مرت حماي تحاول لفت نظر زوجي لتربية طفلك

عنوان الموضوع : مرت حماي تحاول لفت نظر زوجي لتربية طفلك
مقدم من طرف منتديات الضمير العربي

السﻻم عليكم
شحالكم بناتات
انا عندي مشكله وحبيت تساعدوني، طبعا صار لي متزوجه من اقل من سنه و المشكله اني اسكن ف بيت ريلي وتفاجات انه ف البيت مرت حمي اطلع شعرها و ماتتحجب عدل يادوب حاطه الوقايه ع راسها . بالبدايه اضايقت بس مشيت و هي تكلم ريلي عادي . مع الايام قمت اﻻحظ تطالعه وتحاول انه هو يلتفت لها .مرات اشوفه يطالعه وقعدت اصارحه وينكر يقول ما اطالع و طبعا الحرامي مابيقول عن عمره حرامي؛ بعد فتره هم ﻻحظو وحسو ان ريلي صار مايسولف ويحاول يغض البصر وصارت تتحجب فتره ؛ بس يوم يكون عند اهله بروحه انا ما امن من حرمت حمي ﻻني ﻻحظت في حركات حتى ماتتحجب ، وقبل كم يوم صرت اشوفها مره ثانيه ردت لعادتها شعر وعطر ، قمت اشك ان ريلي عطاها سالفه ﻻنه رمسها بالعيد ، وردت حليمه لعادتهل القديمه ، كم مره جكيت ريلي يطالعها و يخوز عينه بس ينكر جدامي
انا اغار عليه .هي طبعا وافده و فيها مواصفات ريلي يحبها ف االبنت ، انا جميله بس مواصفاتها هي الي ريلي يحبها ، ومن حركاتها هي تشده ، وانا اخاف ان ريلي معجب فيها ، ودايم اضايق ﻻن مابتم دوم حارس ، ﻻزم بيقعد عند اهله وانا انشغل ، الله يخليكم ساعدوني ، هدي مشكلتي مقتطفات و مختصره وﻻ تقولو لي اكلمها مافي يقولون غيرانه او ااكد الي مﻻحظينه
والي خﻻني اكتب اليوم انه هالكم اسبوع فمت اشوفها تبا تلفته .كل ماتكلم واي شي تطالع صوبه وكانه تقول انا هني طالعني .شو النار بقلبي..اتريا مساعدتكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شهالوقاحه اللي فيهم اثنيناتهم !

يعني ريلج المفروض يغض بصره عنها تمااااماااا لأنها مرت اخوه ! يرضى اخوه يطالعج بهالنظرات ! طبعا لا

و هي نفس الشي كيف تسمح لنفسها تخون ريلها حتى لو بالنظرات !

نصيحتي لج

اذا شفتيها مرة ثانيه تحاول تلفت انتباه ريلج ، ما عليج غير انج تخزينها و تطالعينها بنظرات قويه

يعني خير ؟ نعم ؟ اشفيج تطالعينه ؟


او

انج تكلمين ريلج و تشوفين صرفه للموضوع


و ان شاء الله يا رب تكون مجرد ظنون و بس https://4arab.xplainer.net/images/smilies/smile.png

__________________________________________________ __________

>>>> الرد الثاني :

الله يعينج اختي ..

مافي حل الا انكم تطلعون بيت روحكم لأن السكن حق من حقوقج . .
ويا دار ما دخلج شر ^^

__________________________________________________ __________

>>>> الرد الثالث :

لا تعليق ،،، عنبو ،،، حنا عندنا الرياييل في صوب و الحريم
بصوب ،،، اخوان ريلي اللهم السلام عليكم وعليكم السلام
ويوم يدشون لازم نتغطى كلنا لان ماشاء الله كبروا و عروسوا ،،،
يوم انها موجودة ازقريه ،،، كلميه بينج و بينه قولي له يا بو فلان
هاي حرمة اخوك يعني ما تحل لك ،،، او كلمي زوجها ،،، و خبريه
عن حرمته ،،، و ذكري ريلج بما حكم من ينظر الى زوجة أخيه

__________________________________________________ __________

>>>> الرد الرابع :

كلمته وينكر يقول انا اتوهم .ويقول هدي مثل اخته ومستحيل يغدر ف اخوه
اقوله النظره حرام والشيطان مامات يزينها ف عيونه. وانا ما ابا ابين لها .ليش ﻻنها بتزيد ويمكن تتخيل عمرها شي اكثر من الازم

__________________________________________________ __________

>>>> الرد الخامس :

اختي حاولي تطلعي بيت لحالك انسب حل
ولو تقدرين تكلمين ام زوجك ان تجلسون الحريم في صوب والرجال في صوب يكون ابرك,ولا يكلمها ولا يناظرها
وحاولي كلمي زوجة حميك ان حرام تتعطر وتطلع شعرها ,كلميها بالنصح واللين والله يهديها ولك الاجر