حاااااان القصاااص من شعر الخليج
عنوان الموضوع : حاااااان القصاااص من شعر الخليج
مقدم من طرف منتديات الضمير العربي
نسأل الله العفو والعافيه
قدر الله عز وجل أن تحصل حادثه بين قحطاني وسبيعي وأنتهت هذي الحادثه بمقتل السبيعي وقد الفوا قحطان بديه يطلبون
في الرقبه ورفضوا سبيع وقد حكم على القحطاني بالقصاص
و بعد 6 سنوات من دخوله السجن والرويات كثيره حول مدت السجن نزل حكم القصاص على الرقبه
تجمعوا القحاطين وجمعوا 000 000 7 سبعه مليون ريال
حينها أرسل الى سبيع مرسول من قحطان لعلهم قد غيروا رايهم
بنوا سبيع مخيم وأقبلوا القحاطين على روسهم مشايخهم وحينما التقت الصفين وسبيع ليس لهم نيه بالعفوا
ومشايخ قحطان يتلفتون من يبدأ بالكلام فضهر شخص من بين الصفوف طلع وتقدم الصفوف ومع ذالك
لا يعرفون الشيوخ من هو ولماذا خرج من بين الصفوف ومحتارين وش بيسوي طلع وبرك على ركبه وبتل
في القصيده لمن عرفوا بأنها قصيده بركوا كلهم وراه وسبيع مصطفين
هذي القصيده وقائل القصيده
.
.
.
هذي القصيده للشاعر / سيف بن كليفيخ الجروي القحطاني
ياسبيع ياهل الثلاث الي بها تعرفون &واهل البخوت الكبار الي تسمابها
واهل البشوت الوساع الي لها تلبسون&اللي تجمل وتذري من تذرا بها
ياسبيع يالي على صم الرمك تحتمون&البل بشلف يفض الاراس مضرابها
ياسبيع يلي على وقت العسر تكرمون&ياللي على المصراعين تفتح ابوابها
ياسبيع يالي بتاريخ العرب تذكرون&تحكي التواريخ عنكم ونتحاكابها
ياسبيع لاكثرت الردات ماتهزمون&لاصاحت المحصنات وشقة اجيابها
ياسبيع ياهل الرماح الي تفض المتون&اهل عزوة ماتخجل من تعزوابها
ياسبيع ياللي على سلم شرف تصعدون&العود يرقا بها والغمر يرقابها
ياسبيع ياهل الفخر من حقكم تفخرون& ولولا صدوق العبارة مانطقنابها
والله لولا اكتساب المدح ماتمدحون&الاقول بعد الفعول اموت واحيابها
عليكم البيض ننشرها وتستاهلون&والبيض لسبيع حاضرها وغيابها
ياللي بنيتوا خيام العفو تستقبلون&جتكم قبايل بنو قحطان واصحابها
قبايل يطلبون الله ثم يطلبون&ذبيحة ربطت في حوش قصابها
بجاه ربي وبجاه الرسل والمسلمون&نطلب رجال تقدر جاه طلابها
عفوا عساكم نهار البعث تستبعثون&في زمرة الانبياء والرسل واصحابها
ياسبيع جينا لكم نمشي على ماتبون&بعد بلتنا البلاوي وابتلينابها
حنا اللحم وانتم السكين والكون كون&كانت وبانت وحنا مادرينابها
من غدر الايام لانسلم ولاتسلمون&بقعا تلف وتدور وتفتل اشنابها
وحنا عن الغيب لانعلم ولاتعلمون&والدهر فسر احلام ماحلمنا بها
واليوم جينا وبكرة جعلكم ماتجون&تشكون من نزعة الشيطان واسبابها
والنفس احانت وادانتها كبار الديون&وابليس لشر وداها ولا جابها
تخضع تحت سيف الله حديد السنون&اما تعشابها والا تغدابها
تسامحوا واعتقوها جعلكم تعتقون&في ساعة كل نفس تعرف احسابها
وصلوا على اللي بنور هدايته تهتدون& نبينا اللي فتح مكة وصلى بها
اللي رفع راية الاسلام للمسلمون&واهدم وهدم بيوت الشرك واحزابها
بيض الله وجهك يا سف
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
والنفس احانت وادانتها كبار الديون&وابليس لشر وداها ولا جابها
تخضع تحت سيف الله حديد السنون&اما تعشابها والا تغدابها
صح لسانك ولسان الشاعر
قصه وقصيدة فيها الكثير والكثير
بيض الله وجهك ووجه الشاعر ومنهم سعو فيها
مودتي
طير
__________________________________________________ __________
>>>> الرد الثاني :
أشكر اخوي طير على المرور
ودمت
__________________________________________________ __________
>>>> الرد الثالث :
هذي اخرت الغضب
تروح فيه ارواح البشر على سبب مايسوا
الله المستعان
قصيدة طيبه
صح السان الشاعر
ولاهنت عالنقل
تقبل مرووري
__________________________________________________ __________
>>>> الرد الرابع :
__________________________________________________ __________
>>>> الرد الخامس :
