ولدي والبلاعيم .. وشو الحل .. للساحة الامارات

عنوان الموضوع : ولدي والبلاعيم .. وشو الحل .. للساحة الامارات
مقدم من طرف منتديات الضمير العربي

مرحبا خواتي ..

ولدي من أيام الشتاء نازلات له لوز ولحد الآن ما طاعن يروحن عطيته مضاد حيوي ووديته عند أكثر من دكتور وكل حد يقولي شي ..

وحد يقولي يباله جرحه .. على فكره هو عمره سنتين و5 شهور ..

منو تعرف دكتور شاطر ..

وديته عند أحمد حلمي
وعند المركز الطبي الجديد
ولايف لاين ..

وين أقدر أوديه ..

ألحين صار فقاقيع على لسانه ..


شو الحل .. ؟؟؟


أترياااااااااااااااااكن ...

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اختي وديه مستشفي الوصل احسن يمكن يسون له عمليه لوز ويفتك

__________________________________________________ __________

>>>> الرد الثاني :

مشكوره فديتج ..

أنا من بوظبي ..

__________________________________________________ __________

>>>> الرد الثالث :

كانج تتكلمين عن بنتي !!!! بنتي على طول الشتاء مريضه وكله ادويه ومضادات وماخليت دوا وماشربتها اياها ولا اعشاب وحطت بها دخاترة دبي كلهم ..

وفي الاخير الله هداني على دكتور ممتتاااااز بكل معنى الكلمه الله يطول في عمره .. عطاها علاج واستمريت معاه في كورس لها لمدة شهرين ونص والحمدلله ولله الشكر صارت بنتي بخير تاكل وتشرب وتلعب وحتى وزنها زاد وغدت بخير ....انصحج بهذا الدكتور اذا تقدرين تين دبي .... اسمه دكتور (طارق أبو يونس )

__________________________________________________ __________

>>>> الرد الرابع :

اختي وديه مستشفي الوصل احسن يمكن يسون له عمليه لوز ويفتك

__________________________________________________ __________

>>>> الرد الخامس :

اختي انا ولدي من ربيت وهو تعبان كله منوم في المستشفيات دبي الشارقة ماشي فايدة كانت البلاعيم عنه مهترية وكل يوم مريض في الشهر عادي يمرض مرتين من غير المضادات الحيوية والادول تعبت خلاص لين ما كمل سنتين ونص وحدة قالتلي عن دكتور عراقي في بوظبي محي الخياط هوه استشاري اذن وانف وحنجرة خذت موعد ورحت وكنت امسوتله اشعه وديتها معاية شافهم اتعرفين شوه قالي انتي كيف مخلية ولدج في هاي الحالة قالي عادي كان يستويله اختناق وقالي الاكسجين مايوصل حق المخ عشان جذه كله تعبان وحركي لانه ما يرقد باليل وايد نهرني وفعلا ولدي قبل لا ايسوي العملية ما كان ينفع معاه لا مضاد حيوي ولا دواء وكان يرقد ايقوم ايصيح من كثر ما كان يختنق
انا ولدي كانت فيه لحمية والبلاعيم مهترية وفيهم صديد خلاص ما منهم فايده قالي لازم اشلهم ولدي صغير صليت صلاة الاستخارة وثاني يوم نحن عندة وسويت العملية تعبت معاه يمكن اربع ايام بس والله ثم والله هذا الشي بفضل الله ثم بمساعدة الدكتور ماشالله علية الاسكريم اعطية الماي البارد العادي اعطية وردت صحته ورقاد يرقد عدل والحمدلله