خبراتكم بألاعيب وخبث الخادمات عمل يدوي

عنوان الموضوع : خبراتكم بألاعيب وخبث الخادمات عمل يدوي
مقدم من طرف منتديات الضمير العربي

السلام عليكم




خواتي اكيد اغلبكم عنده شغاله ..واللي ما عندها

اكيد تفكر ...تجيب...

انا ما احب الشغالات ابداااا...وعشت اول سنوات حياتي
الثمانيه .
بدون شغاله ...لين ما خلااص عرفت ان طاقتي نفذت

جبت خادمه ...والحمدالله..


ابي كل وحده تقول شو لاحظت من طرق خبيثه
من شغالتها...وشو اتبعت من طرق جابت نتيجه ايجابيه..

علشان نوعيي بعض خاصه ان طرقهم تتكرر مع الأغلب.

انا مع اني يبت وحده كبيره 37..إلا اني لاحظت
امور كثيره عليها...

منها تتعمد في البدايه انها تسوي عمرها مريضه
ولازم تاخذ قيلوله شوي.<تبيني اشفق عليها واساعدها في امور البيت ..

طبعا رفضت.. طلبت منها تنهي شغلها وبعدين ترتاح على كيفها..
وتمت تكرر حركتها فترة لين ما يئست مني تماما.

تتعمد تسوي نفسها غبيه .وانها نست تعليماتي وتحذيري
ان لو زوجي في مكان ممنوع تدخل .وممنوع تتكلم معه
باي شكل من الأشكال..وتميت فترة اهزبها .لين خصمت من فلوسها و حرمت تماما....

اشياء كثيرة...بس ابي تفاعل منكم..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

للامانه ما لحظت عليها شي

بس انا مثلج ما أخليها تقرب من زوجي اذا تبا شي تخبرني
وخليتها تثق فيني يعني دايما اكون قد كلمتي وياها
https://4arab.xplainer.net/images/smilies/bb/31.pngالله يرزقني خيرها ويكفيني شرها
ويبارك فيها ويفتح لها ابواب رزقه ورحمته
ما شفت منها الا كل خير
بس مافي انسان كامل وبعض التصرفات الي تنرفز لابد منها

__________________________________________________ __________

>>>> الرد الثاني :

امممم انا عندي قصص ويا البشاكير و ما اخليهم عندي لين ما الحمد لله تمت عندي وحده اندونيسية زينة و كل شيء تمام ومن نفسها حجاب طويل و محتشم و كنت اتحرى كل شيء تمام وانا من المكتب مخبرتنها انه موبايل ممنوع ووافقت و مره ع الفايس بوك سبحان الله حطيت اسمها و طلع عندها اكاونت و يوم دشيت الاكاونت الحبيبة مصوره بيتي و مصوره نفسها و اخر تعليق من نصف ساعة و المصيبة الاكبر لابسة لبسي !!!! صدمة ما صدقت في البداية زقرت اختي كانت عندي !! انصدمت تقول لا مب فلانه اكيد وحده تشبها !! اقول شوفي البيت , الغرفة , شوفي اللبس !! هني انصدمت تقول صح و في قمصان افتقدهم واسال عنهم تقول في الغسيل و هي كانت تتصور فيهم و طبعا شليت عنها الموبايل و حصلت فيه !!! الله يستر عليها و كفختها ما قدرت و ريلي كان بيوديها المكتب و تمت تصيح و ياتني الغرفة و قالت انا بشر و يخطي و رب العالمين يسامح .. سامحتها و للحين متعدله بس ردت تحن ع تلفون و كل مره اشيله اجيك في اي وقت و للحين اوكي و الله اعلم

__________________________________________________ __________

>>>> الرد الثالث :

حبيبتي ارجوانية خلي شغالتج تقيل الظهر احسن عشان ترتاح و يكون فيها طاقة تشتغل من العصر لين بليل ؛ اذا ما رقدت الظهر ما بيكون فيها حيل تشتغل العصر و المغرب و العشاء ، حرام هم في النهاية بشر مثلنا تخيلي نفسج تداومين من الصبح لين الظهر اكيد بتكونين هلكانه الظهر و منهد حيلج تبين تريحين شوي

الله ييسر لج و يرزقج خيرها و يكفيج شرها و دايما رددي : اللهم اكفنيها بما شئت

__________________________________________________ __________

>>>> الرد الرابع :

حبيبتي افنان
مشكورة ع النصيحه الكلام الطيب

بس والله ما خرب الخدم الى الراحه.وعن تجربة ...تتم تفكر بالخرابيط
وتتعود على الكسل وعقب لو احتجتيها في وقت قيلولتها ..بتتنرفز لانها ما بتفهم ان هذا من طيبة قلبي.

بتحط ان هذا حق من حقوقها..
غير ان في بلادها تكرف كرف اكثر عن هني ولا تقارنينهم بنا ابدااا نحن العرب غير......

على العموم انا صح بيتي موب صغير ..بس ماشي شغل كثير عليها....وتقوم الساعه ثمانيه ونصف ايام ماشي مدارس وترقد تسعه بالعكس كم مرة كانت تبي تسهر معنا بس انا اجبرها تروح تنام .....لاني احب انا وعيالي نسهر ع راحتنا البس اللي بخاطري
ونطلبنا من برع وساعات نطلع بالليل نتمشى ..وعادي الصبح
تقوم وتنظف اللي خيسناه..


ومن الامور الي لاحظته عليها ...

انها تتعمد تخلي بعض الفروض اليوميه ....

وبعد مهما كانت كبيرة بالسن..إلا عندها أمل تلفت نظر اي رجال وفي حركة قذره تسويها ان من وراء الملابس تنحشك داخل تلك المنطقه بشكل غريب جداا مو طبيعي.خليتها بقلبي بالبدايه..لين ما تاكدت انها تسويها متعمده ..سبحان الله جالسه معانا طول النهار اليونيفوم تمام اصلاا واسع وهي جدااا ضعيفه وتلك المنطقه ممسوحه ما عندها..وما تتحشك الا لما يجي ريلي ..لا وتتعمد تعطيه ظهرها ...طبعا يوم تاكدت ..هزأتهاا تهزيئ ..ومنعت عنها بطاقة التلفون حق هالشهر..وقلت لها تكونين محترمه ..ولا مع السلامه شردي وانا ببلغ الشرطه ..ومن يومها تووبتها ...

وقالت لي كلام حسيتها منقهره وتغار..طبعا هالكلام اول ما يتني..
قالت انتوا رجالكم احسن عن رجالنا..انتوا يعطونكم مهور ..وتقعدون وهم يصرفون عليكم .مطبقين الدين الإسلامي..عكس رجالنا البنغال نحن نعطي الرجال فلوس علشان ياخذناو بعدين يقول روحي اشتغلي جيبي فلووس..

الله يحمينا ويهدي جميع المسلمين



وبعد يوم نطلع نشرى ...ريلي نصحني ان خلااص ما
اشتري اي شي خاص فيني وهي معاي...قالي
وانتي داخل المحل كانت تطالعج من برع بنظرة حقد...

علشان كذا تووووووبه اشتريلي اي شي وهي معي ..اصلاا قللت من خروجها معنا يوم نكون كلنا ..

__________________________________________________ __________

>>>> الرد الخامس :

اسيرة شوق
الحمدالله الله يعطيج خيرها
ويكفيج شرها....
ومثل ما قلتي الحرص واجب

رومانسيه 84

الله ستر..

الاندونيسيات ما اثق فيهن ابدااا
حميتي عندها وحده تموت عليها .تقولي
تستأذن في اوقات الصلاة وماعيبها
اليونيفورم اونه تبا واحد واسع .وعبايه
يوم تطلع ..وحجاب طويل يغطي صدرها
وجوا عندي عزيمه .وكلنا نحن الحريم طلعنا
فووق ونزلت وشفتها بعيني تطلع شعرها
من الخلف وماشاءالله كان وايد طوويل وناعم
واونه سايره صوب مجلس الرجال..عاد يوم ناديتها
تيبست في مكانها وقلت لها ارجعي المطبخ ودخلي شعرك
انكشفت جدامي ..بس ما حبيت اخبر حميتي ..علشانها وايد
شكاكه ....