بتمين طول عمرج في بيت اهلج للسعادة الزوجية
عنوان الموضوع : بتمين طول عمرج في بيت اهلج للسعادة الزوجية
مقدم من طرف منتديات الضمير العربي
مسا الخير
بتمييين طول عمرج في بيت اهلج ....
للآسف هل الجمله سمعتها اليووووم ......
انا مب يايه اشتكي اني ما عرست ..... ولا اشتكي اني يوم عن يوم اكبر ....
بس يايه افضفض ....
عرستي ؟
ما انخطبتي ؟
تحركي ....
قالو لي اشيا اسويها ما تدخل العقل .....
ويوم فكرت فيها وتذكرت ناس سووو المستحيل عشان ياخذون الي يبونه اكتشفت انه عقلي يقول شي وقلبي وايماني يقول شي ثاني ....
فعلا في ناس وصلو للشخص الي يبونه بطريقتهم الخاصه بالتلصق والمغازل ع النت والخ ... وعايشين المهم خذت الي حبته ...
قالو لي اني دفشه في مشيتي ....قالو لي تهازبين الريايل ....قالو لي الي يرقمج عطيه ويهه ....قالو لي لا تصدين الريايل .. قالو لي الي يعطيج بنظره ردي عليه بنظره ......تعرفي ...
كل الكلام مب داخل مخي ....ولا عقلي ولا قلبي ..... ع فكره انا مب ياهل ولا الي قالو لي هل الكلام يهال بالعكس اكبر عني بوايد
بتمين طول عمرج في بيت اهلج .....
اتم معززه مكرمه ولا انزل راسهم عسب شخص لا يقدم شي و لا يآخر ....
كان خاطري اقولهم ....
لي الله ...لي الله ...لي الله
https://4arab.xplainer.net/images/smilies/bb/30.png
ليش الناس تحط اللوم ع البنت اذا ما عرست ؟ ليش البنات عشان الحب تكلم وتحاول وتسعي لو بالطريقه الغلط بس عشان تتزوج الي تباه ؟ ليش الناس تفكيرهم تغيييير ......حتي الامهات يسعن ويمدحن بناتهن جدام الخلق عشان بس تزوجهن مع انه في بنات اجمل واحسن واخلاق وادب بس محد يمدحهن ؟؟؟ ليش اللحين يبووونا نسعي ؟؟ وقبل الريال هو الي يبادر ويسعي اللحين انعكست الايه
https://4arab.xplainer.net/images/smilies/bb/4.png
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
حبيبتي بقولج شي باختصار ..
ما بُني على باطل فهو باطل !
اللي بتجوفينه فـ مول ولا شارع و بتتعرفين عليه ولا بتعطينه ويه
بيكون حجر أساس تكوين علاقتكم ( الزوجيه ) الشارع !
و لوووو كنت شريفة مكه ، و لو كان هـ الريال الوحيييد و الأول اللي تعطينه ويه عشان تتزوجين
اساس حياتكم بيكون لقاء فـ الشارع !
و لوووو دشيت مزاجه و قلبه و لوووو بعد مليون سنه من الحب و الزواج
بيتم ( و لو ما قالج بيكون فـ قلبه روحه ) انه شاك فيج و يفكر شرا ما سويت وياه ممكن اتسوين ويا غيره
خلج وااااااثقه بـ ( شرع رب العالمين )
انه الحلال حلال ، و الحرام حرام
و انه غاااااليه خلج فـوووق مترفقه عن شباب المغازل وهالخرابيط
النظيف اللي شراتج بييج لي عندج
و الوصاخه بيلقطون لهم وصاخه من الشارع !
:
:
ادعي رب العالمين ولا يعورج كلام حد دامج فـ ( الحلال ) ..
__________________________________________________ __________
>>>> الرد الثاني :
الزواج رزق لكن لما الحرمه ترخص بعمرها بهالشكل فالله يعينها بزواجها وسبحان الله كل ساقط له لاقط
عيشي حياتج بالطول والعرض وملي وقتج بالهوايات درسي وحصلي على الدكتوراه ما تعرفين متى او وين بيكتب نصيبج توكلي
تبين تسعين سيري الاعراس وجبي الحريم في اعراسكم لا تلبسي خاتم فصبعج بعض الرياييل يفهموها انج معرسه او مخطوبه وما يرمسون مره خالي كان يبي وحده وما يعرف عنها غير اسمها الاول وقالي شكلها معرسه ومالي نصيب فيها والصدمه انه حكم عليها من الخاتم اللي لابستنه سرت لها وسألت عن اهلها ومني مناك عرفت انها مب معرسه
كلمي الناس باحترام بدون ضحك ومياعه ولا شدة وقسوة مثلا اسمحلي عمي ما اعرف ؟ عموه تبين قهوة ؟ حتى لو انها ما تقرب لج من باب الاحترام
وهذي الاية تختصر كلامهم
قال تعالى "الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ ۖ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ ۚ "
__________________________________________________ __________
>>>> الرد الثالث :
يعني الزواج نصيب
الناس شو يعورهم إذا البنت ما تزوجت والمصيبة انها مب بنتهم
بس يبون موضوع يتكلمون فيه ويشغلون نفسهم
الله كريم حبيبتي
ولا تعورين راسج بكلامهم ومثل ما قال الشيخ وسيم يوسف لا تشغل نفسك بحديث الناس واعتبره مكالمة لم يرد عليها
سوي طاف ولا تشغلين نفسج بهالموضوع
كوني انتي ولا تفكرين في انج ما تزوجت وغيره
__________________________________________________ __________
>>>> الرد الرابع :
باختصار عزيزتي كل انسان محاسب أمام الله عن نفسه فقط ومحاسب على مثقال الذره , هالأمور الي يحثوكي عليها كلها غلط ولا ترضي الله , وتذكري من ترك شيئا لله عوضه الله خير منه
الي سوو مثل ما ذكرتي ممكن يكونو وصلوا للي حبوه ولكن بطريقة غير شريعية تمااااااااااااما مثل الملياردير الحرامي!!! وصل للمال وقاعد يتهنى فيه بالدنيا ولكن عن طريق السرقة والنصب والاحتيال ونسى الآخره!
__________________________________________________ __________
>>>> الرد الخامس :
اختي الغالية (future dreams) انا اييد كلامج %100 بصراحة انا بعد سمعت نفس الكلام وما حاولت ابدا اني اطبق ولا %0 لانه اشوفه غلط وفيها نتائج سلبية مب على البنت وبس على اهلها وعلى الي حوليها حتى لو صححت هالشيء في المستقبل. ودايمن اقول لنفسي الزواج قسمة ونصيب وما بيصير الا الله كتب لنا في هالدنيا.
اللهم ارزقني بزوج صالج وارزق جميع بنات المسلمين بازواج الصالحين عاجلا غير اجل يارب العالمين.
