بشاره لخريجات الثانويه القدامى و يبن يكملن دراستهن في كليه التقنيه للطلاب
عنوان الموضوع : بشاره لخريجات الثانويه القدامى و يبن يكملن دراستهن في كليه التقنيه للطلاب
مقدم من طرف منتديات الضمير العربي
السلام عليكن بنات
أنا كنت أتحرى انه الكل يعرف انه التقنيه فتحت مجال جدام طالبات الثانويه الدفعات القديمه،أو خريجات الدبلوم من الكليات الثانيه انه يكملن دراستهن فيها،بس اكتشفت موب الكل يعرف، حتى بنات التقنيه نفسهن
أنا عندي دبلوم من كليه ثانيه، و بغيت اكمل بكالريوس، و حرمه اخوي عدها ثانويه عامه دفعه 98، رحنا الكليه و قالولنا انه نقدر نكمل دراستنا بغض النظر عن النسبه ، و الصراحه أنا مادري إذا بيعادلولي شي، لني الصراحه بختار تخصص ثاني.
سواء كنتي موظفه ولا ربه بيت، بتلاقين الساعات اللي تريحج، انا حصلت من 2:20 الين 8 تقريبا.
بس هذا كله بشروط طبعا، اللي هيه:
1) ايلتس (اكاديميك أو جينيرال) و تكون الدرجه الاجماليه 5 و كل مهارات الانجليزي تكون موب أقل عن خمسه (قصدي في القراءه و الكتابه و الاستماع و المحادثه)
2) الرياضيات ، اختاري واحد من هل الاختيارات:
أ- امتحان السات، الدرجه ما تقل عن 500 في قسم الرياضيات، اتوقع مدرسه النهضه في بوظبي يمتحنون فيها، ما انصحكم فيه لنه قالولي وااااايد صعب ، غير انه الامتحان يكلف تقريبا 5000
https://www.collegeboard.com
ب- سيبا و تكون النتيجه 170 أو أكثر
ج- أو إذا كنتي من المدارس الخاصه لازم تكونين ناجحه في واحد من هذيلا IGCSE / GCSE/GCS O Level
3) ICDL سواء بالعربي أو الانجليزي
إذا يبتي هذيلا المتطلبات كلهن ، بتدخلين على السنه الأولى
الإداره قالتلي إنه آخر وقت لتقديم الشهادات هوه شهر 5 حق اللي يبا يبدأ دراسته شهر سبتمبر
ملاحظه : في كل سنوات التخصص فيه دراسه اللغه الانجليزيه بالاضافه إلى مواد التخصص، بس الحينه ترومين تكنسلين مواد الانجليزي إذا يبتيلهم ايلتس اكاديميك الدرجه النهائيه 5.5 و في كل مهاره 5 ، ها ينفع حق اللي يداومن و يبن نوعا ما جدولهن يكون مريح ومب مضغوط
بليييييز أبا كل وحده دخلت الموضوع تدعيلي انه الله يوفقني في حياتي و يرزقني بالزوج الصالح
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
حلووووووووووووو بخبر اماااااااااايه فديتها ههههههههههههههههههههه
__________________________________________________ __________
>>>> الرد الثاني :
الله يرزقج زوج صالح يارب
للرفع
__________________________________________________ __________
>>>> الرد الثالث :
جزاج الله خير خبر حلووووووو فديتج الغلا
__________________________________________________ __________
>>>> الرد الرابع :
شكرا خواتي على الدعوات الحلوه، عسى الله ينولكن اللي في بالكن
__________________________________________________ __________
