ما برد عزمي و لا غير لهيب آلحب لوني
دام لي قلب من عروق آلوفا يسقي وريده
و الهوى حظ ونصيب و دمعتي عذرى جفوني
و لـ إلجفون سلوم و الدمعه تخاف من النقيده
ليه يا من تسرقين آلود من نظرة عيوني
ما حسبتي غيبة اللي لا نوا آلغيبه فقيده
و ليه لا عزمت أبنسى من على آلدنيا نسوني
ما ذكرت الا انتي وجرح مساحاته عديده
ليت عذرك عن وفاك و غلطتك يلغي شجوني
و ليت لي قلب بدون احساس و أحكامه شديده
كنت أظنك ما تعيشين العمر لحظه بدوني
و أثر ما لـ آلظن غير آللوم و لحون آلقصيده
أذكريني كل ما فاضت عيونك و أفقدوني
و كل ما دمعك نشد خدك و قال شصار بيده
وأذكريني لا غزا آلبرد آلضلوع و مآ لقوني
و لا جبرك آلوقت في ممشاه وأطباعك عنيده
و أذكريني كل ما جاتك من آلعالم لحوني
عقب ما كنتي من لساني تعرفين الجديده
و أذكريني كل ما احتجتي تخونيني وخوني
في غيابي كل ذكرى بيننا كانت سعيده
و الا أنا لا من ذكرتك ما ذكرت الا طعوني
في آلزمان اللي تجمعنا به الله لا يعيده
ما ربحت الا جفاك و ما خسرت الا جنوني
و لا بعد هذا سوى النسيان وآلفرقا الاكيده
سامح الله غلطة احساسي قبل غلطة عيوني
وسامح الله هاجسي في ما هدالك من رصيده
لو ظنوني يوم واحد تشعر بخيبة ظنوني
ما يصير آلحزن سيد آلصدر و أفراحي عبيده
سامح الله ذنب كل اللي على آلضيقه حدوني
لين صرت أواجه الايام في بسمه وحيده
مما أعجبني رشه عطر تحييكم
$$ لحظه شموخ $$
