شو أسوي ويا هالريال عالم الامومة
عنوان الموضوع : شو أسوي ويا هالريال عالم الامومة
مقدم من طرف منتديات الضمير العربي
مرحبا أنا داشة بنك نيم اختي
اليوم بغيت أكتبلكم مشكلتي ويا ريلي أبي أفضفض أنا معرسة صارلي سنتين و عندي بنوته تسع شهور الله يحفظها يااارب من عرست وأنا موب مرتاحة وياه كله مشاكل وياه و عنده سوالف البنات صدقوني دوم ازخه وكذا مرة رحت السيارة و احصل هدايا من هاييل بنات الشوارع حسبي الله و نعم الوكيل فيهم ويوم أواجهة يقولي ها مال ربيعي موب مالي هو كان وياي ونساه فالسيارة وكله يسهر برع و يرد متأخر ويوم اتصل فيه عسب أسأل عنه وأطمن عليه ما يرد علي ولا يصكر ف ويهي وفوق هاذا ما يطلعني موووول قبل لا احمل و اربي كان يطلعني و يمشيني مرات أما الحين لا وايد عليه فالشهر مرة اسير الجمعية أاخذ أغراض البيت كله يقولي أنتي محرومة من الطلعات اقوله ليش اونه بس جي ويقولي انا متزوج عليج وحدة ثانية احسه يجذب علي من وين له فلوس ترى هو وااايد يذلني ع مصروفي وما يعطيني الا يوم أطلب منه اتخيلو ثلاثمية فالشهر بس و بعد عقب مذلة أبا حل ويت ويا هالريال مليت مليت خاطري أطلع وياه اتمشى مكان أغير الجو بس ماشي فايدة كله يطلع ويا هالخياس ودوم أحصل مكياج ولمع ع كندورته كذا مرة كلمت أخوه وأخواني كل ما كلموه يقول اوكي أوكي بصرف عليها بطلعها و بودر سوالفي بس ولا عالبال
موب عارفة شو أسوي ابي أطلق منه بس أخاف أنه ياخذ بنتي و أنا كذا مرة قتله طلقني يقولي اوكي بس البنت بتنسحب منج
لا تشكي جرحك على أي مخلوق الجرح مايوجع سوى راعيه
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله يهدييييييييه ياااارب
لا تلجئين لي حد غير ربج هو اللي يقدر يغيره من حال لحال
ادعي ربج بكل وقت وفي قياااام الليل
ويااااارب تتيسر امورج يااارب
واااايد يشتكن الحريم ريلي يسوي وريل قال لكن الحريم مااابيدهن شي غير انهن يدعلج انه الله يهديه
مالج غير ربج
__________________________________________________ __________
>>>> الرد الثاني :
الله يعينج و يفرج همج ..
ما إلج إلا ربج ..
__________________________________________________ __________
>>>> الرد الثالث :
الرياييل مامنهم الا القهر الله يصبرج حبيبتي ولا تندلين له خليه يتهنى بالحرام مايدري انه هو الخسران
__________________________________________________ __________
>>>> الرد الرابع :
الغالية ان هو فعلا عنده علاقات محرمه و زنا لا سمح الله تطلقي منه قبل ما تيبين عيال اكثر
و لكن بعد الامر راجع لج انتي
انا خبرتج باللي انا لو كنت مكانج بسوي و السموحه
__________________________________________________ __________
>>>> الرد الخامس :
