ممكن سؤال هام عن راتب الخدامه ؟ تدابير منزلية
عنوان الموضوع : ممكن سؤال هام عن راتب الخدامه ؟ تدابير منزلية
مقدم من طرف منتديات الضمير العربي
انا عندي خدامه فلبينيه جديده صار لها شهر .. مشتغله في سانغفوره وماتعرف شي عن الامارات .. تقولي الحين تبا راتبها عساس تطرش لاهلها .. فخبرتها انها تحت الضمان الحين 3 شهور وعقب بتستلم راتبها .. فأريد اسأل هل لازم اعطيها راتب هالشهر او انتظر لين ماينتهي الضمان ؟ وتبا بعد راتبها شهر بشهر .. وانا متعوده امسك راتب اي خدامه عندي شهرين مقدم عساس ضمان لي اذا شردت او شي يكون ثمن تذكرتها .. فشو رايكن خواتي .. هل تصرفي صحيح ام خطأ ؟
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
أنا عن نفسي عندي داااائما قانون مع بشاكيري
لها حق التصرف بنص راتبها فقط ونص الراتب يتم عندي لحالات الضرورة يعني اذا ما تبا تشتغل او طلعتلي حركات أمسكها من الايد اللي تعورها == بيزاتها !!
وما اطرش بيزاتها إلا كل ٥ شهور وإذا تبا اطرشهم شهر بشهر هي تدفع جيمة التحويل اما اذا كل ٥ شهور أنا أدفع لأن البشاكير حبيبتي يمصخونها اذا شافوج تعطينهم ويه
تلفونها نفس اشي تبا رصيد تشتري ببيزاتها أنا مب مسؤولة عن مكالماتها
لأني أول أيام كنت أعيها تلفوني ترمس فيه كانت اتيني الفاتورة آخر الشهر مال ٣٠٠ أو ٤٠٠ بس مكالماتها !! كم بيلس أدفع على سوالفها اللي مالها داعي !! وكل مرة تطلع بحجة أبا أرمس بنتي مريضة أمي تعبانة ريلي مادري بلاه
فكيت عمري من الصدعة وعطيتها تلفون ورصيدها عليها ، تصدقين قامت ما ترمس وايد شرات قبل وقامت تحاسب عالفلس!! حتى أنا تسويلي رنة عشان رصيدها ما يخلص!!!!
والله الواحد لو مب محتاج ويقدر يعتمد على نفسه ما بييبهم!! الله المستعان
__________________________________________________ __________
>>>> الرد الثاني :
__________________________________________________ __________
>>>> الرد الثالث :
__________________________________________________ __________
>>>> الرد الرابع :
اعطي الاجير أجرة قبل ان يجف عرقه؟؟
__________________________________________________ __________
>>>> الرد الخامس :
انا اشوف انج تحجزين راتب شهرين ع الاقل
ماعليه خلها تصبر
