أنا عروس وفي ورطة ساعدوني بلييييييييييييز اشغال يدوية

عنوان الموضوع : أنا عروس وفي ورطة ساعدوني بلييييييييييييز اشغال يدوية
مقدم من طرف منتديات الضمير العربي

السلام عليكم ورحمة الله وبركاته،،،،،،،،

مبارك عليكم الشهر الفضيل ويارب ينعم عليكم بالصحة والعافية والأجر والثواب الجزيل،،،،

المهم بدخل في الموضوع لأني ادري انكم جواعنين وقرقرتي راح تدوخكم،،،،،

انا عروس جديدة مو متعودة على الغسالات وتعسيل دايم اعتمد على الشغالة في بيت الوالد الله يحفظه

جينا للجد الحين انا في بيت الزوجية وتوني اليوم واصلتني الغسالة وغسالتي LG الفتحة الأمامية،،،

المشكلة اني ما اعرف استخدمها يعني خبروني يا بنات

اول شيء شنو اسوي احط الثياب او احط الصابون في الدرج المخصص وشلون استخدمها

ياليت من طقطق الى سلامو عليكم يعني من الصفر لأني غشيمة

خبرني الفني الي وصل الغسالة ان الدرج الي على اليمين كلوركس والثاني الوسط كمفورت والثالث الي على اليسار صابون؟؟؟

بس سويت مثل ما قالي حق الثياب البيض ولقيت في الأخير لما خلصت الغسيل ان الكمفورت ما اخذته يعني مثل ما هو موجود...

انا غيرت الصابون من تايد الى اريل عشان مناسب للفتحة الأمامية بس ما عجبني ريحته وايد كريهة

وكمية الصابون شلون احددها ؟؟؟؟ ما اعرف شيء انا في ورطة علموني بليز

هاي صورت غسالتي:
https://www.ajelectronics.co.uk/imag...0(F1256QD).jpg

وهاي كل الي مكتوب على الغسالة من الأزرار

زر التشغيل

زر التشغيل المؤقت / ايقاف مؤقت

زر Temp. درجة الحرارة المياه في خمس درجات 95 ، 60، 40، 30، وبارد.

زر التجفيف Spin فيه خمس درجات 1400، 800، 400، بدون تجفيف، شطف وتجفيف.

زر Spin زر التجفيف وفيه قياس التجفيف

اربع ازرار وراء بعض وهاي مهمتهم،،،

زر Madic Rine شطف طبي ( للعلم ما ادري اي نوع قماش تستخدم ليها؟؟؟؟

زر Pre wash (الغسيل الأولي) مو فاهمة شنو يعني

زر intensive (الكثيف)

زر Crease Care لإزالة التجاعيد....

وفيه دائرة الكبيرة الي صايرة على مكتوب عليها نوعية الغسيل.... وهي الأنواع:

Cotton (قطن)

Cotton Quick ( القطن السريع)

Synthetic (الإصطناعي)

Duvet (الضخم)

Quick 30 (السريع 30)

Rine +Spine (شطف + تجفيف)

Spine (التجفيف)

Delicate (الرقيق)

Hand / Wash / wool (غسيل يدوي / صوف)

Baby Care (عناية الطفل)

Boiling care (عناية الغسيل بالغلي)

Bio Care (عناية بايو)

بس هاي كل الإزرار الي مكتوب على الغسالة

بنات خبروني هل المشكلة عندي ان ما تآخذ الكمفورت

وليش ريحة الصابون ما تطلع في الثياب



الله يثيبكم في هذ الشهر الفضيل وينولكم الي في بالكم ويسر اموركم ويسهل عليكم آمين رب العالمين

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

انشالله الخوات يفيدونج حبيبتي
ماعرف والله ولا جان علمتج https://4arab.xplainer.net/images/smilies/frown.png

__________________________________________________ __________

>>>> الرد الثاني :

>_< الصراحه انـا ما اعرف لـ هالغسالات . . ,

سرت وشتريت الغساله العاديه . . اسهلي . . بس متعبه في الغسيل بس بعد حبيتها ^^

ان شالله بيساعدونج البنات

__________________________________________________ __________

>>>> الرد الثالث :

للرفع

__________________________________________________ __________

>>>> الرد الرابع :

مرحبا غناتي أنا عندي غسالة توماتيك بس سامسونج وابصراحة سهلة بس مالتج فيها اشيا غريبة
بالنسبة للي عندي احط فالدرج الاول صابون تايد اللي ع ايدج اليسار فالدرج والوسط كمفرت واحط الثياب وعقب اضغط ع التشغيل واختار اللي اباه ودرجة الحرارة المناسبة وانتظر الين ماتخلص انا بالنسبة لي اختار الغسيل السريع واذا كنت بحط ملابس يديدة مايبالها الا كمفرت احط الكمفرت فالوسط واشغل واختار شطف وتجفيف 15 دقيقة عندي ... بس مالتج شكلها معقدة شفتها عند اخو زوجي ماخذنها لحرمته قبل ماتوصل...ههههه ترا عرسه عقب شهر ربي يوفقه..

__________________________________________________ __________

>>>> الرد الخامس :

مشكورات بناااااات والله يسهل اموركم يارب.....

انا بعد ورطت نفسي وشريتها شفت مكتوب عليها 10 سنوات ضمان للموتور ولقيت كل من يمدحها اهني في الأنترنت فقررت اخذها بس معقدة واااااااااايد

انا اعرف اشغلها الحين بس الكمفورت ما راضي يتحرك من مكانه ما ادري ليش؟؟؟؟ غريبة وحطيت في الغسلة الثانية اقل من الأولى قلت يمكن مني السبب بس بعد لقيت ان ما اخذ شيء ؟؟؟؟ نفس ما هو موجود..... ودي اعرف السبب من وين الخطأ.....