كيف تقسمين راتبج ؟؟ حياكم متزوجات و عزابيات ^..^ اشغال يدوية

عنوان الموضوع : كيف تقسمين راتبج ؟؟ حياكم متزوجات و عزابيات ^..^ اشغال يدوية
مقدم من طرف منتديات الضمير العربي

الموضوع للسوالف و الفرفشة و نستفيد منكم


شو تسوين براتبج كيف تقسمينه باالضبط يالله شاركونا



خبرونا لو متزوجات او عزابيات

انا متزوجة

8000 اخليييهم في (حساب منفصل 1)
2017 درهم اخليهم ع صوب لاغراض البيت ومب شرط اشتري ( اخليهم ف ظرف )
3000 درهم مصروفي الشهري (رصيد- بترول ....ألخ)
(يكونون ف بوكي)
2500-2017 درهم - العناية بالبشرة يعني صوالين ع ليزر ع عيادات و مب شرط اصرفهم كل شهر- (اخليهم ف ظرف )
3000 درهم اخليهم للشوبينق و الاعياد و الاعراس وللهدايا الزوجية (حساب منفصل 2)

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

والله انا ما اشتغل بس مصروفي الشهري من ريلي 5000درهم 2500 درهم في حسابي الخاص وباقي اصرفه بس الله فيه بركه يزيد منه وايد الحمدلله
تحياتي لج

__________________________________________________ __________

>>>> الرد الثاني :

انا راتبي ماشاء الله حلو ، بس اعطي منه لأمي 1000 و لأبوي 1000 و اختي الصغيرة و الحمد الله ما اصرف منه شي و يزيد منه ..

__________________________________________________ __________

>>>> الرد الثالث :

مجنونة وتجنن الله يبارك لج فيه

أحلى شي يوم الوآحد يفكر بآهله فبل نفسه ^.^

آنآ مآشتغل =)

بالتوفيج

__________________________________________________ __________

>>>> الرد الرابع :

انا راتبي اقسمه 2000 اغراضي الشخصية (عطور لبس افصل عباة اي شي شخصي ) طبعا مب كل شهر بفصل او بشتري يعني ساعات يزيدن
و جزء منه حق اعمال خيرية حق المتوفين من اهلي وحقي
وجزء اغراض البيت ... دوم ريلي يشتري اغراض البيت بس ساعات يكون فخاطري شي فنص الشهر او شي هو ما ياكله انا اشتريه من بيزاتي
جزء حق المشاوير اليومية رصيد و حق البترول
والباجي فالبنك وديعة ... يعني يتم لي اخر شي ساعت 10 و ساعت اكثر وساعت اقل على حسب لان ساعات اطلع ويا ربيعاتي ساعات يستوي شي طارئ جي

__________________________________________________ __________

>>>> الرد الخامس :

الصراحه انا ماقسم ،، ويعتمد على صرفية الشهر،، يعني لو شي مناسبة أو عيد جريب مرات ما أوفر لأني أساعد هليه في هالفترة،،،
وهذي مجرد تقريب :

الصالون : 1000 - 1500 ( شعر ، عناية وتنظيف ، أظافر إلخ )
أغراض شخصية ومكياج : على فترات ومرات ريلي ياخذهن لي وما تكلف زود 1000
مشاوير وصرفيات أخرى : 1000- 2000
الملابس والعبي إكسسوارات وشنط إلخ : ما أتشرى دوم وعلى حسب احتياجاتي واذا شي مناسبة،، وعموما ما أطلع عن 1000 - 3500 لأني يوم أسوي العبي أفصل 10 مره وحده وجذيه

وعلى فكرة لاحظت أني من حملت وعفت الطلعة وسيرة الصالونات والتلبس والمكياج وايد وفرت ههههههههههههه