تجربتي القاسية مع مركز ايف حسبي الله عليهم للحم الصحي

عنوان الموضوع : تجربتي القاسية مع مركز ايف حسبي الله عليهم للحم الصحي
مقدم من طرف منتديات الضمير العربي

قررت اكتب تجربتي مع مركز ايف للاخصاب في الشارجة..
للاسف وثقت فيهم سلمتهم صحتي وماقدروا هالشي باستهتارهم للاسف ما ايراعون ظروف المريضة بس يراعون ظروفهم متى موجودين ومتى بيسافرون وعلى هالاساس يحطون لج بروغرام العلاج !!!
قررت اسوي اطفال انابيب في الزيارة الاولى الدكتورة ريما شافتني على السريع ماخذت ثواني وقالت من ناحيتي اقدر ابدا لج على الدورة الجايةولافهمتني شو نوعية الابر اللي باخذها. وبالفعل اول يوم دورة عطوني ابرة ديكاببتيل وللاسف هالابرة ما تنعطى للي بسني (فوق 35) ولاسوت لي تحليل مخزون البويضات عمياني عطتني هالابرة

الدكتور للي بيسوي عمليةالسحب امسافر ويبون ياجلون دورتي على حسب مواعيد وصوله وانا ما ادري انهم امخططين ان الدكتور يسوي العملية حاطة في بالي الدكتورة..
المهم وبديت اخذ الابر المنشطة مع الابر ما طلعوا لي غير بويضتين ويوم سوت لي السونار قالت يا نلغي لج البرنامج لان العدد قليل او نسحب لج ويمكن يكونون زينات قلت لها انتي شو تقترحين قالت نسوي لج السحب واملتني كان جسمي لعبة بيدهم ومن ناحية يضمنون فلوس العملية

وانا سمعت شورهاوسويت العملية وطبعا كانت امسافرة ومن قبل كانت توعدني انها هي اللي بتسوي لي العملية و وقت الجد اتقول انا ما بكون موجودة مع اني سايرة المركز مخصوص عسب الدكتورة هي اللي اتسوي لي العملية..
بعد السحب اسالهم شو النتايج يقولون لي البويضات فاسدات اسالهم شو السبب يقولون لي من مبيضج وسنج وكلام قاسي مافيه مراعاة لنفسية المريضة والحمد لله على كل حال..

انا ما اقتنعت باسبابهم الواهية سرت للدكتورة حسنية قرقاش وانصدمت لما قالت لي المفروض ما يعطونج الابرة الاولى اللي هي ديكاببتيل لانها اتكسل المبايض واول شي طلبته مني اني اسوي تحليل مخزون المبايض ومركز ايف ابدا ما طروا لي هالتحليل
وبعد قلت بتاكد اكثر وسرت للدكتور بنكاج في مركز كونسيف ونفس الكلام قال لي عن الابرة وطلب مني هالتحليل والصدمة اني يوم سويت التحليل طلع عندي المخزون نازل وقال لي اكبر غلط انهم عطوج هالابرة من غير ما ايسوون لج هالتحليل بس حضرتها الدكتورة ريما سوت شغلها على السريع وبدون ترتيب وانا اللي ما عندي اي خبرة في موضوع الانابيب مشيت على رايها وما ادري اللي يترياني اتخيلوا انها في نفس يوم الابرة الاولى طلبت من الممرضة اتسوي لي سحب دم حق التحليل انزين يادكتورة يا فاهمةموب المفروض قبل كل شي وقبل البروغرام انج اتسوين لي التحاليل وعقب تختارين لي البرغرام الامثل!!
صدمتي كبيرة في هالمركز (مركز ايف للاخصاب) للاسف ماشي رقابة على هالعيادات يمصون دمنا ويستهترون بصحتنا وافلوسنا ولاحسيب ولا رقيب يوا من بلادهم لموا لهم ملايين وروحوا وهم مستانسين وارواح الناس وصحتهم اخر همهم

حبيت انشر هالموضوع للعظة والعبرة اولا لا اتسوون اي علاج قبل لا تاخذون راي اكثر عن دكتور وثانيا اتحذروا من الدكتورة ريما في مركز ايف للاخصاب واللي اشك بالفعل انها دكتورة شغلها عشوائي وماخذة الطب باستهتار
انتظر تعليقاتكم..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

حسبي الله ونعم الوكيل الله يعووووضج ان شاء الله

__________________________________________________ __________

>>>> الرد الثاني :

انا هشاركك وجعك بذكرياتي في مستشفي العين كرومويل مع من يطلقون عليها دكتورة نازك السلمان حسبي الله ونعم الوكيل انسانه ما تراعي الله في الحالات ولا تهتم بمن جأءت اليها طالبه العلاج والشفاء برود الثلج في تعاملها وردود افعالها وما تعطي التشخيص الصح للحاله بناء علي تحاليل واراء طبيبات اخريات حسبي الله ونعم الوكيل يا اخوات ما انصح اي حد يروح لها اذا كنتم تريدون من يتقي الله فيكم وتدورون الشفاء

__________________________________________________ __________

>>>> الرد الثالث :

الله يرزقج الذرية الصالحة اهتمي بصحتح عدل وسافري برع تعالجي والله يوفقج وطمنيني عليج

__________________________________________________ __________

>>>> الرد الرابع :

اشتكي عليهم ... نحن ليش نسكت وندفع حتى لو البطاقه تغظي بس الاثر النفسي يظل هذا حقج

وما اعرف ليش البنات يمدحون المراكز اللي فيها سلبيات دام هالسلبيات ما تتعالج ومحد يقدم شكوى

.. فقيه كم شكوي عليه انه مادي ويسون فحوص دم عسب الفلوس. وما يهتم بالمرضى..

بنكاج موقف وطاردينه من دبي للاخصاب بقضيه خلط انساب

ايف وموقفج معاهم ... وفا ما عنده شي بمركزه وخساره فلوس ..

وزراه الصحه مبطله بيبانها اذا بنتم نسكت حقنا بيضيع وفوقها غيرنا بتضرر .. حتى لو ثقه تغظي ترا شي لمت معين

للانابيب 3 مرات بالسنه والاهم الصحه ... هالمنشطات والادويه كم تستهلك من صحتنا وكم تغير من هرموناتنا


والله اختي اقولج فتحي شكوى من حقج دوا حق 35 سنه تستهلك من مخزونج انتي

وهالشي مش مصرح فيه من وزاره الصحه ع الاقل يوقفونهم عند حدهم ويردون لج فلوس ... لا تسكتين عن حقج ... عنبو دارهم يسون فحص كميه بويضات بنفس الوقت يضربونج هالابره قمه الاستغفال ... يعني

نحنا بس ناخذ فلوسج ... ما يهمنا شو بيستوي فيج

__________________________________________________ __________

>>>> الرد الخامس :

وفوق هذا طلعت لج بويضتين بس وقررت هالدكتوره تسوي سحب ... حسبي الله ونعم الوكيل فيها .. ع الاقل لازم تطلع لج 7 8 ... يختارون

منهم الافضل ويلقحونهم ... صدق انقهرت ونرفزت ... لو مكانج قلبت المركز عليهم ... عزيزتي اتمنى والله ما تسكتين عن حقج قدمي شكوى

او خلي ريلج يقدم بوزاره الصحه ... وهم ما يتهاونون بهالمواضيع خصوصا علاجات اطفال الانابيب واتوقع هالدكتوره بين الشارقه ولبنان

طمع ما بعده طمع انزين قري ف بلاد وتابعي مرضاج .. شو يبيعون للناس الاوهام وهمهم الشاغل الفلوس... كرهت هالمراكز بسبب الاستغلال العاطفي ... يستغلون حاجه الوحده وعاطفتها المتشوقه

لطفل عسب يستهلكونها ماديا ... الله يعين والله ... بس انتي الحين اهم شي ... لازم ترتاحين ...ع الاقل شهر ... ان شاء الله يارب الله يبدل لج همج

وضيقتج بفرح ويرزقج طبيعي ان شاء الله