https://v.3bir.net/images/smilies/aa.gifهذي قصيده غزليه اتمنى ان تحوز على رضاكم وهذة اول مشاركه لي
سر ياقلم واكتب جزيلات الاشعار
واختر اخيار القاف وابدع مثيله
ياونتاونيتها منه لاجار
ون الكسير الي ضلوعه هزيله
وياتل قلبي كل ما هل عبار
تل الرشى لامن تقطع حبيله
كله لعينا ناعم العود لاسار
سار الهوى بأمره لعوده يشيله
مورد الخدين زاهي التمخطار
امعزل الاوصاف عينه كحيله
امروكز النهدين في شفاه تحتار
فعل الخمر باشفاه وطعم العسيله
لامن تبسم بان لولو ومحار
تبرق كما لمع السيوف الصقيله
يالله ياالوالي على كل الاقطار
ارجع وليف القلب عذب الفعيله
هذي ثلاث سنين مرت ولا دار
ذكره ولالي في الملا من دليله
قلبي كما طيراعلى كف صقار
يكفخ ولاله في هواها وسيله
اقفت ولالي في الهوى غير تذكار
ذكرى ليالي وصال خل وخليله
عسى عذولا لامني فيه هذار
يلقى العنا وهموم قلبه ثقيله
عزي لمنهو في الهوى صار منهار
يتنا وليف الروح صبحه وليله
يتناه في ليله مع شبت النار
ودموع عينه فوق خده هميله
واليوم بابحث عنك لودونك اخطار
درب المهالك ماشيافي سبيله
عنك نشدنا في البراري والامصار
وايضا مشينا في البحور الطويله
سود اليالي مع صلفات الاقدار
دونك ولالي في التصاريف حيله
يالله يا المعبود يامسقي الدار
تسقي ديار الزين هو والقبيله
من كان له غايب على البعد صبار
لابد من يوما وليفه يجيله
وصلات ربي عد ما طاير طار
على النبي اللي عدل كل ميله
اتمنا ان تحوز هذة المشاركه على رضاكم ولا تحرمووني من اي ملااحظه عندكم على مشاركاتي
