اللي زارت اطلنطس وعنده خلفية تدخل الموضوع للساحة الامارات
عنوان الموضوع : اللي زارت اطلنطس وعنده خلفية تدخل الموضوع للساحة الامارات
مقدم من طرف منتديات الضمير العربي
شخباركم بنات
فكرت ف العيد احجز ف اطلنطس بس حصلتة فل وغالي بعد
ففكرت اسير اتغدى هناك بس ماعندي فكرة عن مطاعمهم
سمعت انة عندهم واايد مطاعم
عطوني اسامي مطاعم زينة بس ما تكون واايد غالية
وبغيت اسالكم سمت انة عندهم مطاعم وجبات سريعة ؟؟
وكم سعر الدخول للاطلنطس وللاكواريوم وهل يغلون ف العيد؟؟؟
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مرحباً أختي تعرفين كنت ناويه انزل موضوع عن فندق اتلانتس .. اريد أحجز وقت العيد ... زعلت يوم قلتي انه فول ...بس قلت بدال ما نتحوط بالمولات نقعد فى فندق فيه كل شي من مطاعم ومسبح والاكروايوم عشان خاطر عيالي يبون يشوفون الدلافين*
__________________________________________________ __________
>>>> الرد الثاني :
أتلانتس فندق مفتوح
تدخلينه مجانا عشان تشوفين الإكواريوم
لكن باجي الأشيا تكون برسوم
فيه مطاعم وايدة ..
لكن أكثر اثنينه لهم شعبية هم :
مطعم زعفران
Saffron
ومطعم كلايدوسكوب
Kaleidoscope
وهذيل فكرتهم انهم يستقبلون أعداد كبيرة من نزلاء الفندق
فيكون فيهم أكثر من 5-6 بوفيهات كبيرة
مع تنوع دائم في الأكل
مثاليين للعوايل
مب متذكرة سعر الشخص ! أعتقد في حدود 180 - 200 درهم بالكثير هذا اذا مب أقل.
لكن الأولوية تكون لنزلاء الفندق
عشان جذيه لازم تحجزين قبل السيره
وعندهم مطاعم وجبات سريعة بس ما جربتها
وهم عادية وبسيطة مثل باجي المطاعم المنتشرة.
وممكن بعد تشيكين خيمة مطعم أساطير اللي في حديقة الفندق
أعتقد بتستمر لين أيام العيد
__________________________________________________ __________
>>>> الرد الثالث :
عندج مطعم لبن وتين اكله وااايد حلو ولبناني بس مااظن ينفع للصغار لان في رقاصه فالمطعم
__________________________________________________ __________
>>>> الرد الرابع :
https://4arab.xplainer.net/images/wo...quote_icon.png المشاركة الأصلية كتبت بواسطة أم عيالها
https://4arab.xplainer.net/images/wo...wpost-left.png
مرحباً أختي تعرفين كنت ناويه انزل موضوع عن فندق اتلانتس .. اريد أحجز وقت العيد ... زعلت يوم قلتي انه فول ...بس قلت بدال ما نتحوط بالمولات نقعد فى فندق فيه كل شي من مطاعم ومسبح والاكروايوم عشان خاطر عيالي يبون يشوفون الدلافين*
معلومة بخصوص الدلافين :
الحجز لازم يكون مسبق
لأن الحجوزات فل
والوقت اللي يعطونج اياه انتي وحظج يا اما الصبح أو الظهر أو العصر
اللي متوفر ...يعني ما ترومين انتي تحددين الوقت اللي تبينه
__________________________________________________ __________
>>>> الرد الخامس :
