اخوه لكن بلا القاب......... منقول للكاتبه تالين

عنوان الموضوع : اخوه لكن بلا القاب......... منقول للكاتبه تالين
مقدم من طرف منتديات الضمير العربي

السلام عليكم
روايتي الاولى
أخوه لكن بلا ألقاب



في إحدى الملاجئ الفقيرة
رائد:قلت لك محاد رضي يعطيني"كذاب لكنه قسم الفلوس بين أخوانه بندر وسالم وزاهر ودنيا"
المديرة:ليش أنت تأكل بلاش كل شي بحقه وان ماجبت شي ما تأكل
رائد:خلاص خليني أروح للناس اللي يبوني أنا وأخواني واخلصي من أكلي وأكلهم وقال هالكلام عشان يغيضها
المديرة:تطول صوتك علي آنا اوريك جلست تضرب فيه وبندر وسالم وزاهر ودنيا جلسوا يبكون
بندر ماقدر يتحمل قام وراح يحمي رائد بجسمه ويتحمل الضرب بداله لكن رائد دفه وقاله خذ سالم ودنيا وزاهر واشردوا المديرة زادت الضرب فيه لما سمعته وقالت:وكمان تقنعهم يهربون إن ما ريحتك من نفسك ما أكون لمياه هانم أنت من يوم ما جيت وأنت معذبني
لفت على سالم وبندر ودنيا وزاهر وقالت بصرخة: وانتو يلا على الغرف نوم
في ذي الوقت قام رائد من ورآها ودفها وطاحت على الأرض وراح بندر وجلس يضرب فيها وشاركه سالم وزاهر ودنيا جلست تبكي ورائد راح ضمها وقال:يلا نشرد بسرعة
( رائد عمره 10 سنوات, بندر عمره 9سنوات, سالم وزاهر عمرهم7سنوات ودنيا عمرها 6سنوات
رائد بمثابة أب لهم هو وبندر دخلوا الملجاء سوا بندر كان عمره شهر وهو سنه كبر وصار عمره 4سنوات وبندر 3سنوات وجاتهم دنيا كانت رضيعه واعتنوا فيها هو وبندر وبعدها جاهم سالم عمرة سنتين وبرضو اعتنوا فيه وأخيرا قبل لا يهربون بسنتين جاهم زاهر كان عمره 4سنين "

وهذوله هم أبطالنا اللي راح
نعيش قصتهم من الحين حتى وهم كبار

أتمنى تعجبكم ..........



طلعوا يركضون لين بعدو من الملجاء وفجأة طاح رائد مغمى عليه كلهم التمو حوله وجلسوا يصيحون عليه عشان يقوم فتح عينه بعدين طلب من بندر يمسكه ويستند عليه قامه بندر وسنده وجلسوا يمشون لين وصلوا عند البحر وجلسوا تحت صخرة كبيرة عند الشاطي رائد كان تعبان ونام على طول وكلهم ناموا في الصباح في صعقت الشمس صحي بندر وما لقي رائد وقام بصحي أخوانه:قوموا قوموا رائد ماهو موجود كلهم صحو وشوي جاء رائد ومعه خبز ومؤويه وقام يقسم الخبز أرباع وزعه بينهم وحط المويه وسطهم ورجع انسدح بندر طالع فيه وقال: وأنت ما تبي تأكل
رائد وهو مغمض عيونه: إذا شبعتم كأني شبعت يلا بسرعة كلوا عشان ورآنا شغل
سالم : وشو شغله
رائد ضحك وقاله: أنت وزاهر شغلكم تحرسون دنيا لأنكم رجا جيل
سالم وزاهر محد قدهم يوم قال رائد هالكلام وقالوا: طيب
بندر : طيب وانأ
قام جلس وفتح عيونه وكانت تصرفاته اكبر من عمره بكثير: أنت بتجي معي عشان نشحت وندور على شغل
بندر:طيب
أكلوا وبعدها قام بندر ورائد وجلسوا في الشارع القريب من البحر يشحتون عشان ما يضيعون
مر الوقت وصارت ظهريه والجو كان حامي مره والشارع صار شبه فاضي
التفت بندر للجهة الثانية من الشارع يلمح رائد لقيه طايح
قام يصيح في طلعت شخص من المطعم اللي كان واقف جمبه بندر

راح هالشخص ركض يشيل رائد دخله المطعم وطلب من راعي
المطعم يجيب مؤويه لان رائد كانت حرارته مرتفعه مرة
سال بندر: وش اسمك واسم أخوك
بندر وهو خايف:أنا بندر وهذا رائد
........:طيب وش تسون بعز القايله هنا
نزل رأسه بندر وبصوت واطي جدا: نشحت
سمعه بس بغاه يعلي صوته وقاله : وشو؟؟
قال : نشتغل
قال:وش تشتغلون؟؟
رائد فتح عيونه ويقول بتصريفه:نمسح سيارات
وقام وقال:يلا بندر خلنا نروح من هنا
ضحك ضحكه وقفت رائد وقال:
تمسحون سيارات والشارع فاضي قولوا تشحتون وأقولكم ممكن ويطالع فيهم كأنه يقول فاهمكم
رائد: حتى لو!!
موه من شغلك وبعدين من تكون؟؟
..........: اسمي سامر
وقام سحب رائد وبندر وطلع وقال هذي سيارتي يلا معي باين ما عندكم مكان تروحوا له
بندر ناظر رائد كأنه يقوله وافق
رائد: وإحنا ايش درأنا وش تبي فينا أنا تعلمت مافي شي إلا بالمقابل
سامر وهومتنرفز:طيب واللي يعطونك فلوس وش يأخذون منك
رائد ببرود :دعوة من قلب طفل تصلح حالهم
تعجب سامر وابتسم لرشد رائد وقال: وأنا ما أبي إلا دعوة منك تكون صادقه
اقتنع رائد وقال:خلاص بس إحنا موه لحالنا
استغرب سامر وقال:طيب وينهم اهلك
رائد:هناك في البحر
سامر!!:بعز القايله يلا امش قدامي وروني إياهم شكلهم استوا
مشى رائد وبندر وسامر ورآهم
وصلوه تحت الصخرة أنفجع سامر يوم لقي بس أطفال توقع يلقى أم أو شايب على الأقل
سأل: رائد وين اهلك

رائد: ماعندنا أهل
سامر: وكيف تجي انشاءالله
بندر:لأننا هربا نين
أنصدم سامر وفي نفسه: كيف أطفال يهربون من أهلهم جد دنيا عجيبة!
رائد: ها بتاخذنا ولا هونت
سامر :بوصلكم بيت أهلكم
رائد معصب: اجل ابعد عنا ومالك شغل فينا
سامر يهديه:ياولدي كلكم صغار ومحد يقدر فيكم يحمل مسئوليه لازم ترجعون لأهلكم
دنيا بكت: واللي ماعنده أهل
سامر :ليه انتم من وين شاردين
بندر: من الملجاء
في هذا الوقت رائد ماكان قادر يتحمل زيادة صعقت الشمس
حس بضغط شديد ومعد شاف شي وأغمي عليه
شاله سامر وطلب من البقية يجون ورآه
ركبهم السيارة
في الطريق صحي رائد:أنت وين مودينا
سامر:بيتي أنت المفروض كان قلت لي من أول
رائد :ليه انشاءالله
سامر طالع فيه وقال:لأني كنت زيكم بملجاء بس ماكان عندي الشجاعة زيكم عشان اهرب
تكتف رائد:وكيف تبينا نصدق انشاءالله
سامر:كيفك صدق ولا لا تصدق أصلا إحنا شوي ونوصل
وصل سامر وركن السيارة ودخلوا كان البيت شعبي مكون من غرفتين "غرفه نوم سامر والثانية كانت مجلس" ومطبخ وحمام

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مشكوره
و راح أتابعك

__________________________________________________ __________

>>>> الرد الثاني :

"من جهة ثانيه في الملجاء"

لمياه هانم تتحطم
وتسب وتلعن رائد والرجال اللي جاها
كانت قاعدة تكتب تقرير عن رائد وبندر وسالم وزاهر ودنيا
أنهم نقلوا عند عائله فقيرة جدا
هل تعلمون لماذا كتبت فقيرة جدا ؟؟
لكي تكسب من ورآهم حتى وهم غير موجودين
وبذلك تكون كسبت ولم تخسر بتبليغ بفقدانهم
لأنه إذا بلغت يا يلقوهم وترجع لرجتهم وإذا ما لقوهم ما تستفيد شي فهمتم
قالت اضرب عصفورين بحجر
يتشردون أو يموتون وهذا اللي تبيه واكسب من ورآهم
وابد ابد ماهز تسجيل سامر لها شي



"نرجع للخماسي ^"
صحي رائد على أذان المغرب
وقام أخوانه عشان يصلوا المغرب

وبعدها قام وراح عند غرفه سامر وقعد يدق الباب س محد فتح وفكره انه نايم
ورجع عند أخوانه وهم يقلبون ب تي في
ويتصايحون بين سبيستون وmbc3
اخذ رائد منهم الريموت وقال:من يبي سبيستون يرفع يده
رفعت يدها دنيا
قال رائد: شوفي دنوي محد يبي سبيستون غيرك وكلهم هنا يبون mbc3
وحتى لو وقفت معك مارح نكسب وابتسم لها
قامت تبكي وتقول:بس أنا ما أحب هذا
رائد طالع في أخوانه كأنه يقولهم خلوها تتفرج
وخلاه على سبيستون وكان فيه ستروبري
عشان كذا شد دنيا

وقام سالم وزاهر يتضاربون
وبندر يشجع بينهم
ورائد جالس يطالع فيهم ويفكر وش بيقول لما يصحي سامر

بعد كم ساعة مرت على الأطفال
رجعوا على صياحهم ورائد يحاول يفك بينهم
وبندر يضحك ويشجع
رائد:بندر ووجع تعال
بندر :تبيني أفكهم من مكاني اقدر
رائد راح له وقاله يلا ورني شطارتك
بندر: على كم؟؟
رائد: جد ما عندك سالفة
رجع يفكهم عن بعض
بندر صرخ: ماما لمياه

بهاللحظه الكل وقف وقال رائد: وينهها
قام بندر يضحك :ما قلت لك بوقفهم
رائد: أنت اللي يبي لك ضرب الحين
وراح له يبي يضربه لكنه شرد للمطبخ
في دخلت سامر للبيت
جمد بندر مكانه
قرب سامر منه سلم عليه وعطاه العشى وقاله وده المجلس الحين جاي
دخل بندر المجلس يقول رتبوا المجلس بسرعة جا سامر
رائد: ليش وين كان
بندر :مدري
رائد:وأنا أقول ليش ما فتح الباب
دخل سامر المجلس :السلام عليكم
رائد:وين كنت
سامر:ليش ولي أمري
رائد محرج:لا بس كنت أحسبك
نايم حتى مستغرب هذا كله نوم
بندر: نحضر العشى
سامر: ايوه طلعوه من الأكياس وأنا بروح أجيب كاسات
جاب سامر الكاسات وبدا يصب لهم العصير
وبندر ورائد يوزعون السندوتشات لهم
بعد ما خلصوا العشاء كان سامر جالس يلعب مع دنيا وسالم وزاهر
وبندر ورائد كانوا بالمطبخ يغسلوا الكاسات
بندر:الحين بتقوله لأني شفته يوم دخل بيده ملفات وشكلها ملفاتنا
رائد:طيب ما شفته وين حط الملفات
بندر:أعطاني العشى ودخل غرفته
رائد: خلاص راقب لي وأنا بروح غرفته اخذ ملفي
وطلع من المطبخ وما سمع بندر وهو يقول
لا تروح
فتح رائد باب الغرفة وتفاجئ لما فتحه .....


طلع له سامر في وجهه تكتف وهو معقد حواجبه وقاله : بغيت شي

رائد حاول يصرف نفسه: ها آآآآآآآ.... ايوه بغيتك بموضوع

وخر سامر عن الباب وقاله: طيب ادخل

"دخل رائد وأول مره يدخل غرفه سامر
كان نورها خافت والسرير دائري وعليه ديكور
والجدران فيها ديكور على شكل إطار نفس الديكور اللي
على السرير
وعند النافذة كنبتين وطاوله صغيره تطل على الشارع"

مسك سامر كتوف رائد وجره على الكنبة وجلسه وجلس وقاله:
يلا قول وش عندك وش الموضوع
رائد:أنا مآبي ادرس وآبي ملفي
سامر:ملفك ماهو معي بعدين من ناحية الدراسة راح تدرس
رائد: بس بندر قالي انك جبت ملفاتنا
سامر:ايوه جبت ملفاتهم بس ملفك مو معي
رائد: أنت تلعب معي كيف يعني خليت ملفي هناك
سامر: لا .. لان ملف.... !! ألا تعال أنت وش مسوي
مع مديرتك حتى تكرهك لهدرجه

رائد: ولاشي هي كانت تجبر أخواني إنهم يشتغلون وأنا كنت أساعدهم
بس هذي كل السالفة

__________________________________________________ __________

>>>> الرد الثالث :

سامر:طيب ملفك هي تقول إنها حرقته و......

قاطعه ضحك رائد وهو يقول: مستحيل تسوي كذا.

سامر وعلامات الاستفهام تدور حوله :ليش؟؟!
رائد: لأني عمله نادرة بالنسبة لها
سامر: كيف .. كيف يعني؟
رائد :بالمختصر قبل لا يجوون إخواني الملجاء كنت الورقة الرابحة لها في الشحاته ويوم
جوا صرت أشحت أنا وبندر واخذ اللي جمعناه وأوزعه عليهم وما يصير عندي شي فانضرب
منها وأنام من غير أكل
سامر بحزن:طيب ليش ما كنت تقسمه عليكم كله بالتساوي
رائد:لأنه المبلغ في اغلب الأوقات ما كان يكفي يتقسم لخمس أشخاص
أما إذا كان اللي نجمعه كثير احمد ربي ذاك اليوم إني سلمت من الضرب

جلس سامر قدام رائد على ركبه وضمه وقاله: تعبت كثير بحياتك
لكن من الحين أنسى التعب

رائد تجمد أول مره شخص كبير يضمه ويحسسه بالحنان
دمع بس حاول يستجمع قواه ولا ينهار قدام سامر
حاول يبعده ..

حس عليه سامر وبعد عنه ورجع يجلس على الكنبة وقاله : طيب ليش من بين كل أولاد
الملجاء اخترت هذولي

رائد يستجمع نفسه : لأنهم كانوا بحاجتي وهم الوحيدين اللي حسيتهم قريبين مني
بس بندر من يوم ماكبرت وهو معي

سامر:طيب قولي إذا ما حرقته وين حطته
أنا قلبت المكتب كله

رائد بابتسامه مكر:لا مو كل مكان
سامر يحاول يفهمه:يعني وين في بيتها
أنت تعرف مكانه قول وينه
رائد:إيه اعرف تحت بلوزتها

سامر بضحكه يحاول يستوعب كلامه: كيف .. كيف يعني وليش؟؟!

رائد: كيف لأني يوم هربنا كانت تضربني بعدها لفت على أخواني تهزئهم
قمت ومسكتها من خصرها وطيحتها حسيت أنها مخبيه أوراق
ببطنها بس مالحقت أشوفها لأنها كانت تصيح على المربيات يساعدوها
عشان كذا هربت أنا وأخواني بسرعة أما سالفة ليش
لأني كنت دايم ادخل غرفتها أحاول اخذ ملفي

سامر:خلاص أنا بجيب ملفك ولا تشيل هم
بس قلي مافي من بين المربيات احد كان طيب معكم

رائد: يوم كنت صغير كان في وحده طيبه معي أنا وبندر بس يوم كبرنا معد شفناها
أما الباقين عادي معنا لا يحبونا ولا يكرهونا

سامر: اوكي رائد في عندك شي ثاني

رائد:أبي اعرف وش اوكي هذي
ضحك سامر:هذي كلمه انجليزية تعنى طيب

رائد: طيب بالنسبة لدراستي
سامر: راح تكمل دراستك وتحقق أحلامك
رائد: بس ان........
قاطعه سامر بحده:انتهى النقاش بتدرس يعني بتدرس
إذا عندك غير هالموضوع قول وإذا ما عندك اطلع خليني أنام

طلع رائد من الغرفة وهو زعلان بفشله في إقناعه
بندر كان يستنا رائد عند الباب أول ما طلع رائد
قام وسأله: هاا بشر رضي
رائد: ما رضي اسمع أول مايودينا المدرسة راح نبدأ بالخطة الثانية
تنهد بندر وقال: خلاص صار
مسك بندر رائد من كتفه وضمه ومشوا لين المجلس لقيوا
سالم وزاهر ودنيا نايمين عدلوهم ولبسوهم وناموا

رائد وهو منسدح يفكر: الحين لو ما طلع الملف اللي كان ببطنها ملفي
راح يكون ملف مين؟؟
بعدين من جد حرقت ملفي طيب ليه
أنا لازم اسأل سامر يمكن قالت له الجواب
بعدها غمض عيونه ونام....

""""""في الصباح""""""

فتح رائد عيونه على صوت الباب
قام وراح للحمام وهو خارج من الحمام شاف سامر
في المطبخ قاله:من طلع قبل شوي

أنصدم سامر انو رائد صاحي وقاله:أنت من متى صاحي

رائد:تؤوي صحيت يعني أنت توك جيت
ارتاح سامر وقال :لا بس نسيت سيارتي مفتوحة أمس
وصكيتا ورجعت
رائد:طيب فطرت
سامر ارتبك يوم شاف رائد يطالع في صحن الفطور وكان به كوبين
وقال:هااا...ايوه سبقتكم
حس رائد فيه وابتسم وقاله: بالعافية
سامر : الله يعافيك
الحين بسوي لكم فطور بس روح قيم إخوانك
رائد :طيب وراح
تنهد سامر:أشوى ما شاف شي
ثاني مره معد بجيب احد هنا

وراح يسوي لهم فطور

__________________________________________________ __________

>>>> الرد الرابع :

اذا لقيت ردود
راح اكمل نقل
دمتم بخير

__________________________________________________ __________

>>>> الرد الخامس :

الله يعطيك العافيه
والله يسعدك راجعي القوانين
ولاتطولي بتنزيلها
ولك كل الشكر