ازاله سواد الشفايف مشاكل السمنة

عنوان الموضوع : ازاله سواد الشفايف مشاكل السمنة
مقدم من طرف منتديات الضمير العربي

السلام عليكم ورحمه الله وبركاته
مبارك عليكن الشهر وتقبل الله منكن صالح الاعمال

فديتكن أنا مشكلتي ماعرف لها حل في سواد في شفايفي والمنظر مب حلو طبعا ياريت تساعدني والاهم شيء تكون الادويه او الوصفات مضمونه ومجربه من صاحبه الرد مو من النت. ولكن جزيل الشكر

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

هلا الغاليه ، أول خطوه شرب ليترين ماي كل يوم ، وكثري من الفواكه والسلطات ، ويوميا اشربي عصير برتقال فرشبدون هالخطوه ما بتحصلين نتيجه سريعه وحلوه ، لأن العنايه الداخليه أهم.
ثاني شي ، كل يوم قبل النوم ، هاتي عسل و سكر أسمر و قطرات عصير ليمون ، اخليطهم عدل وسوي سكراب دائري خفيييييييييييف للشفايف لمده دقيقه وحده.
وبعدها حطي زيت زيتون أو أي مرطب شفايف عندج.

أتمنى أفدتج ، و موفقه :-)

__________________________________________________ __________

>>>> الرد الثاني :

مشكورررره فديتج ربي يوفقج

__________________________________________________ __________

>>>> الرد الثالث :

هاذي طريقة مجربتنها روعة مرة بالاسبوع (عسل + سكر بني + قطرات ليمون لازم خليط شوي سميك لانه للتقشير ) تفركين شوي به شفايف تغسلين وتدهنين بزيت اللوز نتيجة الحمدلله مرضية واختاري مرطب شفايف صباحي مع حماية من شمس

__________________________________________________ __________

>>>> الرد الرابع :

الغاليه قبل لا ترقدين حطي شوي زيت زيتون ولا فازلين ف فرشة اسنان ناعممه وافركي شوي وخليه لأنه يخوز الخلايا الميته واليوم الثاني حطي عسل عن تجربه

__________________________________________________ __________

>>>> الرد الخامس :

شكلج كنتي تستخدمين فازلين وتظهرين فالشمس صح؟!
كنت استغرب من بنات الجامعه يستخدمن الفازلين كمرطب ويطلعن فالشمس
والحين يعانن من هالسواد

اهم شي حبيبتي تسوين طريقه التقشير اللي قالن عنها الخوات وحافظي على ترطيب بشرتج وعلى قد ما تقدرين اشربي ماي
استخدمي مرطب الشفايف من الصيدليه