وقضى سلطان عليها .. قصة واقعية حقيقة مؤلمة
عنوان الموضوع : وقضى سلطان عليها .. قصة واقعية حقيقة مؤلمة
مقدم من طرف منتديات الضمير العربي
وقضى سلطان عليها<قصة واقعية حقيقة مؤلمة>
أنا حبيت انقل لكم هذه القصة لأني عشتها وعشت احداثها وكانت
صعبه بالنسبة لي ولصاحبة هذه القصة التي تركت على عاتقي
بأن انشر كل كلمة كتبتها لأخذ العظة منها والعبره....
حاولت ان اقتصر عليكم قصتها لأنها كتبتها في مئااات الصفحات
وحاولت أني أغطي أهم أحداثها....
أترككم مع صاحبة القصة...................
[ماعرف كيف ابدأ قصتي المريره هل هي حقيقة أم خياااال ولكن
أحييت فوجدتها حقيقة مرة...؟!!
كنت أعيش حيااااتي مبسوطة أحب الحياة احب الناس
مقبوله لدى الكثير من الناس يعني محبوبه لدرجه ما..!!
عشت حياتي وأنا أحب مرحله الطفولة فيني فمنذ الصغر وأنا احب الحياة كبرت ودرست وكنت احب الدراسة كثيرا فكنت دائما من الأوائل
كبرت ولكن قلبي وعقلي لم يكبران ولسبب بسيط جدا لأنني أعيش مرحله الطفوله وأنا في سن المراهقة فكنت اجلس مع الأطفال والصغار وألعب معهم لم احس بأني كبيره كنت أحس بأني طفله صغيره تلعب مع من مثلها...
تخرجت من الثانويه وبتفوق ودرست بالجامعة هنا حسيت اني كبرت فتغيرت حياتي ..!! من هنا بدأت وكبرت وليتني لم اكبر ولم ابدأ
بدأت قصتي المريرة التي كانت في بدايتها حلم حلم كبيـــر كنت أظن بأن الحياة صارت احلى احلى معاااه كنت أطير من الفرحه لما اسمعه فكانت بدايتي ونهايتي في تلك اللحظات وتلك الكلمة وهي نعم , نعم, نعم,
نعم تلك الكلمة دمرت حياتي فمن هذه الكلمة تعرفت عليه...!
هو لا يعرفني وأنا لا اعرفه فأنا اعيش في الشرقيه وهو في الريااض..!! فكان اتصاله لي بشكل دائم وأنا اقول له نعم, نعم, نعم,وهو يقول السلام عليكم طبعا هو قصدة اللعب والتسليه...وبدأت معه للتسليه ومجاراه الامر مع اني ارفض تلك العلاقات التي تحصل بين الرجل والمرأه
ولكن أنا وقعـــــــت فيها.....!!؟ فقلت لنفسي دام هو من الرياض اتسلى معه وهو مستحيل يعرفني انا بنت منو...؟
وكملت معه فتعرفت عليه وقلت له اسمي ساره وعمري 20 سنه وادرس بالجامعه واسكن بالشرقيه وهو كذلك قال لي بأن اسمه سلطان من الرياض عمره 23سنه تخرج من الثانويه ومانقبل بالجامعه وهو يشتغل في معرض ابوه للسيارات.....
وهذه هي البدايه اول مكالمه تعارف طبعا جلست اكلمه حوااالي سااعه ونص كل واحد منا يقول وش يحب وش يكره مواقف صارت في حياتنا ومن هذا الكلام وفي نهايه المكالمه قال لي تشرفت بمعرفتك
(واتمنى أنك تبقي معي) هذي الجمله رنت في اذني .... قلت له وانا اتمنى بعد...وقفلت ولم اندم على تلك المكالمه ولكنني ندمت على شي واحد..
ماقلت له عن اسمي الحقيقي قلت ان شاء الله بكره اقول له...!!!
وجاء اليوم الثاني وانا مبسوطه واتصلت عليه وكلمته وبعد السلام والسؤال عن الحال قلت له سلطان قال نعم ..قلت له ابي تكون هذي المكالمه تكون مصارحه بينا يعني أي شي مخبيه علي اوقلت لي معلومه خطأ البارح ابغاك تصارحني فيه....
قال انا كل شي صارحتك فيه الا شي واحد عمري 20 مو 23 قلت له وانا كمان كل شي صدقت فيه الا شي واحد اسمي ليلى مو ساره .....
سلطان : يعني كذبتي عليا...
ليلى : هههههه وحده بوحده
وكملنا سواليفنا عاديه ومرت ايام وليالي وانا على هذا الحال بعدها حسيت بأحساس غريب مااقدر في يوم ما اسمع صوته احس في شي ناقصني ادمنت عليه كل ليله اسمع صوته ... لو ليله ماكلمني اتضااااايق مرررة..
عرفت بأني وقعت في (الحب) وهو لا يعرف ...!!
بلأخص ان كل كلامنا عادي مافيه أي كلمه من كلمات الحب
او أي شي يتخطى الخط الأحمر.....
فقررت اني اقوله اني احبك وجا الليل وكلمته وكنت متردده وقفلت وانا ماقلت له شي لاني كنت مرتبكه وخايفه ....
واليوم الثاني
ليلى : سلطاان
سلطان : نعم...
ليلى :............. اممممممم
سلطان : وش فيك يابنت..؟
ليلى : ولا شي خلاص
سلطان : ليلى قولي خوفتيني وش فيك ....!!
ليلى : لا تخاف ولا شي عااادي
سلطان : قوليلي وش فيك....؟
ليلى : سلطــــان أحبـــك أحبك أحبك.....
سلطان : ................................!!!!؟
ليلى : سلطان وش فيك قلت لك انا أحبك ..
سلطان ساكت تخيلت ان بيقفل في وجههي وماراح يتصل مره ثانيه وبفقده....
ليلى : سلطان انا اسفه وربي اسفه ماكنت اقصد اني اضايقك
سلطان : لا لا تتاسفين هذي مشاعرك وانا احترمها بس انا ... انا مستغرب منك بسرعه حبتيني وانتي ماتعرفيني زين وماشفتيني ...
ليلى : مدري بس احس اني مااقدر استغنى عنك ... الاذن تعشق قبل العين احيانا.....
قفلت وكنت محتاره هو بحبني زي ماانا احبه ولا لا ...؟
ومرت ليالي وانا اكلمه اقول له حبيبي حياتي عمري وهو يرتبك ويسكت حسيت اني اضايقه بكلامي حاولت اكتم مشاعري وخليت مكالمتنا زي اول عاديه سواليف وضحك وبلا حب ....
وفي يوم مسكت الجوال وكتبت له وارسلته
( انا ادري ان في هذا الزمن صار لكل شي مقابل بس كوني احبك مايهمني ان اللقى منك مقابل فكل اللي يهمني ان اعطيك ... واعطيك حب يفوق كل انواع الحب بس بشرط ان تستحق هذا الحب وشرطي البسيط هذا يكفيني جدا مو لاني انسانه قنوعه لا لكن ببساطه < احبك>....
وجا الليل وكلمته وسهرت معه وسئلته سؤال قلت له عمرك حبيت من قبل.. او كونت علاقه مع وحده .....
سلطان : ..............................................!!!!
ليلى : اسفه اني تدخلت في .....؟ قاطعني
سلطان : لا بالعكس انتي يحق لك تدخلين عادي ... انا صحيح تعرفت على وحده اسمها عهود بس تركتني...
ليلى : ليه .....؟
سلطان : انا ضليت معها تقريبا ثلاث شهور في يوم قالت لي ابي اشوفك بس من بعيد وتبي هدية جوال وانا اشتريت لها جوال ورحت نفس المكان اللي اتفقنا عليه واتصلت عليها وقالت لي حط الكيس جنب سياره لونها احمر وروح وبعدين اشوفك..... وبعدها انا روحت واتصل عليها جوالها مقفل بصراحه انا ماشكيت فيها بس حساافه على هالاشكال وقمت وارسلت لها رساله ( لو كنتي تبين جوال كان قلتي لي من قبل وانا اجيب لك ماله داعي تتعبي نفسك وتمثلي الحب......؟ ومن يومها وانا مااعرف عنها شي...!!
ليلى : سالفتك غريبه وغبيه في نفس الوقت ههههههه
سلطان : ..................................؟؟!!!
ليلى : اممم اسفه
سلطان : لا عارف اني غبي من زمان توك تكتشفين هههههههههه
وسالفنا لين الفجريه ... والشمس توها طالعه
سلطان : ليلى ...
ليلى : نعم
سلطان : ليلى انا انا انا ......
ليلى : وش فيك انت شنو ....
سلطان : خلاص مو قتها ان شاء الله وقت ثاني
ليلى : لا انت كذا تخوفني وش فيه قول لي .... انت تبي تنهي علاقتنا ولا كيف ......!!؟
سلطان : لا لا وش فيه انتي تفكيرك كذا
ليلى : بصراحه خوفتني
سلطان : لا تخافين بس صدقيني مو وقتها
ليلى : مراح ارتاح في نومتي
سلطان : طيب ليلى انا انا .......... أ حبـــــك
بصراحه انا تفاجئت وحسيت اني ملكت العالم كله ماصدقت اللي سمعته شو تقول سلطان .....
سلطان : احبك احبك احبك
من الفرحه نزلت دموعي واخيرا قال احبك قالها الكلمه اللي تمنيتها منه قالها اليوم ....
وضليت معاه الى الساعه 8 الصباح ... ماقفلنا الا لسبب واحد النوووووووووم سيطر علينا ....
بعد ماصحيت من النوم حسيت انه حلم مو حقيقه مو مصدقه نفسي
مبسووووووووووووووووووطة مالكه الدنيا كلها...
في يوم اخبرته ان عيد ميلادي الخميس الجاي وقلت له انا مابي منك غير كلمة كل عاام وانتي بخير
سلطان : فيه هديه بتوصلك ... هديه بسيطه ان شاء الله تعجبك
ليلى : حبيبي سلطان والله مابي أي هديه انت بالنسبه لي اكبر هديه
سلطان : ياقلبي انتي ... بس والله هديه متواضعه مرررة وهي بتوصل لك لين البيت لحد غرفتك...
ليلى : ليه وانت تعرف بيتنا عشان توصل لي الهديه ..
سلطان : انتي مالك شغل بس المهم انها توصلك الساعه 8 واول ماتوصل ابغاك تتصلين علي وتقولين لي رايك .....؟
ليلى : اوكي ....
وفي يوم الخميس جاتني رساله الساعه 8 رساله وسايط انا استغربت ماتوقعت ان الهديه رساله ولا كنت متوقعه أي شي يعني قلت بيمر اليوم عادي واخر الليل يقول لي كل عام وانتي بخير.....
فتحت الرساله شفت صوره سبحان الخالق صوره ملاك معقوله يكون هذا حبيبي سلطان واخذت الجوال اممموووووااااااااااااااااااااااااااح....
وماعرفت اتصل عليه لاني كنت برا البيت ومعي اهلي .. وبعد عشر دقايق جاتني رساله منه ( الظاهر ان الهديه مااعجبتك )
ورديت عليه ( بالعكس جناااااااااااان طالع فيها زي الملاك احبك يانور دنيتي الليله بكلمك )
وماصدقت يجي اخر الليل واول ماكلمته قلت له هذي صورتك
سلطان : لا ولد الجيراااان اكيد صورتي ...
ليلى : ماني مصدقه معقوله انا اكلم واحد بهالجمال سبحان من صورك..
سلطان : لا تخليني اصدق نفسي
ليلى : والله ياسلطان اني مااجاملك ربي يحفظك
سلطان : ليلى احبك احبك احبك موووووووووت
حسيت انا ومعاه شي واحد انا احبه وهو يحبني يبادلني نفس الشعور ويمكن هواكثر...
في يوم وهو يسولف معي وانا ماارد عليه ساكته
سلطان : ليلى وش فيك شكلك اليوم مالك نفس لي بالمره
ليلى : لا ياعمري بالعكس بس حابه اسمع صوتك
سلطان : ليه وانا ما اسمع صوتك يعني
ليلى : طيب انت تكلم انا مافيني حيله
سلطان : طيب طيب بدينا نتهرب اوكي ماني متكلم انا وهذي سكته
حاولت اتكلم بس من جد تعبااانه ومابيه يحس بهالشي ضغط على نفسي وتكلمت واسئله عن أي شي وهو يتكلم
ليلى : آآآآه
سلطان : ليلى وش فيك
ليلى : لا قلبي مافيني شي مجرد دلع بس... وانا اتألم بشكل مو طبيعي
سلطان : فديت اللي يدلع عليا
ليلى : سلطاان احبببك آآآآآآآه
سلطان : ليلى وش فيك خوفتيني قولي
ليلى : ممكن تعطيني عشر دقايق واتصل فيك
سلطان : لا قولي وش فيك لا تشغلين بالي عليك الله يخليك قولي
ليلى : ارجووووك بس عشر دقايق وانا اوعدك اني اتصل عليك
سلطان : طيب حبيبتي لا تتاخرين
ليلى : اوكي
اخذت مسكن وارتحت شويه واتصلت عليه وقال لي بلهفه حبيبتي وش فيك ليلى : ها حبيبي عطني جديدك اخبارك ... وانا مبتسمه
سلطان : حبيبتي قولي وش فيك لا تضيعين السالفه خوفتيني عليك
ليلى : ولا شي مافيني الا العافيه
سلطان : توك تتألمين مو قادره تتكلمين حبيبتي صارحيني وش فيك انا حبيبك سلطااان
ليلى : اممممم .... سلطان ماتتركني اذا قلت لك
سلطان : مافيه أي قوه بالعالم تقدر تبعدني عنك انا احبك ياليلى
ليلى : سلطان ... انا عندي تضخم بالكلى
سلطان : ...............................................!!! !
ليلى : حبيبي قول أي شي لا تسكت
سلطان : وانتي تتعالجين
ليلى : بس مسكنااات
سلطان : يعني فيه علاج
ليلى : ايه بس عمليه خطره
سلطان : وليه ماتسوينها وخلي املك بالله قوووي يعني بتظلين طول عمرك على المسكنااات
ليلى : سلطان انا انا .. خايفه من العمليه نسبه نجاحها قليل
سلطان : قووي قلبك واعمليها وان شاء الله بتعشين
ليلى : وهي تبكي ... خلااااص سلطان اهم شي اني معك وبس
سلطان : ليلى الله يخليك لاتبكين وربي مااقدر اسمعك تبكين
ليلى : انت تحبني ...
سلطان : اكيد ياقلبي انتي
ليلى : وماتتركني....؟
سلطان : وليه هالكلام والله مااتركك
ليلى : يعني توني صغيره ومريضه يمكن تقول وش ابي فيها هذي و...
سلطان : بس لاتكملين .. حبيبتي ليلى حبنا اكبر من كذا ...
ارتحت من كلامه حسيت ان خايف عليا لا خايف عليا بقوووه من كلامه ولهفته .....
فكرت اني اعمل العمليه بس انا ماقلت له الحقيقه انا مصابه بورم سرطان في الكلى ..... ماحبيت اضايق حبيبي ونور عيني....
فكرت وقررت اني اعمل العمليه ... ومرت الليالي وفي يوم قلت لسلطان اني مسافره للكويت لمده خمس ايام او بالكثير اسبوع
هو تفاجئ بسفري بس قال الله يرجعك بالسلامه .... وفي وقتها طلبت منه صوره غير اللي ارسلها واكد لي ان بيرسل لي قبل لا اسافر ...
وفي نهايه المكالمه قال لي بشتااااااااق لك كثيـــــــر
ليلى : وانا اكثر ياقلبي .. بس ادعي لي اني اقوم بالسلامه .. غلطت معه في الكلام قصدي اقول ارجع بالسلامه ...
سلطان : .... اقوم بالسلامه ......!!! حبيبتي انا ماني مرتاح لهسفره
ليلى : ليه ياقلبي بس
سلطان : انتي منتي مسافره انتي تبغي تعملين العمليه صح...
ليلى : .......... لا!!
سلطان : لا انا كنت حاس واللحين تأكدت
ليلى : ايه انا بعمل العمليه بعد بكره بس ارجوك لاتتضايق وانا متفائله واملي بالله قوووووي
سلطان : اممممم.... آه ليلى احبـــك احبك مووووت امممووواااح....!!!
كانت هذي اول مره سلطان يعملها...حسيت ان داخله عبره قويه دموعه نزلت بس حاول مايظهرها لي....
سلطان : ليلى ارجوك مره ثانيه لاتخبين عليا شي.. يعني تخيلي لا سمح الله انك مارجعتي انا وش بيكون بحالي.....؟!! بظل انتظرك طول عمري....
ليلى : ياقلبي انا قصدي مابي اضايقك بس ...
سلطان : الله يخليك ليا ولا يحرمني منك...
قفلت وهو يبكي...!! ارسلت له ( وان فارقتني الحياه... مافارقك ياملح الحياه روحي عند ربي تحرسك في كل اتجاه بس اوعدني انك تحب الحياه اوعدني ....
اليوم الثاني.. كان صعب علي كلمته بالليل وانا في المستشفى
سلطان : هلا حبيبتي اخبارك..؟
ليلى : الحمد الله انت اخبارك...؟
سلطان : ادعي لك ياحياتي الله يقومك بالسلامه ....
ليلى : فديت عمرك
سلطان : حبيبتي ماقلتي لي متى العمليه
ليلى : بكره الصباح على الساعه 8
سلطان : قوي قلبك وخلي املك بالله كبير
ليلى : ولا يهمك بس اهم شي انت لا تفكر كثير ان شاء الله راجعه لك
سلطان : ان شاء الله يالغاليه
ليلى : سلطان ماشاء الله عليك شفت اليوم صورتك زي الملاك عيني عليك بااارده ماشاء الله عليك....
سلطان : شفتي وش مكتوب عليها اكيييد
ليلى : ايه بس ابغاك انت اللي تقراه لي...
سلطان : ولا يهمك كم ليلى عندي انا(توني عرفت قلبي بلياك ضايع واحس اني بدونك ولا شي...واللحظه اللي عشتها يوم فرقاك حسيت طعم المووت وانا حي)
ليلى : احبــــــــــــــك
سلطان : وانا اكثر .. قلبي يلا روحي ونامي عشان بكره
ليلى : طيب.. تصبح على خير
سلطان : تلاقين الخير
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
روووعة حيل القصة فديتك
__________________________________________________ __________
>>>> الرد الثاني :
القصه حلوه
كملي يعطيك العاافيه
بانتظظارك
__________________________________________________ __________
>>>> الرد الثالث :
بسسسسس ماافي لها نهاايه ?
حزيييينه
يسسلمووو
__________________________________________________ __________
>>>> الرد الرابع :
__________________________________________________ __________
>>>> الرد الخامس :
كمليهآ ي عمرري لآني مرة تحمست ,, ‘
منتظرين التكملةة
