عنوان الموضوع : ادور دخون غاوي جديد
مقدم من طرف منتديات الضمير العربي
مرحبا سيدات الامارات
انا الصراحه ادور دخون غاوي مليت من دخون انفاسك دخون ويس احس ريحتهم وايد عاديه
ابا دخون مسواي ف البيت على ايد خبيره شرى دخون اول الي كنا ندخن منه
ياليت الي تعرف تخبرني .. ابي ريحه خنينه واتم لاصقه ..
هالقد دفعنا على دخونات المحلات وللحين ماحصلت شي اييب الراس https://4arab.xplainer.net/images/smilies/bb/10.png
ساعدوني ويزاكم الله خير
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
انا مثلج دفعت واااايد وسمعت مديح وااايد ومالقيت دخون يشل البيت وريحته تلصق تعبت مااجرب
__________________________________________________ __________
>>>> الرد الثاني :
كانت وحدة من عيمان تبيع دخون بس للاسف ضيعت رقمها
و عادة يتم الدخون ريحته فايحة وما تروح ،،،
بس بطبيعة الحال عليج برش عطر شرات عطر الفراش في الغرفة
قبل او الصالة و خلاف دخني البقعة ،،، راح تكون الريحة
نوعا ما قوية ،،،
بس السبب ان الريحة ما تتم لفترة طويلة
لان البيبان مشرعة 24 ساعة
__________________________________________________ __________
>>>> الرد الثالث :
انا نفسج والله مليت من انفاسك دخون لكن من فتره ريلي يابلي دخون اسمه اتوقع ريحة الغالي من ادم وحواء وما تم حد الا تخبرني عنه وريحته تثبت واذكر ريلي يقولي ما تحصلينه ف المحل وايد وبطلب بعد يوفرونه لانه الحرمه تسوي كمن علبه بس وبعد يابلي من عليا القمر دخون جورج قرداحي رقم 3 اييج مركز اكثر من رقم 1 و 2 وروووووعه بصراحة ويثبت بعد عندج بعد أحمد المغربي عندهم دخون بحطب عود ونفس الشي حلووو وهند العود عندهم دخون حلوو لكن ما يحضرني اسمه والسموحه منج https://4arab.xplainer.net/images/smilies/bb/12.png
__________________________________________________ __________
>>>> الرد الرابع :
فيه كذا تاجره هنيه دخوناتهن حلوه
انا جربت من عند وحده ومالها حلو
__________________________________________________ __________
>>>> الرد الخامس :
انا نفس الشي مليت من انفاسك دخون صرت ما اطيق ريحته أحسها ابدا مب فخمه.
انا جربت دخون خياااااااااال ويلصق والكل يسألني عنه بس بصراحه ما ادري من وين يجيبونه. وحده تعرفت عليها عطتني وقالت ان هذا الدخون مخصوص أمها تسويه بس ريحته صحيح خيال. البنت سعوديه من وادي الدواسر وأتوقع في هالمنطقه مشهورين بالدخون شوفي اذا تقدرين تلقين في المنتديات احد يبيع. بس المشكله لازم مضمون تجربين قبل ما تاخذين وتتوهقين.
