أشتاق بقلبي والقلب حيران ..((قصة حب اماراتية))

عنوان الموضوع : أشتاق بقلبي والقلب حيران ..((قصة حب اماراتية))
مقدم من طرف منتديات الضمير العربي

السلام عليكم ورحمة الله وبركاته
أشتاق بقلبي والقلب حيران

الجزء الاول



الساعة التاسعة صب
يوم السبت..

قمت من رقادي والصراخ واصل لين اذوني..وعيت على ماي انجب فوق راسي.....يلست وانا معصبة ..على الزفتة اللي يسمونها اختي..حشا مب اخت هااي..عدوة ...طالعتها بطرف عيني..ونشيت دخلت الحمام.....وبعد ماظهرت..يلست ادور على شيء معين ..
ابتسمت يوم شفت تلفوني ..ورحت ..للرسايل وطرشت مسج
..وانا اقول بهمس..يارب تخليهم لي...نزلت تحت ..وشفت اماية يالسة تصيح..تنهدت على هالمنظر..ورحت لويت عليها وانا ادمع..
((فديتج الغالية ..شوفيج تصيحين))
اماية:اااه يا دانة ما اقول غير حسبي الله ونعم الوكيل ..حسبي الله ونعم الوكيل
دانة: افا يا ام محمد شوفيج..منو مسويبج جيه
اماية: ابوج الله يسامحه..لا يريح عمره ..ولا ناوي يريحنا ..من هالسم
ابتسمت بحزن على حالنا..ااااه يا اماية ..شو تبيني اقوول..من وانا ياهلة اشووفه جيه ..شو نرووم نسوي...
حبيتاا ع راساا..وقلت بنبرة مواساة: الله يهديه ويصلح حاله...بس انتي لا تاخذين بخاطرج..خلج قوية ..
قامت اماية وهي تمسح دموعها بطرف شيلتها ...
اماية: امين..يا بنيتي ..امين
حبيت راسها وانا اقول بمرح: هاااااا اماااااااااية انا يووعانة شو بتريقووني اليوم
ابتسمت امايه بحب وقالت: اللي تامرين عليه فديتج
فقلت وانا ارد لها الابتسامة: أي شيء من يدينج العسل حلووو
ابتسمت لي وهي تروح صوب المطبخ..ولحقتها وانا افكر .. بحالنا..ااه من هالحال..كل ماييه ويستوي اخس..الله كريم...دخلت المطبخ وشفت..البشكارة تسوي عصير برتقال
دانة: رتنوو انا بعد اريد عصير..
رتنا: سوي انتي
طالعتها بطرف عيني وقلت: اماية منو البشكارة..انا ولا هااي..اخاف بس انتو طالبيني بشكارتكم..وهااي بنتكم
ابتسمت اماية وقالت: ما ادري يا بنيتي يمكن يبتها وانا ما ادري
جان اصفق بيديني دلالة على القهر: شف ...حتى اماية ضدي..يعني انا بشكارتكم
............: انتي بشكارتنا الابدية ..انا ما ادري منو قاص عليج وقالج انج اختنا..ترانا انا ومحمد حصلناج عند الزبالة تصيحين ..جان اشاوره اذا ناخذج لبيتنا كاخت ونربيج ولا لا؟؟
دانة: ها ها ها ضحكتني تدري ؟؟...وعساكم بس اتفقتوا وشليتوني وياكم
.........: لا افا عليج شليناج ويانا ..واتفقنا انا نربيج كاخت لنا لين 18..وبعدين تردين الجميل لنا
دانة: لا والله..بعد ارد الجميل وانشالله شقايل تباني ارد الجمل حقكم
..........: تستوين بشكارتنا الخاصة انا ومحمد
جان اقووله باستهزاء: افا عليك ما طلبت ..بس يوم بيبيض الديج..ما شيء شغلة ..غير اني اكون بشكارتكم انت وياه
.......: انا فيصل ترفضين اوامري...
دانة: روووح ول انزين....رتنووو بلا مصااخة سويلي عصير..لا اجب هاللي سويتي الحين على راسج
رتنا: زين زين ...
فيصل: لا لا رتنا لا تسوين لها..خل تشتغل برووحها ..
طالعت فيصل بنظرة نارية وقلت:ياخي انت شو حارنك..هي بتسويلي انا مب انت
فيصل: وانا ما اباها تسويلج شيء
دانة: بقطعك صدقني
فيصل: بسم الله عليه..اقول رتنا سويلها اللي تبا ..لا تذبحني احين..يلا الغالية تامريني ع شيء
اماية: وين فديتك من الصبح
فيصل: بروح دبي ..ويا نايف..عندي كم شغلة اخلصها هناك
اماية : ووينه نايف..؟؟
فيصل: عند الباب
اماية: وليش ما قربته ..خل يتريق عندنا
فيصل: ما يستوي احينه..عندنا شغلة ضرورية ..لازم نخلصها..يلا من رخصتج
اماية: حافظنكم الرب..وهالله الله في السواقة..ولا تسرعون ..وسلم على نايف
فيصل : انشالله ..سلامن يبلغ
وظهر فيصل..وظهرت ورااه ..من المطبخ ..نادبته :فيصل
كان فيصل مستعيل يلبس نعاله
وقال باستعيال: هاااا؟
فقلت بتمصلح: بترووح دبي
فقال ببرود: هيييه
وطلع براا ...وكاان سيارة نايف في الحووش..يتريا فيصل
فقلت لفيصل: لا تنسى تييب لي..جلكسي جواهر
قال فيصل: رووحي انزين ما شيء شغلة..يا بنت الحلال ارحمي نفسج
دانة: يا خي ما اريد..انا في خاطري اليوم جوااهر
فيصل: وانتي كل يوم لج خاطر في شيء..شو حامل وانا ما ادري؟؟
فقلت بعصبية: يا اخي انا ابا جلكسي جواهر
فيصل: ما عليه بييبلج ..عن سلبيات السمنة المفرطة
وقفت في مكانب بعصبية وقلت: يا خي اذا انت ما تبا تييب لي ..قول ما تقدر وخلاص..مب لازم تذلني..
تنهد فيصل وقال: خلاص لا تزعلين بييبلج
الدمعة كانت على طرف عيني ..
فقلت بزعل: ما اريد مشكوور ..مالي خاطر فيه ..واذا بغيت بقوول لعلااوي ييب لي
فقال فيصل: افا زعلت ام فصول لا ما يصير
فقلت بعصبية : وانت منو قالك اني بعرس..وبييب هالفيصل
وهنيه هرن نايف لفيصل ...
فقلت وانا رافعة حايب: وهذا ما يرووم يصبر لدقيقة
ضحك فيصل: ههههههه كل ها ودقيقة ..
دانة: رووح الله يخليك..لا يدعمنا الحين..ولا تييب لي شيء انا اسفة وحقك عليه
فيصل : لا افا عليج ..انتي تامريني..واليوم فليل بيكون عندج
دانة: قلت لك ما اريد منك شيء
يااا فيصل صوبي وحب راسي
فيصل: كل شيء ولا حبيبة قلبي تزعل علي
ناظرته بنص عين
دانة: قص عليه بكلمتين انته بس
فيصل: ههههههه يلا مع السلامة
دانة : مع السلامة
صديت بدخل البيت ..بس وقفت مكاني يوم زقرني تاففت في خاطري
وانا اتسااءل هذا شوو يبا مني..صديت له بدون أي حرف
كان فااج جامة سيارته
.......: السلاااااام عليج دانة
دانة بكل برود: وعليكم الاسم والرحمة
.....: شخبارج ؟؟
تاففت في خاطري ..اووف صدق انه متفيج
دانة: الحمدلله ما نشكي باس
......: وانا بخير الحمدلله
انحرجت ..يوم سمعت ضحكت فيصل..المكتومة..الحماار شو قصده من هالحركة ..يا خي بكيفي ما اريد اسال عن احوالك..ما تهمني..
فيصل: يلا نايف..شو تبا بخبارك..يلا بنتاخر
نايف.: وجنا ما متاخرين..من ساعة وانا اترياك هنيه..بس حضرتك كنت في نقاش حامي مع بعض الناس
ناظرته ببرود..فابتسم لي وهو يقول: يلا نشووفج ع خير
دانة: في حفظ الرحمن
دخلت البيت وانا معصبية...هالنايف ..انا ما ادانيه خير شر..جيه من الله كا رهنه..وهو يدري هالشيء...بس الا ويستفزني...التافه..جليل الحيا ..
رحت المطبخ..وشفت رتنا وسالتها عن عصيري
رتنا: في الثلاجة
ورحت صوب الثلاجة .. ..وخذيت عصيري وانا اسالها عن فطووم
رتنا: في الصالة شوف تلفزيون
دانة: انزين خلاص
رحت الصالة ..وشفت زيود وفطووم يطالعون الرسوم
رحت عند فطووم ..ووقفت جدامها..وهي يوم شافتني زاغت
دانة: اهلا وسهلا ..بالحلووين
فطووم بخوف: والله انا ما كنت اقصد
دانة باستهزاء: لاااااء..صابة عليه مااي باارد وتقولين لي ما كنت اقصد
فطوم: والله ما اعيدها
فقلت لها بعصبية : فطووم كم مرة حلفتي لي انج ما بتعيدينها ..شو اسم الله لعبة ..وبعدين انا كم مرة قايلة لج توعيني شرات ناس وبشر ..او انج لا توعيني هاااا؟؟
فطوم: والله خلاص مرة ثانية بوعيج عدل..وما بصب عليج ماي باارد
هزيت راسي وانا اقول: والله انج يااهل..واحمدي ربج انج يااهل ..ولا جان ذبحتج من زماان
وفجاة حسيت بشيء عند ريولي جان اشوف زيود يبتسم لي..ما قدرت اقاوم ابتسامته ..وابتسمت في ويه وانا اقول: يااااللله فديت عمرك..شو اخبار بطلنا
زيود بحيا: بخير
ضحكت عليه وانا اقوول: يااالله ريال وتستحي
زايد: لااا انا ما اثتحي
حبيته ع خده وانا اقول : انزين خلاص انت ما تستحي
وشليته..ويلست وياهم ..في الصالة لين اذان الظهر...وبعدين قمت صكيت التلفزيون..وقلت لهم يصلون ...وقبل لا ارووح اصلي مريت على حجرة سيف ..دقيت الباب...بس لا حياة لمن تنادي...
دشيت الحجرة ..وكانت ظلاام..وباااردة...رحت فجيت الستاير...وصكيت المكيف..ووقفت فوق راسه ..
دانة: سيفوو...سواااف...قم يلا..اذن الظهر..

سيف: امممم..انزين...انقلعي برا
دانة: ماشيء..اول اشوفك ناش جدامي..وبعدين اظهر
سيف:اوووف...مالت عليج..ظهري..لا اشوتج برووحي
دانة: تصدق في خاطريه تشوتني..الله يخليك شوتني
هههههههه...خخخخ ادري انه الحين بينقهر وبينش
قام سيف..ويلس وهو يطالعني ..بعين مغمضة..والثانية مفتوحة
دانة: بسم الله الرحمن الرحيم..شو فيك ؟؟..جيه تطالعني
سيف: يا حمارة ما قلتلج اني بنش وانتي ظهري
ابتسمت له بلواته وقلت: هيه ..س حبيت اتاكد بنفسي..يا عيال راشد...
سيف: اقول ظهري ظهري لا افرج بالجوتي احينه ..
دانة: ووينه هالجوتي ..
سيف: دااااانووه بلا مصاخة ظهري ...ابا اتسبح والحق ع صلاتي
دانة: خلاص حبووه ..رووح تسبح
سيف: اولا شوو حبووه هااي..ارمسي شرا العرب..وثانيا..ماشيء شغلة اكون انا حبيبج..يلا منااك يلااااا
دانة: ههههههه انزين خلاص
وطلعت من حجرته..وانا مبتسمة ..والحين حجرة علاااوي ...يااالله ..عليهم..خواني كلهم..رقاهم ثجيل..هع اونه خواني..شو ناسيه نفسي..انا احطم الرقم القياسي فيه..
دخلت حجرة علووي ..وشفت الحالة نفسها ...اللي شفته في حجرة سيف..ورحت فجيت الستاير..وصكيت المكيف..ووقفت فوق راسه ..وبديت بالمهمة
دانةك علوووووي...قم اذن الظهر..علووي
علي: اممممم ...
دانة: شووو امممم انت الثااني..قم بيفوتك الصلاااة..يلا رووح الحق ع صلاة الجماعة
علي: انزين انزين...
اوووف منه ...
دانة: علي يالاله يا خي ..قوووم ..اووف انا ابا اعرف ..يوم انكم ما ترومون تقومون من وقت ليش تسهروون يالخياااس
علي: انتي الخايسة مب نحن
دانة: عيل نش وفكني ..
علي: انزين انتي ظهري
دانة: شو يعني اونك انت واخوك بتقصون عليه..اوونه ظهري...ايواا عسب تردون ترقدوون..ويفوتكم الصلاة
بس يوم شفته...شفت الاخ راااااااقد..وسااكن ولا عباله ..
دانة: والله يا علي ان ما نشيت وفزيت الحين تتسبح والله لا اسبحك هنيه
يلست اهزه...وانا معصبة
علي: اووووووووه ...انزين انزين...حشااا ..كسرتيني...
ونش يلس في مكانه
ابتسمت بانتصار وقلت: ايوا يا بابا انا عاوزااك كدا
علي وهو ياخذ فوطته: طلعي برا يا المصرية ..لا ارووغج بالجوتي
حشااا ...بلاهم اليوم هذيلا عليه ..كل ما قلت كلمة قالو جوتي...
دانة: انزين انزين..انت بس لا تصيح
وشردت من الحجرة يوم سمعته يصاارخ
علي: محد بيصيح في هالبيت غيرج ...يالدبة
هههه..رحت حجرتي ..ورحت اتوضا...وبعد خمس ولا 7 دقايق سمعت الاقامة..رحت فرشت سيادتي وصليت ..ودعيت ربي يصلح حال ابوويه ..ويهديه...وما خليت شيء الا ودعيته ...وبعد نص ساعة ..ظهرت من حجرتي ..ورحت المطبخ..شفت اماية ..تعابل الغدى..رحت صوب المخزن ..وخذيت جبس وكاكاو ..ويلست اكال وانا اشوف روز ورتنا يتساسرن
دانة:شعندكن انتي وياها ...لا يكون بس تتامرون ضدنا..والله يصير..خدم هالايام ما نروم نصدقهن
اماية : خليهن يا بنيتي في حالهن ..ليش تبين تسوين مشاكل..
دانة: اماية انتي مسكينة..وما تدرين بخدم هالايام..تراهن لو تياات ..فخليج حذرة..والحمدلله انا بنتج موجودة
ابتسمت اماية وهي تقول: والله انهن فقيرات ..ولا لهن خص فيحد
فقلت وانا اشووف رتنو: اذا قلتي عن روز صح..بس الثانية ..هذي انا ما شفت اخبث عنها ..الله يفكنا من خباثتها
رتنا: انتي شو يقول انا
دانة: ما قلتلج..وانتي شو لج ..خلج في شغلج ابرك لج ..لا انقز عليج واكسرج
....: ول عليج ارحميهن..شو ناوية تسوين بها هريس

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :


__________________________________________________ __________

>>>> الرد الثاني :

الجزء الثاني

الساعة 12:30
يوم الاحد
في قسم البنات

من التعب يلست على الارض وانا معصبة..منهن..اشفيهم ما يحسون فيني ...
ايمااان بعصبية : شووووووووووووو ليش يلستي
طالعتها بنظرة حادة وقلت: شو ليش يلست ....تعبت ....خلاص ما ارووم تعبت
ايمان والشرار يطاير من عيونها...وا خيبتيه...بلاها هذي اليوم ...
ايمان بحدة: شو تعبتي انتي بعد؟؟
قلت بمصخرة : شو لا يكون بس الكلمة بالهندي ...احيد اميه تقولها ..
ايمان: دااانووه قومي كملي اللي كنتي تسووينها
دانه: سيري انزيييييييييين...انا ميتة يووووووع ...ابا طاااقة
ايمان: أي طااقة واي خرابيط...ومنو اللي تعشت الساعة تسع ويا نا ...والساعة عشر ويا نصوور ..وقبل سااعة ..نازلة بعد تدحين ..كل هذا وبعد يووعانه
قلت بضيق: يااا خي و انتي تخلين الواحد يحتفظ باللي يخزنه..انا بنزل باكلي شيء
ايما: مااافي لو شو تسويين ..وكملي التمارين الرياضية
سالتها : بنت عمي ..انتي اليوم فيج شيء..؟؟...ياخي تمارين رياضية في انصاص الليالي ..مينونة انتي؟؟
تحركت ايمان في الصالة بعصبية وقالت: هيه مينونة ..وكملي اللي كنا نسويه ..يلا برد بشغل الشريط وكلنا بنلعب
طالعت عويش وقلت: انتي ايه شو تشووفين مسرحية ..ليش ما تنطقين بكلمة يمكن يعقل هالخبلة ؟؟
يت ايمان وظربتني ع راسي: الخبلة انتي يالدبة
طالعتها بعصبية وقلت: اشفيج ع راسي يالمتوحشة
عويش بصراخ: بس خلاااص ..مصختوها انتي وياها
فقلت بعصبية: والله هااي اختج ..مينونة وناوية تينن اللي وياها ..وشكلها نجحت
وطالعت عويش بنظرة معناها انتي
ايمان: داانو نشي ..ويلا انا بشغله مرة ثانية
لفيت ويهي الصوب الثاني وقلت: ما ابا
يت ايمان صوبي ووقفت جدامي...ناظرتها بنظرة ..اني ما بقووم
يلست عالارض وتنهدت ..وقالت: داانو والله اللي نسويها عشانج
قلت وانا احس بضيقة : وانا ما طلبت هالشيء منكن..
تنرفزت ايمان ..وقامت وهي تقول لعويش: فهمي هااي الخبلة انها تضر عمرها جيه ..
تنهدت عايشة ويت عندي وهي تمسح ع شعري...
عويش: ايمان فديتج ..بس...بعد البنية وياها حق..حد يلعب في نص الليل..
ايمان: وشو فيها ؟؟
عويش: لا تنسين ترا باجر ورانا جامعة ...وانتو محاضرتكن بتبتدي 12..وانا وحدة..وماشالله كل وحدة اخس عن الثانية في الرقااد
تحركت ايمان صوب الكبت ..وخذت فوطتها ...وصكت باب الحمام ((عزكم الله)) بقووة..جنها تطلع حرتها ..ووقفت انا ..وقلت : بنزل المطبخ..بتيين ؟؟
عويش: لااا .
دانة: بنزل بشرب ماي..تبين اييب لج وياي
عويش: لااا ..برووح برقد..عيووني شويه وبتصكر..
دانة: انزين انا نازلة ..
عويش : اووكي
رحت خذيت وقايتي..وغطيت شعري...نزلت تحت ...وانا اتحرطم ع ايمانو
دانة: شوو هااا ؟؟..يعني انا اللي اعرفه الناس يلعبون رياضة من رووحهم مب ينغصبوون.. شراتي
دخلت المطبخ ..وانا معصبة ..يلست احووس في المطبخ..وفجأة اسمع رنة مبايلي..شفت الشاشة ..ولقيتها ((فصفوص يتصل بك))
شليت التلفون وبهجوم مباغت: نعــــــــــــــم؟؟؟؟؟
فيصل: بسم الله الرحمن الرحيم...شوووفيج...؟؟
دانة: ما فيني شيء..نعم ليش داق لي في نص الليل
ضحك فيصل: ههههههه اقوول اول شيء رووحي كليلج شيء...شكلج يووعانة
وانا بعصبية : وبنات عمك يخلوون حد يحتفظ باللي ياكله
ضحك فيصل : هههههههههههه وشو سوولج هالمرة ...احيد المرة اللي طافت خلووج تركضين في حوشهم
وانا بعصبية : ايمانوو النذلة ..ما تخليني ارقد..اوونه قومي بنلعب رياضة عسب نحرق اللي كلينااه
ضحك فيصل بمصخرة : هههههههههههههههههههههههههههههههههههههههههه
عصبت وقلت: خير دكتوور فيصل..قلت نكتة
فيصل: ههههههههههههههههههههههههههههههههههههههه((مب رايم يمسك نفسه))
عصبت زيادة وقلت: مالت عليك ..الشرهه مب عليك عليه انا اللي اشتكيلك
وصكرت في ويهه..سخيف وربي
رد اتصل فيني ..بس سويت له اكبر طااف..ويوم شفته قام يزعجني..صكيته بويهه..فديتني قوويه..يلست ع الكرسة وغطيت ويهي بيديني..اااه يا ربي...تعباانة وربي تعباانة
حسيت بحد في المطبخ..و بشرارة كهربائية تمر في جسمي ...هذا الشعوور ما ييني الا يوم احس بوجوده..وخرت يديني عن ويهي ..ومالقيت حد..شكلي بديت اخرف ..واتوهم من التعب واليووع..خل اشرب مااي وارووح ارقد...وصديت صوب الثلاجة ..وشهقت شهقة خفيفة من الخووف..يوم شفته يصب له عصير من الثلاجة..كان معطني ظهره..وانا من الخووف صدق..رديت يلست على الكرسي...حسبي الله ونعم الوكيل..يعني ما يعرف يتنحنح..عنبو خرعني...
صد صوبي..وطالعني بنظرة ..ورد يشرب عصيره...وهو متساند ع باب الثلاجة مجابلي
قمت من مكاني ..بتخطااه بس صوته وقفني
......: ما دريت انج في بيبتنا
رديت عليه بهدوء: اذا يزعجك بطلع
حط الجلاس ع الطاولة ..ومشا خطوة لجدام..وحد ييده ع خصره وهو يتنهد: وانتي وبعدين ويااج؟؟..اشفيج جيه تكرهيني
فقلت بكل كره:جيه من الله ...ما ارووم اغير هالاحساس صوبك
فقال هو بسخرية : شو خايفة تحبيني
كنت برد عليه..لكن فاجاني سؤاااله..بطلت عيني ع الاخير وانا اقول بكل عصبية : شوووووووووووووو؟؟؟؟؟؟؟؟؟؟خلصوووا رياييل العالم ..عسب احبك ؟؟؟والله مصخرة
طالعني بحدة وقال: حبج لي مصخرة
ضحكت باستهزاء وقلت: ههههههههه والله انه بيكووون نكتة
طالعني من فوق لتحت وقال باستهزاء: اصلا منو يبا حبج؟؟...شكرا ما اريده
حسيت اني انجرحت من نظرته وقلت: وانا مب هبلة ولا غبية احب وااحد مثلك..همه المظهر..انت كنت وبتم انسان في الهامش
وظهرت من المطبخ يوم حسيت ان دمعتي بتطيح..هه منو يتحسب عمره ؟؟.واحد وسيم لا يقااوم..واااع لا يطيح نصه بس...كريييه...الله يعين البنية اللي بتاخذه....وقفت في نص الدري ومسحت الدمعة
دانة : هه منو هو عسب اصيح عشانه..,واحد لا عرف القلب ولا المشااعر..متحجر
ورحت فوق عسب ارقد...
.......................................

الساعة 11وربع
يوم الاحد

يااااااالله....شو هالازعاج...فتحت عيوني ..وانا احس اني مب شبعانه رقاااد....
عويش: يلا يلا ..نشي..ورانا جامعة ..قومي يلاااااااااااااااااااااااااااااااااا
اففففففففففف ....
قلت بصوت كله رقااد: انتي شفيج..لا رقة ولا هم يحزنوون
سمعت ضحكتها وقالت: انتي اذا يبناج بالرقة عيل ما بتنشين ..يلا دندووون ..نشي..

__________________________________________________ __________

>>>> الرد الثالث :

حسيت اني بصيح ..والعبرة خانقتني...حسيت نفسي حقيرة لاني من دوون شيلة ..والاخ ماسكني ويتمنطر فيني..والله ان موقف محرج بس هذا ما يحس
واخير ا هدني ...ونزل الافراج بس قبل لا اشرد عنه قلت بهمس مختنق: والله ما عديلك اياها يالحقير ..اكرهك..وعمري ما كرهت حد كثرك
وشردت دااخل ..وانا خلاص شوي بنهار..رحت الحمام ..لاني عرفت اني ..بنفجر ..وانا ما اريد اذرف ولا دمعة عشانه...عسب جيه قمت اغسل ويهي اكثر من عشر مرات ..وامنع نفسي من الصيااح....اااه يا رب شكثر اكرهه..انا استغرب شقايل عواش وايمان خوااته ..خذيت لي شيله ثانية من الكبت على الاطراف برتقالية...ونزلت تحت ..لكن هالمرة رحت من الباب الخلفي ..ويلست على كراسي المسبح ..وانا امنع نفسي من الصيااح ..والله ما يسوى عليه اللي صاار..انا ما انتبهت واالله..كنت افر الحصا على المسبح ..وحدة ورا الثانية ..والله لو يدروبي خواني ..بيذبحووني ..ههههه فديتهم والله انهم شمووع هالحيااة بالنسبة لي..احبهم واايد ...ما سمعت الا حد يتنحنح وراايه ..عرفته ..لان قلبي دليلي
ابتسمت وانا افر الحصا بقوة بس هو ما يرووم يشوفها لان كان ورايه..
قلت: مرحبااا ملاايين ولايسدن ..شحاالك حمدان
حسيته تجرب واايد ..وقال: ساااحرة انتي ..شقايل عرفتني
فقلت بابتسامة: ربك بعد..عندي الحاسة السادسة
فقال بضحكة: هههههه لا دخيلج عيل رحنا فيها ..
فقلت وانا اتنهد: ليش يعني ؟؟
فقال بهمس : لانج بتذلينا
قلت بسرحان: اذلك في شوو؟؟
حسيت بابتسااماته وهو يقوول: امممممم لالا ما ابا اقوولج ..بخليه سر في نفسي
هنيه ضحكت وقلت: ههههههههه وانت ترووم تيود شيء في قلبك
ابتسم حمدان: شفتي عاااد..الناس تتغير..
هزيت راسي بمعنى هيه ..وقلت لا اراديا: الناس كلهم يتغيروون..الا ابوويه طول عمري اشووفه مثل ما هو ..
فترة صمت ...
حمدان بهدووء: شو فيج دانة؟؟منو مضايقنج؟؟
حسيت ان قلبي وقف..وهذا شدراه ان في حد مضايقني ..
قلت بمرح مصطنع: حمدااانوو شو اللي بيضايقني يعني..انا دندووون الحلوة منو يرووم يسوي فيني شي..اصلا هم برووحهم يخافون مني
يا حمدان ووقف جدامي..وانا كنت ادعي ربي ان ما يشوف ويهي..لاني انا مثل ما يقولون كتاب مفتوح..ينعرف كل شيء من ملامحي..وخاصة يوم اجذب..عسب جيه ما اقدر اجذب ابدا ...نزلت عيوني ..وبعدين انتبهت لحركتي ..اوويه جيه بشك اكثر خليني ابعثر نظراتي في الماي ابرك ..اوووه احس بتوتر ..يا ربي ما يكشفني
ابتسم حمدان وقال: اعصابج وانتي تفكرين ..عنبو كم مرة تغيرت ملامحج ...ونظراتج
طااح قلبي في بطني ..يا انه هو السااحر
قلت بابتسامة مرتبكة : ساااحر انت
ضحك حمدان وقال: ههههههه عسب تعرفين اني فاهمج..وما ترومين تقصين عليه مهما سويتي
سكت شويه وقاال: داانو محد يستااهل انج تحزنين ولا تصيحين عشاانه
طالعته بذهوول من اللي يقووله..هذا شفيه اليووم ..شارب شيء..
قلت بذهوول وانا ارمش للمليون: هااااااا؟؟
ابتسم في ويهي وقاال : همباااااااا
بعدين ضحك في ويهي ..وقال: ليش ما داومتي..مب اليوم عليج كلااس
فقلت بحزن : هييييه بس محد هنيه عسب يوديني..ما تشوفني لا بسة عباتي ..مرت عمي راحت ويا الدريويل ..وخواني محد..وانا بنات عمي يالسات بلبسنا

ناظر حمدان ساعته وقال : كم باجي ع كلاسج ..
قلتله: بتبتدي الساعة 12
ناظرني حمدان بابتسامة وقال: باجي خمس دقايق...تعالي انا بوصلج
ابتسمت له وقلت: هيه عسب سيفاني يلعن خيري ..ويشطب اسمي من العايلة
فقال حمدان : ما عليج منه انا الحين بتصل له جدامج ...وبستاذنه لج
قمت من مكاني وانا ابتسم بشطاانة : خخخخخخ انزين حطه سبيكر انزين
ضحك حمداان وقال : والله انج شيطاانة
فقلت بضحكة: خخخخ طالعة ع بعض النااس لو ما تدري
حمدان: يالسبالة انا ما كنت شراتج ..اخبل بالنااس
قلت ببراءة : الحين انا كنت اخبل بالناس
ابتسم حمدان ..ابتسامة لها معنى ..بس لغبائي ما فهمته وقلت بمصخرة: لاتسويلي دعاية سجنيل توو..درينا ان سنونك بيض..
دق حمدان على الارسال وقال: ادريبج تغارين مني
طلعت له لساني بطريقة طفولية وقلت: ماشيء شغلة
اشر حمدان عسب اسكت ..لان شكله سيف رد عليه
حمدان: السلام عليكم ورحمة الله
حمدان: بخير يعلك الخير ...لا والله خذيت اجازة اليوم...وتدري وعدت الوالدة ..اني اييبها صوبكم ..
ويلست اسوي حركات لحمدان ان يحط سبيكر..بس حظرته كان مسويلي طااف ..وانا ما عيبني السالفة ..فرحت صوب الالعاب..ومليت يدي رمل وييت عنده..وطالعته بتهديد..بس هو طالعني بتهديد..وخوفني بصراحة ..اصلا انا ما اتجرا ..خخخ ..ورحت رديتالرمل ..مكانه..وغسلت يدي ورديت ..له ..
وقلت: هاااا شووو صااار؟؟
فقال وهو يطالعني بنظرة : اول شيء شو كنتي بتسوين
ابتسمت باحراج وقلت : بخوفك ..بس طلعت ما تنفع ...اذا كان فيصل ولا علي.ولا سيف..بيخافون مني
حمدان: شيطانة ما تنلامين
قلت وانا امشي وراه: محد غيرك ..انزين واافق؟؟
فقال حمدان : هيه
ابتسمت ...محد يرفض شيء لحمدان..حتى سوااف اللي راسه يابس..من يسمع ان السالفة فيها حمدان الريال يلين..اووف يا حمداان انت شو سويت سحرت الكل
وقفت فجاة وقلت: حمدان عادي اييب بنات عمي وياي..تراهم في الورطة وياي
حمدان وهو يشغل سيارته: نادي اللي تبينهم ..ما فينا يكونون ((يقلدني)) في الورطة وياج
فقلت بابتسامة ممتنة : مشكوور والله
فقال حمدان. : والله لا اروح عنج لو سمعت هالكلمة منج ..يلا يلا منااك
فقلت بمزح: ما يركب لك صدقني...
حمدان: هههه قلت اقلدج
اتصلت في ايمان
وردت عليه بسرعة..بس انتبهت ان عندها حشرة : امووون انتي وينج
حسيت بارتباكها وهي تقول: في الجامعة
تفاجات وقلت: منو وداكن وليش ما زجرتوني وياكن
ايما باحراج:نايف ودانا ..ويوم بغينا ناديج ويانا..قال انج ما تبين ترووحين
فقلت بابسامة : هيه صاااح..اذا دريت ان نايف جان ماييتج..يلا عيل انا يايه صوبكم ..
فقالت ايمان: منو بييبج
دانة: حمدان ولد خالو
ايمان : اووكي عيل نشوفج ع خير
دانة : مع السلامة
وصكرت التلفون ..وركبت السيارة ..وهذا اول مرة بصراحة اركبه..طبعا ركبت ورا
حمدان: هااا نمرهم
دانة: لا خلااص ..هن نايف وصلهن
حمدان : اها
بعدين قلت بدافع الفضوول: ليش نايف هنيه في بيتنا ع بالي في الدواام
حمدان باختصار: ياي يسلم ع امج..وشغل بيني وبينه ..ودام اني كنت ياي هنيه اساسا ..فقال ان بيسلم ع امج بعد واعطيله الاوراق
دانة: اها
حمدان: ترا الامانة اللي وصيتيني بها وصلتها لحجرتج
انصدمت وقلت : حجرتي
حمدان : هههههه خليت البشكارة تحطها لج يوم دريت انج محد..وانج في بيت عمج
ابتسمت له وقلت: هههههههههه اوويه اكيد سوااف عصب..هههه
ابتسم حمدااان..وما قال شيء
حمدان: داانو تبين تشوفين مهاراتي في السوااقة
عرفت ان بيسرع ..وانا امووت من الخووف يوم حد يسرع
دانة بخوف: حمدان الله يخليك لا
ضحك حمدان ضحكة شريرة:نيا ها ها ها ها...انتي شوفي وبعدين خافي..ما تبين توصلين بسرعة
قلت انا بسرعة: ما ابا
لكن هو قاام يسرع...وانا قلبي يدق بسرعة ..وثواني وتلفونه يرنه ..بس طااح على الارض ..ونزل ياخذه ..وفجاة

حمدااااااااااااااااااااااااااااااااااااااااااااااا ن ؟!!!!!!!!!!!!!!!!!!!!!!!!!!!!!
××النـــــــــــــــــــــــهـــــــــــــــــــــ ــــــــــــــــآآيـــــــــــــــــــــــــــــــ ـــــــــــة××

__________________________________________________ __________

>>>> الرد الرابع :

بس هذي هي القصه
كانها مانتهت

على العموم الله يعطيك العافيه على النقل

__________________________________________________ __________

>>>> الرد الخامس :

لآ توجد تكمــلة
تحذف ~