ياللي دفنتوا جثته.. ليه تبكون؟ خليجي
عنوان الموضوع : ياللي دفنتوا جثته.. ليه تبكون؟ خليجي
مقدم من طرف منتديات الضمير العربي
ياللي دفنتوا جثته.. ليه تبكون؟
لولا الحيا..لأقول : معكم خذوني
منه انحرمت وكنت انا عنه مسجون
ما أذكر لمحته .. غير مره بعيوني
شفته ..وكانت فرحتي مالها لون
عجزت لأوصف .. من لمحته شجوني
ياليتني ..كنت الكفن يوم تمشون
أبقى معه بالقبر ثم تدفنوني
أو ليتني .. من خلفكم كنت (مجنون)
أتبع خطاكم والعذر هو : جنوني
أبكي وراكم .. وأدعي ان كان تدعون
مايكفي انه عاش عمره بدوني؟؟
تكفون < هاكم عمري اليوم تكفون
برخص حياتي دام خابت ظنوني
مافادني صبري !! ولا فادني عون
ولا فادني دمع(ن) .. حرق لي جفوني
ياما بكيته والبكي يحرق عيون
ميت أو انه حي .. دمعي بعيوني!!
العام كان بفرحته.. يعزف لحون
واليوم ؛ تحت الأرض .. ماهو بكوني
لكن أنا في فرحته.. كنت مدفون
فوق الثرى .. واليوم موته سجوني
(سميت قلبي عقب فرقاه ملعون)
هو و الليالي .. عن هناه امنعوني
ياليتني.. ماعشت لحظه بهالكون
وياليت ربعي .. في سكات اذبحوني
وياليتكم .. عن همي اليوم تدرون
منه انحرمت > ومن عزاه .. احرموني
حتى بوفاته !! يوم أنا طحت مطعون
أخفيت طعناتي .. قبل لا يفضحوني
بكيت!! لكن .. ماتظاهرت بالهون
أبكي وأقول : الموت هو سبة طعوني
وإن كان في حبي أنا ..ماتحسون
دلوني لقبره .. وهناك ..اتركوني
منقوووول
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
أبيات رائعة وفيها تصوير أجمل لحال من يرثي حبيب قد فارقه.
شعر جميل وتوصيف اجمل
تمنياتي لك بدوام التوفيق.
__________________________________________________ __________
>>>> الرد الثاني :
قصيدة جميله
يسلموو عاالنقل
__________________________________________________ __________
>>>> الرد الثالث :
قصيدة مؤثرة للغاية
صح لسان شاعرها ويمينك على نقلها
تحياتي
__________________________________________________ __________
>>>> الرد الرابع :
__________________________________________________ __________
>>>> الرد الخامس :
