شـــــــوو رايكم في روضة المسك؟؟ تعليم الامارات
عنوان الموضوع : شـــــــوو رايكم في روضة المسك؟؟ تعليم الامارات
مقدم من طرف منتديات الضمير العربي
حبيباااتي حبيييت اسال عن رووووضة المسك يااليت اللي تعرف شي عنهااااا تقووولي وروووضة البنفسج هل هي مخصخصه؟؟؟؟؟ظ
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
هلا اختي الصراحه روضة المسك من احسن رياض الأطفال فالعين وماشاء الله على الأداره ما عليها كلام من مديرة المدرسه ألين معلمات وبالأخص معلمات روضه ثانيه لأني كنت حاطه بنتي عندهم هاي السنه وبعد عندهم مدرسه اسمها فاطمه سعيد الظاهري وهي من احسن المدرسات في روضه ثانيه والكل يريد يحط عياله عندها لأنها وايد زينه وحبوبه مع الاطفال وبعد روحي وشوفي المدرسه بنفسج عشان تقتنعين فيها............ وان شاء الله اكون افتج....
__________________________________________________ __________
>>>> الرد الثاني :
:هلا اختي
بصراحه وااايد زينة روضة المسك... انا بنتي عندهم في الكي جي 1 وبصراحة واااااايد استفادت .. تعلمت القران والاناشيد بالعربي والانجليزي... تعلمت الحروف و الارقام باللغتين.. وتعلمت الالوان باللغتين بعد..ونفس الشي الاشكال الهندسية باللغتين.. ومن غير التلوين و حصص ترفيهية ..انا كنت متابعه بنتي من يوم دخلتها.. بصراحه ماعليها كلالالالالالام ابداااا.. خلي عيالج وانتي مرتاااحة.. المدرساااات مجتهدات فيهن ضمير والله ..اتمنى اني فدتج بالمعلومات...
https://4arab.xplainer.net/images/sm...anotherone.gif
__________________________________________________ __________
>>>> الرد الثالث :
هلا اختي مثل ماقالن الاخوات روضه المسك ماعليها كلام الصراحه بنتي وايد استفادت دخلتها KG1 عند ابله شمسه ماشالله عليها ماقصرت معاها...
__________________________________________________ __________
>>>> الرد الرابع :
فعلا روضه المسك مميزة وروضه البنفسج بعد معلماتها من احسن مايكون وادارتهم مميزة
والسنه اليايه بتكون شراكه
__________________________________________________ __________
>>>> الرد الخامس :
هلا خواتي
نعم انا سمعت عن المعلمة شمسة في روضة المسك .. الكل يمدحها وجيرانا حاطين عيالهم عندها
وتسوي موقع حق الاطفال يتعلمون منه - وفوق هذا فايزه بجايزه المعلم المتميز لهذي السنه فعلا تستاهل كل خير
