لوكننتي بروحج فالبيت بتيبن شغاله تجارب منزلية
عنوان الموضوع : لوكننتي بروحج فالبيت بتيبن شغاله تجارب منزلية
مقدم من طرف منتديات الضمير العربي
السلام عليكم والرحمه خواتي الغاليات انا معاي شغاله ولكني اعجز القى لها شغل فالبيت البيت صغير وشخصين انا وريلي يعني اتنظف وتطبخ ونص الوقت يالسه انااحتاج شغاله وقت العزايم يعني اذا ايوني ناس والزيارات وارمضان اما فالاوقات العاديه مااحصل لها شغل ومالقيت حل ف شو رايكم خواتي لوكنتو بروحكم فالبيت بتيبون شغاله لو هيه شو يتخلونها اتسوي ؟؟ولاانكم مابتيبون من الاساس ووربي يوفقكم ويسعدكم جميعا الغوالي،،،،،،،،،،
https://4arab.xplainer.net/images/smilies/bb/1.png
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
حبيبتي إذا البيت صغير وأنت وريلج ليش تييبن شغالة !!!
تراها محظوظة خخخخخخ
أختي خليها تساعدج بالطبخ وتكوي وتنظف ولما تخلص مدتها ييبي وحدة بارت تايم للعزايم
__________________________________________________ __________
>>>> الرد الثاني :
ماعندنا شغالة ومانباها الزوج يحب زوجته تكوي ثيابه ترتب بيته تهتم فعياله يحس انه تزوج حرمة
مو بس صورة
فالبيت
__________________________________________________ __________
>>>> الرد الثالث :
اذا لوحدك يفضل تتفقين مع مكتب تجيك ثلاث مرات بالشهر ثلاث ساعات ب 1000
حلو تاخذين راحتك باللبس اول كم سنه بدون تقيد
وان شاءالله ربي يرزقك بالشيخ او الشيخه او العشره تؤؤؤؤم
تجيبين وحده فل تايم
امراه
احس حالتك زيي الله يعين للان محتاره بالخدم
ولما اسمع قصصهم اخاف
ان شاءالله ربي يعطيني ويعطيك اللي احسن مما نتوقعه
__________________________________________________ __________
>>>> الرد الرابع :
والله اذا لج قدره انج تشلين شغل البيت دام مافي عيال ف اجوف ماكان للخدامه داعي
بذات انج ساكنه بروحج لو مع اهل الريل كنت بقول خليها تساعدهم
__________________________________________________ __________
>>>> الرد الخامس :
مشكورين عالردود ومشكوره ام حتومي عالدعوات ولج بالمثل يارب بس ترا اخاف من الخدمات اللي اين وايروحن عقب سرقه الذهب خلاص توبت وانا ساكنه بروحي صح بس كلهم بعيدين اذا ريلي يناوب كيف بقابل اطوف بروحي هههه واوقات الشغاله اتكون مهمه وتنفع لومرضتي او شي ومحد يقدر ينكر ومرات اطرش حق اليران وفي شغلات لازم الشغاله اتسويهن
