بيتني المبهذل ساعدوني بليز عمل يدوي

عنوان الموضوع : بيتني المبهذل ساعدوني بليز عمل يدوي
مقدم من طرف منتديات الضمير العربي

السلام عليكم بنات شو اخباركم إن شاء الله بخير بليز سعدوني انا متزوجه وعندي ثلاث عيال وعايشه في ملحق مكون من ثلاث حجر وحمامين وممر وحده مال نومي والثانيه مال العيال هيا نفسها ناكل ونشرب فيها ونجلس فيها ووحده مال الخدامه المهم انا بيتي اصلح فيه بس الكل يقول عليه زباله لانه مب مرتب يعني انا صبغة البيت وشتريت غرفة نوم واشتريت فرش لغرفه العيال بس مافي فايده بيتي قد مارتب فيه مايبين عليه مبهذل والمشكله زوجي لقلت له وديني السوق ابا ارتب البيت مايرضى يعني يزعل يقول ليش ترتبين خساره وانا اريد حل تعبت والله انا نفسين حتى مب مرتاحه فيه البيت لاني اشوفه دوم مب مرتب معا اني ماشاءالله الخدامه تنضف وترتب بس مافي فايده بليز اذا عندكم شي طريقه اعدل البيت من غير ماخسر فلوس لانه زوجي مايرضى يعطيني فلوس ولا يوديني البيت الله يخلي لها عيالها وزوجها يارب الي تخبرني

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

كل ما كان البيت فاضي كل ما كان مرتب..
شيلي الديكورات اللي مالها داعي من ورود وشموع وفازات وتحفيات..
الأثاث التي تشتريه لازم يكوم حجم صغير يعني لا تاخذين سرير كينغ سايز خذي كوين سايز..
سراير الأطفال خذي الي يكونون واحد فوق الثاني لكن على شكل L ويكون تحت السرير العلوي مكتب دراسة.. والسرير الثاني تحت جرار مال تخزين أغراضهم..
خذي طاولة طعام يتغير حجمها موجودة في أيكيا مثلاً .. بس وقت الأكل افتحوها على قدكم..
إذا حبيتي بيتج مرتب لا تكثرين أغراض فيه وخلاص..

__________________________________________________ __________

>>>> الرد الثاني :

الاغراض الي مالها لازمه حاولي تصرفي فيها واذا غرفة الخدامة كبيره حطي فيها هالاغراض وخاصه العاب أغراض العيال تكون وايد تقدرين تخليهم فيها واهم شي بالترتيب عدم الفوضى وكل شي يكون بمكانه حاولي تفضي البيت من كل شي ماله فايده واستخدامه بسيط مب دوم

__________________________________________________ __________

>>>> الرد الثالث :

حبيبتي بتحصلين وايد افكار في النت وفي الانستقرام عن كيفية استقلال المساحة بطريقة مرتبه
اختاري الافكار اللي تناسبج وطبيقيها .. اوقات تكون افكار عمليه تقدرين اطبقينها في البيت بدون ماتخسرين

__________________________________________________ __________

>>>> الرد الرابع :

حاولي تقللين الاثاث و الالعاب مال اليهال و سوالف الفخار و التحف و المكتبات ...الخ
لاتعتمدين على ريلج يوديج السوق لالا روحي مع ربيعتج أو أختج أو حتى روحج
بس لازم تاخذين الفلوس من عنده

__________________________________________________ __________

>>>> الرد الخامس :

هلا اختي اولا اذا البيت قديم لو شو سويتي ما تبين النظافة فيه ، ثانيا سوي جرد يعني خلي ابوالعيال يشل العيال يطلعهم وانتي والخدامة طلعي كل الاغراض من الملحق ، نظفي الارضية وغيري توزيع الاثاث ، وسوي جرد على الاغراض الي فعلا ما تبينهم حتى ملابس العيال وملابسكم ، لا تجمعين التجميع لييب الغبار ودوم تحسين ان المكان مو نظيف ، غيري الصبغ مثلا ومكان الاثاث علشان تحسين بالتجديد

وبعدين شوفي انتي شو محتاجة وبالتوفيق