسة...المهم من ضمن هالمواد مادة أسمها ميزانية العائلة ...للدكتور جاسم المطوع ..وأعتقد الكل يعرفه باسلوبه الجذاب الروعة...وهو عبارة عن شريطين يتناول عدة عناوين ..وأنا ببدأ خطوة خطوة نمشي مع هالعناوين...وانحط أفكار ذكية ونتعاون على التوفير...
فالمال اللي في إيدنا مب لعبة وهذا رزق ولابد إن انفكير كيف انحافظ عليه...
ملاحظة: بنات الغاليات ما أريد بالموضوع هذا ردود عادية من شكر ودعاء...لا أريد أفكار بنااااءة ...لأن نحن بحاجة ماااسة لهالشي...وتجارب ممتازة تساعدنا نوصل لشي اللي نريده...
يالله بنات نبدأ....
خلوني أشوف تفاعلكم أول شي...
وبنبدأ مشروعنا ....وحملتنا .....ممممم أسميها بعنوان (وفري وادخري....لمستقبل مريح)
ما عرفت شو أكتب إسم الحملة ...اللي عندها إسم وشعار أحلى تكتب.....
وبارك الله فيكم....
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اوفر لابني لنفسي مستقبل باذن الله تعالى موضوع ممتاز لي عوده
__________________________________________________ __________
>>>> الرد الثاني :
طريقة الأفكار اللي بتحطونها إن شاء الله بهذي الطريقة
عنوان الفكرة :
هدف الفكرة :
أطراف تطبيق الفكرة:
تفاصيل الفكرة:
والأفكار كيف بتطلع ...؟
فكري أول شي ابنفسج ليش التوفير...
ابيتج...أولادج ..زوجج ...المدرسة الجامعة...
المجتمع الدولة...صحف مجلات ..منتيات...
جدول ...دفتر تخطيط...هدية في التفكير...
أكتب لكم هالكلمات لأنها تعطيكم فرصة في التفكير المبدع...
يالله بنات شدوا الهمة...
__________________________________________________ __________
>>>> الرد الثالث :
بصراحة افكارج قيمة ورائعة واللة من اليوم افكر ادخر اوفر واقتصد وشكرا كثير لمعلوماتج القيمة وانشاللة تفيدينا اكثر
__________________________________________________ __________
>>>> الرد الرابع :
للعلم بنات أنا ما كتبت الموضوع هذا إلا لأني اريد ابنفسي الحين ...لأني أشتغل من 3 اسنين تقريبا ولا أقدر أوفر لنفسي شي...ما خليت أي شي إلا إشتريته أو سويته...والحين بدا وقت الجد إن انفكر ابحياتنا ...وأوقفوا التبذير والإسراف ...وفكرا عدل....
__________________________________________________ __________
>>>> الرد الخامس :
عن نفسي انا بديت شوي الصراحة اول خطوة من شهر
انا ما اشتغل وعندي بنت...وساكنة في بيت هله في حجرة..الحمدلله لك يارب
قلت لريلي..عطني مصروف شهري..اسد فيه عمري وبنتي والبشكارة واغراض الجمعية من عصاير وحليب لبنتي وهالسوالف...
يعطيني 6 الاف..والحمدلله يارب...قدرت اوفر لين اخر الشهر 2000 ..وفلوسه خلصن وانا بعدني الحمدلله محافظة..مع العلم اني مشتركة في الجمعية ووحدة تسلفت مني 1000
الحمدلله لك يارب..ورتبت لهالشهر اولوياتي شو بسوي...يعني بفصل وبسوي جلسات ليزر...وبنفس الوقت بدخر عشان بيت المستقبل وبحط حساب مستقبلي لبنتي
https://4arab.xplainer.net/images/smilies/smile.png
الواحد لازم يتعلم الادخار مايعرف ولا يضمن المستقبل...ولازم بنفس الوقت مانكون بخيلين على عمارنا وعيالنا وبيتنا
هاللي عندي افكاري مب مرتبة ..بس ان شا الله نستفيد من بعض
