شو نظامكم مع الخدم في رمضان لمشاكل المنزل

عنوان الموضوع : شو نظامكم مع الخدم في رمضان لمشاكل المنزل
مقدم من طرف منتديات الضمير العربي

خدامتي اتنش الصبح وتنظف داخل البيت وترد تكمل رقادها عقب اتنش الساعه3 وادش اسوي الفطور
وان عندها كوي تكمل كوي
واحط لها اكلهت لنها مسيحية ونخلص لين نفطر وعقب تغسل وتنظف وتنتم عالساعه8 ومرات اتنش 1 تساعدني ومرات لا

ماتنظف خارج البيت وعيزت افهمها لازم تخمين الحوش وهي تتشرد مرة تقول مهب قوي ومرة تقول نظفت وانا اعرف انه مانظفت
وكل مانقولها خمي تقول بكرة وعالحال هذا كملت اسبوع ماتنظف
والحمدلله معاملينها زين مازين

عطوني فكرة ولا حل لني عيزت وهي مب ياهل اجبرها عالشي
وفهمتها اكثر من مرة انتي لشغل بيت مو لعيال
والحمدلله طبخ وعيال مشؤوليتي كامله .
ممكن تمسك لي بنتي لمن اسوق برع فقط

اعطونب نظامكم متى تنش ومتى ترقد
شغلها تراكم وصايرة وايد اتفكر بالمعاش
ويتني قبل فتره تقول بحول كامل فلوسي الفلبين قلت لها ليش طيب
قالت لنه برمضانص محد يداوم ويشتغل!طبعا خليتها مع نفسها لنه ما اضمن انها ماتشرد

و سبق واشتريت لها فون وسحبته عنها لنه تعرفت على حريم من جنسيتها وانكرت ارقامهن
واحسها كن عقب هالسالفه اقصد لمن انسحب الفون صارت تاخر وتتكاسل بشغلها


هل انا غلطت؟وشو اتصرف معاها بحاله تنظيف الحمامات وخارج البيت لنه ماتسوي الي اقولها اساه

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله يعينك على هالشغالة واحسن شئ تسفريها بعد رمضان قبل لاتسويلج مصيبه اوتشرد

__________________________________________________ __________

>>>> الرد الثاني :

موفقه

__________________________________________________ __________

>>>> الرد الثالث :

من ناحية مصيبه ماعتقد تسوي شي لنه هي تقول انتو احسن ناس تعاملوني هي مشتغله قبل
فماعرف شو الحل الشهر الي طاف كملت نص شهر ماتخم وانا وراها وراها ولما رمسها ريلي زاغت وكنست
احسها ماتبي تشتغل واجد

__________________________________________________ __________

>>>> الرد الرابع :

انا خدامتي اخليها تنش ٧ الصبح تنظف وتغسل وعيالي على الساعه٨ يقومون تسبحهم

وتنظفهم عقب تعلمهم وإذا فيه غسيل تغسل الملابس والكوي اخليهاااا تكوي إذا رقدو عيالي

ماحب الكاوية تكون شغاله والعيال صاحيين وعقب تجهز لي الأغراض في المطبخ وأنا أبدا طبخ

ماحب اخليهاااا تطبخ ولا هي ودهاااا بس انا قلت لها لا اكلي انا بسويه واكثر شئ تهتم بالعيال

طبعا وأنا وراهاا بس لأني حامل وفي شهري السابع ما اقدر اركض ورآهم واخليهااا ترقد ١٠

__________________________________________________ __________

>>>> الرد الخامس :

اختي الغالية اذا البشكارة ماعلمتيها على نظام معين في البيت الشغل ما راح يمشي مظبوط وكل يوم بتخربط حسب مزاجها وخصوصا الفلبينيات
ظروري جدا تسوي لها جدول فيه وقت اللاستيقاض الصبح وفترة الراحة ولمدة كم (ظروري تحددين عشان ما تخمد لها 4 ساعات اونه راحة!! بالكثير ساعتين ) ووقت الرقاد على 10 مب قبل !خلي هالاشياء ثابتة حتى لو في البيت سهرتو او شي عشان ما يخترب الجدول
رمضان بيكون مختلف شوي
البشكارة احسن شي تنش من وقت على الساعة 6 تخم الحوي وتخلص البيت ترتاح شوي وتكوي
واذا دخلتي المطبخ تسوي فطور تكون موجودة تساعدج لين تخلصين والرقاد الساعة 11 بيكون احسن فترة رمضان
((طبعا في الايام العادية يوم تدشين تطبخين بتكون خلصت البيت وتساعدج في المطبخ وعقب الغذا تنظف المطبخ وفترة راحة لين عقب العصر تخم الحوي احسن فترة بتكون لتظيف الحوي)) عقبها تتسبح وتسير غرفتها تكوي واذا خلصت تشوف المطبخ تنظف عقب العشا وخلاص ترقد عالساعة 10 ))
وعموما اي ربة بيت تسوي جدول على حسب حاجتها للبشكارة
بالنسبة لمعاملة البشكارة كوني طيبة معها مومتساهلة لدرجة انها ما تخم الحوي عيل منو بيخم الحوي اذا مب هي؟؟؟ خليها تعرف انه الشغل شغل ما فيه طيبة وتساهل شرات ما هي تاخذ معاشها على اول الشهر دون تاخيراو نقصان فلازم هي بعد تادي واجبها كامل دون نقص!
انا شخصيا كرهت البشاكير وافضل اشتغل روحي في البيت بدل اني احرق اعصابي كل يومhttps://4arab.xplainer.net/images/smilies/bb/4.png مستقبلا ان شاء الله من تروح العلة اللي عندي