منو صادف مشكلة العفن والحشرات الصغيرة في المطبخ؟؟؟ ساعدوني الله يرضى عليكم عمل يدوي

عنوان الموضوع : منو صادف مشكلة العفن والحشرات الصغيرة في المطبخ؟؟؟ ساعدوني الله يرضى عليكم عمل يدوي
مقدم من طرف منتديات الضمير العربي

السلام عليكم

من فترة مصادفتني مشكلة ولايعة جبدي منها والله

فصلت مطبخ جديد خشب والحلوة الشغالة بدل لاتمسحه بفوطة وماي قامت غسلته كله وعقب كمن يوم انصدمت عقب مارتبت الأغراض وكل شي انه الكبتات من داخل كلها معفنه من الماي https://4arab.xplainer.net/images/smilies/bb/10.pnghttps://4arab.xplainer.net/images/smilies/bb/13.png

خبرتني وحدة أمسح العفن بكلوركس مع الماي مسحته والحمدلله خف وايد

أيام رمضان كنت ماخذه علب وايده مال الدريم ويب والكريم كراميل يعني للحلويات هالأشيا تعرفونها وتخيلوا عقب كمن يوم والا أشوف السدة اللي فيها هالعلب كلها مثل النمل أو أصغر ماقد شفت هالحشرات عالعلب!! شليتهم كلهم والله وعقيتهم من اللي شفته

بس مادري هالحشراتكانت في بعض العلب وانتشرن بالمكان والا ظهرن من العفن!!

وأتاريهم واصلين لرول الكلينكس الكبير وكان تحته السدة وبعد عقيته ع طول وألحين من أسبوع تخيلوا شفتهم بمكان ثاني!!

طولت عليكم بس بقيت أخبركم بالضبط شو السالفة

ساعدوني فديتكم شو أسوي!! ألحين قلت للشغالة بعد تظهر كل المواعين وتغسلهم س شو أسوي بالبلاوي اللي شفتها؟؟

مكان العفن القبلي مستوي مثل البودرة السودا!! بتخبل واللهhttps://4arab.xplainer.net/images/smilies/bb/3.png

أحسبي متغمضة عالمطبخ توه يديد وغالي المشكلة مب عارفة شو أسوي!!

قلت بييب شركة تنظيف بس أخافهم يرشون ومايدرون شو السالفة ويخربون الكبت زيادة

بالله عليكم انصحوني وعلموني اذا وحدة واجهت هالشي

أنتظركم سريع والله يجزي الخير اللي ترد عليهhttps://4arab.xplainer.net/images/smilies/bb/26.png

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شوفي حبيبتي اهم شي التهوية ثم التهوية يعني لو يستوي اطلعين الكبت فالشمس طلعيه او افتحي الباب والدريشة طلعي كل الاغراض الي داخل وعقيها او امسحيها من برا بكلوركس او ديتول وماي انا احط فحم داخل الكبت يا انج تبين فحم وتحطينه داخل المدخن وغطيه الكبت شوي وطلعيه او تحطينه وهو بارد

وان شاء الله اكون فدتج

__________________________________________________ __________

>>>> الرد الثاني :

ربي يوفقج اختي

__________________________________________________ __________

>>>> الرد الثالث :

إذا كبتاتج خشب يمكن هاي الرمه ماكلتنه ، ماينفع الخشب في المطبخ ، أنا مطبخي ألمونيوم وشفت هالنمل الأبيض ماكل أعواد الشواء الخشبيه ، كنت شارتنهم واستخدمهم وعقب فتره شهور نسيتهم ويوم ييت أبغي أستعملهم انصدمت انها مأكوله وفي الكيس مثل الرمل شوفي شركه مال الحشرات يرشون البيت وخبريهم عن المطبخ ، الله يكون في عونج

__________________________________________________ __________

>>>> الرد الرابع :

شكرا فديتكم عالردود بس المطبخ كيف أطلعه برع مثبت خلاص

والخشب لأنه هالمحل اللي عنده كله خشب بس ياختي مب منه من الهبلة الشغالة اللي غسلته بالماي ومشكلتي مانبهتها انها بس تمسحه ع بالي فاهمة الشغلة

النمل مثل الحشرات الصغيررررررة ماتشوفين الا نقطة تمشي مب رمة كلها الله أعلم شو هي

__________________________________________________ __________

>>>> الرد الخامس :

الغاليه انا اتصلت شركه مال رش الحشرات من الوسيط خذت الرقم ورشولي البيت ماشاءالله افتكيت من كم يوم والبيت متروس نمل وايد كنت متضايقه الحين خلاص ، ياريتني من قبل طلبتهم ، شوفي اتصلي كمن مكان واسأليهم يمكن يفيدونج الله يكون في عونج