خبراتكن مع الفليبينيات اشغال سهلة
عنوان الموضوع : خبراتكن مع الفليبينيات اشغال سهلة
مقدم من طرف منتديات الضمير العربي
مرحبا أخواتي
بغيت مشورة السيدات اللي سبق و جربن و اللي عندهن خدامة فليبينية
بصراحة أنا يبت وحدة بدل سيلانية أنا رديتها لأنها مريضة و هذه الفيبينية بس عقب عشر ايام من عمل الفيزا وصلت فأنا شاكة فالموضوع لش يت بسرعة و الي نعرفه هن يتأخرن فأنا شاكة أنها مردودة ؟ شو رايكن ؟ بس أنا وصلني مسج من الداخلية بعملية دخولها؟
الحين هذه تقول مسلمة و متزوجة و عندها بنية بس نا كنت ماخذتنها على أساس انها عازبة يلا كل مكاتب الخدم يكذبوا المهم سؤالي الحين
كيف أتعامل مع هذه الخدامة بطريقة أضمن أنها ما تتبطر بعدين خصوصا أني يايبتنها عل أساس انها بيبي ستر بعد و للتنظيف؟
ها أسالها عن اسلامها و لا شو؟ هل اعطيها ترمس اهلها كل اسبوع و لا كل شهر ؟
هل اعطيها موبايل و لا شو ؟
شو أسوي وياها علشان ارتاح و بعد تكون زينة مع عيالي الله حفظهم؟
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
شو أسوي وياها علشان ارتاح و بعد تكون زينة مع عيالي الله حفظهم؟
خلج طيبه معاااهاا ولاتقسين معاها ابد
وراقبيها بدون ماتتحسيينها
بس خليها اطمن اهلها انها وصلت
وكل شهر او كل اسبوعين قوليلها متى تبين تكلمينهم خبريني
وفيه فلبينيات من القرى مالهن خص فالصياعه هب كل الفلبنيات فري .
__________________________________________________ __________
>>>> الرد الثاني :
عندي تجارب من 3 فلبينيات
الاولى :
كانت ممتازة وايد مع العيال
بالنظافة
اتعلمت عربي بسرعة ..شو اللي صار..من طيبتي وفرحتي فيها عطيتها ويه وايد وتدلعت وقالت انا بسافر ما ابي اشتغل
وكانت مرجعة من المكتب 4 مرات..فسفرناها وانتهى الموضوع
الثانية :
من القرى عمرها 38 سنة..مريضة لوعت بجبدي وخير وبركة انها سافرت
كانت تحب العيال بس ما تنفع للشغل ابدا ووسخة بطريقة فظيعة وسفرناها
الثالثة الحالية اللي معاي:
ممتازة والله تشتغل بس تنسى وايد..ومرتبة ونظيفة تعجبني نظافتها..ما خليت شئ ما شريت لها..صبغت لها غرفتها اشتريت لها دولاب يديد حمامها بروحها ادوات تنظيف حمامها بروحها
ثياب يديدة يونيفورم كل قطعة مع حجابها..تحب عيالي وايد ..احيانا تغلط بالشغل ..الانسان مب معصوم..فانا بكل سعة صدر أطوف,لآني ابي ارتاح..دامها معاي تضحك ومع عيالي هذا يكفيني..
مقسمين الشغل بالبيت وكل شئ مرتب
يعني الشغالة يبالها حزم من البداية تراقبين بالنظافة شيكي من وراها
انا شغالتي اشوفها بالكاميرا او اطب عليها فجأة
المهم عرفتني اني مش كسولة...الحمد لله والله اني مرتاحة وايد منها ..الله يهديها ويهديني يار ب
__________________________________________________ __________
>>>> الرد الثالث :
خليها اطمن اهلها انها وصلت
وبعدين تكلم أهلها من راتبها على راحتها...ان شاء الله تخسر معاشها كامل على الاتصالات يوميا
وبالنسبة للاسلام... انتي عطيها سجادة صلاة...واشتريلها حجابات وماعليج من شي ثاني
والموبايل مله لزمه اذا هي ماطلبت
__________________________________________________ __________
>>>> الرد الرابع :
كل شهر عطيها ترمس هلها بالبدايه شدي عليها عسب تحترمج ها اسلوبهم للاسف اذا انتي زينه تاخذ عليج وتطنش رمستج علميها ع شغلج من اسبوع لشهر راقبيها من فتره لفتره حساسيها ان البيت بيتها اسبوع لعشره ايام عادي اتيي البشكااره مب كل المكاتب تتاخر من ناحيه الجذب عاادي تعودنا ع جذبهم الامن رحم ربي ربي يعطيج خيرها ويكفيج شرها اهم شي الفحص افحصيها
__________________________________________________ __________
>>>> الرد الخامس :
اختي مشكلة الخدم انج ما تعرفين لهم
عن نفسي شو ماكانت الجنسية أتعامل معهم بما يرضي الله أعلمها و إذا خطأت أصوب خطأها و لكن إذا بالغت أنبهها
و إذا ما عيبتني أرجعها المكتب و أفك عمري
أما عن بطاقات التلفون أعطيهم من أول ما يوصلون يتصلون على اهلهم و تقريبا مرتين بالشهر أشتري لهم بطايق و أغراضهم الشخصية على حسابي و ثيابها و أعاملها مثل بناتي ليش لأن ادفع بالتي هي أحسن حتى لو ناوية على شر الله بيفضحها و ما تضرني و لا تضر عيالي
الله يعطيج خيرها و يكفيج شرها
