الزوج والخادمه لمشاكل المنزل
عنوان الموضوع : الزوج والخادمه لمشاكل المنزل
مقدم من طرف منتديات الضمير العربي
السلام عليكم
خوآتي شحالكن
اليوم حبت ربيعتي تدخل بنكي وتعرض مشكلتها مع الخدامه وزوجها
,,فلنقرا قصتها ويمكن تلقى حل
كانت عندي خدامه اثيوبيه وشردت ..وانا حامل بشهوري الاولى وحامي صعب..وتميت على هالحال شهرين بدون خدامه لين ما,,يبت خدامه ومن اصل نيبالي متعلمه وتعرف انجليزي وماشاء الله تعلم اليهال انجليزي يعني وفرت على نفسي لاني ماعرف انجليزي لهاك الزود
بس تدورون شو السالفه السالفه انها من اختيار ريلي وسنها صغير وريلي متحسف لانه دفع وخسر على الخدامه اللي شردت وعلى الخدامه اليديده,,قلت يالله برتاح شويه لكن لاحظت على ريلي اهتمامه الزايد بالخدامه لدرجة انه فيوم قاعد وياها فالصاله يشوف وياها فيلم هندي غيير انه غافلني فالسووق وراح اشترالها ملابس داخليه لانه سألني فالبدايه سيري خذي لها خبرته اني شاري لها ملابس داخليه لكن غافلني وراح اشترا لها ويوم رجع خبرني انه اشترالها ..بس مطرش البياعه تختار لها وهو واقف من بعيد هنيه زعلت وحاول يهديني اونه تصرفي مافيه اي غلط ..اوكي يوم نروح اي مطعم ريلي من النوع اللي يحب الطلعات وتغير الجو
https://4arab.xplainer.net/images/smilies/bb/5.png..حتى لو الخدامه معانا بس اونها تشوف اليهال لكن شي ماعجبني فسلوكه يوم قعدها حذاله ,,وقعد ياكلها يعني يغرف لها وانا يوم اروح اغسل ايدي القاه وياها ويوم اتريا اليهال في الحمام القاهم مروحين السياره ومخليني وياليهال ..وهذا غير كل مايروح وياها وبروحهم الصبح عسب يخلص معاملتها من فحص وهويه وغيره القاه مخلص شغله ومأجل شغلها وكل يوم فاجازته رايح وراد وهي بعدها حتى الفحص ماخلصته هذا غير يوم يرجعون شاري لها حلويات وشيبس ومعجنات اونها ماتريقت الاخت هذا غير اذا رحت مشوار يقولي خليها البيت محتاج نظافه ويوم واجهته قالي هاي طفله
https://4arab.xplainer.net/images/smilies/bb/22.pngانا بطالع طفله ,,ويوم قلت بفضحك عند اهلك قالي عيب انا ريلج بو عيالج لاتشكين ..كبري مخج اونه لاتغارين من خدامه هني ولا هناك ,,قلت له الخدامه حرمه شراتي مب طفله وانا لي الحق اختار لها ثيابها واي شي يخصهاذكرته بان اللي يسويه حرام ومحرم اختلاء الزوج بالخادمه ,,بين علية التاثر
https://4arab.xplainer.net/images/smilies/bb/20.png
بس بيني وبينكم الخدامه لاحظت عليها الادب وماصدر منها اي غلط الحق ينقال هي يايه تشتغل حتى خبرتني سنتين وبروح بس شسوي بريلي ..ذابحني بمعاملته الحلوه ويالخدامه
انا بروحي حامل هب ناقصه شو رو علي لاني تعبت
https://4arab.xplainer.net/images/smilies/bb/3.png
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
حبيبة قلبي ممكن زوجك يعاملها على انها مسكينه ويعطف عليهاولانها صغيره لا غير انتي ممكن تقولي له مالك دخل بالخدامه خليني مني ليها بس والامور ان شاء الله تتصلح
__________________________________________________ __________
>>>> الرد الثاني :
نصيحه مني اختي اذا طلعتو برع ما في داعي للشغاله تكون وياكم
وخبري ريلج ان شغل البيت وسوالف الخدم هاي كلها عليج
لا تخلينه يتدخل ولو بحسن نيه
وربي يوفق يا رب
__________________________________________________ __________
>>>> الرد الثالث :
بالتوفيق اختي بارك الله لكي
__________________________________________________ __________
>>>> الرد الرابع :
__________________________________________________ __________
>>>> الرد الخامس :
قاعدة معاه يطالعون فلم في الصاااااااااااالة؟؟؟؟؟ شوو هالمصخرة ؟؟احنا وين عايشين في امريكا مثلا!!
يمكن ريلج من النوع الفري وحنون وجي بس مب لهاااي الدرجة ! وممكن بعد يعامل الخدامة زين عشان ما تشرد ويرد يخسر بيزات على البشاكير ..كل شي جايز وممكن تكون عنده نية مب زينة والله اعلم والشيطان شااطر صدقيني حتى لو كان مطوع الرياييل ما يتأمنوون في هالسوالف
بس يقولون الباب اللي يجيك منه الريح سده واستريح ...ريلج كلميه بحزم وبجدية في الموضوع يا انه يصطلب او انج بتسفرين البشكارة وهو ملزوم يجيب غيرها وعلى ذووووقج هالمرة
وراقبي كل صغيرة وكبيرة لا تسيرين مكان ولا تطلع وياه رواحهم انتي شلي حالج وروحي معاه ..قولي له مب ززين الخلوة حرام وربي بيحاسبني لاني تركت لك المجال
تخلص شغلها وتسير غرفتها ما تم دور من مكان لمكان وهو موجود في البيت
بصراحة انا انقهررررررت واشوفج من كلامج باردة مب هامنج لذاك الزود يعني شفتيها قاعدة وياه في الصالة وردت فعلج كانت ضعيفة لو انا مكانج ما ادري شو كان صار لاني اشوفه موقف قوي وما فيه احترام بالمرة انا اذا حرمة ما اخلي البشكارة تقعد تتفرج معاي عالتلفزيون !! صحيح هي انسانة والخ بس ما اقدر اعطيها هالكثر ويه باجر بتصير تراددني وما تسوي لي سالفة
اختي انقهرت عليج والله ياريت تنهين هالمشكلة بسرعه وطمنينا شو سويتي ...الله يسخر لج ريلج ويسخر لج البشكارة بعد وتكون لج عون مب فرعون في البيت
