أبغي اريح قليي لسعادة الزوجية

عنوان الموضوع : أبغي اريح قليي لسعادة الزوجية
مقدم من طرف منتديات الضمير العربي

أبغي اريح قلبي

السلام عليكم ورحمة الله وبركاته

اول مرة افضفض في منتدى والي شجعني بهالشي ماشاء الله الاخوات مايقصرون بالنصايح وفي منهم الي توقف وي اختها اذا اتضايقت من شي.https://4arab.xplainer.net/images/smilies/bb/1.png

بدخل في الموضوع على طول .. الله يسلمكم عمري 27 سنة سمرة فاتحة مواطنة من الامارات والام غير مواطنة وعندها جواز اماراتي ومااقول لكم اني ملكة جمال، بل متوسطة الجمال والحمد لله.
الي مضايقة منه ان محد خطبني رسمي الين الحين والكل يقول عني في الدوام ان قلبج طيب وحلوة ودومج بشوشة وتريحين القلب ماشاء الله وكيف محد خطبج الين الحين ونحن المشكلة مالنا معارف اسير اعراس ومناسبت الاهل وغير الاهل ومافي شي ،ماادري يمكن لان امي علاقتها سطحية وي الناس ولا مع اني اعرفها اتحب ربيعاتها وتدعي لهم بظهر الغيب بس علاقتها وياهم وايد سطحية ، مب مضايقة من هالشي الي مضايقني ان امي الله يحفضها تترياني اعرس يعني تفرح فيني مثل باقي الامهات و كل ماادخل البيت اسمعها تدعيلي وتقول( الله يرزقج بولد الحلال ان شاء الله بس متى) ومرات لما اقعد وياها تقول نفس الكلام يعني من كثر مااسمع اتضايق وتقول لي( متى بشوف عيالج) هذا الي مضايقني واحس بضيقة في قلبي.
ف بسبب هالشي امي كلمت خطابة بس للأسف مايردون علينا ابدا و انا الصراحة بعد كلمت خطابة ثانيه بس اشوف انها مامهتمة بموضوعي وبعد فترة انقطاع تقريبا سنه قلت بسألها عن الموضوع اذا في ولد الحلال، قالت لي كان شي واحد ورفض بسبب جنسية الام واعرف وايدات ماشاء الله والحمد الله امهم من جنسيات ثانية وعرسوا وليش بعظهم يتحسسون من جنسية الام، مهما كانت هاي امي وشو ذنب الواحد اذا الام من جنسية ثانية... مهما كان التربيه اهم شي!! ..

بس حبيت افضفض الي في قلبي ودعواتكم خواتي.
والله يرزقكم باللي تتمنونه ان شاء الله https://4arab.xplainer.net/images/smilies/bb/31.png
والسموحة خواتي لاني طولت..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله يريح بالج ويرزقج بالزوج الصالح

__________________________________________________ __________

>>>> الرد الثاني :

لاتحطين في بالج ولا شي.. جنسية الام ابدا مالها علاقة بالذات في ايامنا هذي.. وايد ناس صار عادي عندهم .. بس فئة قليلة جدا اللي تتحسس من جنسية الام.. خلاص الدنيا تغيرت.. انتي ماعليج من كلام حد .. الزواج نصيب مهما الواحد دور ولا مادور بيحصل نصيبه!! في بنات حلوات وفي بنات مب حلوات وفي بنات زينات وفي مب زينات وفي بنات مايطلعن من البيت وفي بنات كل يوم عند حد..وكل وحدة فيهم بتحصل نصيبها مثل ما الله كاتبلها.. في مثل يقول ( لو جريت جري الوحوش غير رزقك ماتحوش) والرزق يشمل كل شي الانسان يتمناه.. بس انتي قوي ايمانج بالله وثقي فيه واتركي امرج له وفهمي امج هالكلام .. قوليلها تدعيلج من وراج مب جدامج عشان ماتنجرحين.. وادعي ربج !! اذا قال كن فيكون.. كل شي باييده مهما نحن سوينا اذا الله مايريده مابيصير.. والله يحب يسمع عبده يوم يدعيه.. اكثري من الدعاء بس مافي حل ثاني.. وكرري هالدعاء وايد: (ربي اني لما انزلت الي من خير فقير) كرريه مليون مرة فاليوم قد ماتقدرين يعني.. مثلا بعد كل صلاه 100 مرة .. وان شاءالله بتحصلين نصيبج اللي تتمنينه..

__________________________________________________ __________

>>>> الرد الثالث :

انا امي اجنبيه عادي فديتها ربي يخليها لي وافتخر بهذا الشي

ما اتوقع حد ضرني باي شي بالعكس لا بتجريح ولا شي وما يهمني اصلا


يتمنون مثل امي حنونه وطيبه فديتها


بس ما منع هذا الشي تزوجنا كلنا مب علشان امج يعني وقف نصيبج لا حبيبتي



الله يرزقج بولد الحلال
تحياتي لج

__________________________________________________ __________

>>>> الرد الرابع :

الله يرزقج بولد الحلال اللي يسعدج

__________________________________________________ __________

>>>> الرد الخامس :

ادعي ربج هو الحمن الرحيم واكثري من الاستغفار والله ما ينسى حد