مناحه اليوم عند ولدي أحمد :( تعليم الامارات

عنوان الموضوع : مناحه اليوم عند ولدي أحمد :( تعليم الامارات
مقدم من طرف منتديات الضمير العربي

مرحبا خواتي ..

اليوم الصبح لعوزني ولدي احمد في ركوب الباص وتم يصيح وتيبس عليه ولا طاع يركب الباص هو في كي جي 1 ما أعرف كيف اخليه يركب الباص بدون هالمناحه ..
وأخر شي وديته بروحي الروضه وخليته عند المس وهو ميت من الصياح غمضني فديته ومسكت عمري عن رلا أصيح ..

شو أسوي خواتي وكيف أحببه فالروضه مع أني من تقريبا أكثر عن شهر وأنا دايما أقص له قصص عن الروضه وهيأته حق هالشي بس هذا الي صار ..

أفيدوووووووووووووووني الله يخليكن ,,

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شوفي تمي حاولي اوياه لين يقتنع بالروضه شوي شوي بيتعود



انا حمود ولدي عمره 3 سنين ويبا يسير الروضه وملوع في جبدي واخته في كيج 2 ويسير ييلس اوياها ويخرب عليها طفرت منه مب عارفه شو اسويله

__________________________________________________ __________

>>>> الرد الثاني :

اه يا اختيي والله تعبت الي في البيت مش مشكله بس انا اداااوم

ولدي عبود يظرب المس وهي تتصل ميته من الظحك بس المشكله تقول يبا يلعب بره و يروح عند اخوه في روضه 2 بس المس راغته يا عند المس مالته وتم يظربها


حتى مب راضي يكلمني في الفون



الله يخليكن اي معلومه او اخصائيه اجتماعيه تلاقيلنا حل


لان اليوم تميت اصارخ عليه وانا في الدوام وتمو يقولون شو صار شو في واحد غبي على طول اتصل بريلي يقوله حرمتك تزعج في الدوام بسبه ولدك شو دخلك انته اوووووووووووووووف منك ولا من عبود

__________________________________________________ __________

>>>> الرد الثالث :

الله يعينا انا ولدي احمد قبل لا اسجله كان وايد متحمس ويريد يروح الروضه بس اول يومين استانس وعقب تم يصيح الحين بروح استاذن له وبطلعه والله يعينا

__________________________________________________ __________

>>>> الرد الرابع :

أنا ولدي اول يومين تم يصيح كنت اطنشه اول يوم حطيته عند المس وطلعت علطول بس اسال عليه من بعيد من دون ما يشوفني واسال راعي الباص كل شوي وثاني يوم بعد ركبته الباص تم يصيح وبالغصب ركب ونفس الشي ركبت من دون ما أكلمه

واليوم الحمدالله ركب الباص واهو فرحان لانه استسلم أني ما بركب الباص معاه ولا بروح معاه المدرسه بس اذيت المدرسه وراعي الباص باتصالاتي كل شوي اتصل اسال عنه

__________________________________________________ __________

>>>> الرد الخامس :

السلام عليكم
الحمد لله أنا عندي عائشة بنتي اللهم بارك سارت ويا ابوها اول يوم وما قالت شي والحمد لله كل يوم بروحها اتنش واتسير وتركب الباص ،
أنا اللي سةيت وياها هو اني كل يوم كنت اوديها الروضة معايه عشان ناخذ أخوها من الروضة سنتين كانت تسير معاي واتعرفت على الروضة والمعلمات وعرفت شو يعني روضة مع العالم اني ما دخلتها نفس روضة اخوها لا غيرتها وديتها خاص .
وثاني شي الام لازم ماتسير معاهم اول يوم اتخليهم مع ابوهم ايحطهم في الصف ويروح جنه مكان العاب بيي بعدين وبياخذهم لا تحسسونهم ان المدرسة مثل السجن والابله السجان وانهم راح يضلون هني طول الابد .
هاي بعض النقاط حبيت افيدكم فيها