عنوان الموضوع : تصلب وألم في الصدر من مطبخ الامارات
مقدم من طرف منتديات الضمير العربي
السلام عليكم ورحمة الله
خواتي .. من فترة يمكن 5 شهور
ياني ألم غريب عمره ما مر علي قبل
كنت لما أسوي شي وايدي تصدم صدري جي اييني ألم لثواني بسيطة ويختفي
لكنه يتكرر , استغربت بس قلت يمكن في شي دزني ويتني هالآلام
بعدها تحولت لألم في الثدي اليسار ولمدة يومين او 3 كانت الآلام شديد لدرجة اني ما كنت أقدر أنام ع الجهة اليسار
بعدها خفت الآلام بشكل تدري واختفت
وبعدها رجعت على شكل ألم في القلب وضيق تنفس وزيادة نبضات ف القلب وحرقان
هنيه خفت ورحت سويت تخطيط وتحليل دم
التخطيط للقلب طلع سليم الحمدلله
ونتيجة التحليل بصراحة ما خذتها .. بس قلت لو كان في شي كانوا اتصلوا فيني
الدكتورة قالت يمكن شد عضلي وعطتني مرهم ومسكن
استخدمتهم وخف الألم لفترة فعلاً يمكن 3 أسابيع أو شهر
بعدها الألم رجع مع أول يوم دورة من شهر 2 , واستمر يخف ويرد طول الشهر
بعدها اختفي تماماً من أول 3 أيام من الدورة بشهر 3 , اليوم الرابع الألم رجع واستمر لليوم ..
ولما فحصت الثدي وتحسسته حسيت ان في تصلب أو تكتل وهو مركز الألم لما أضغط عليه
مع ألم تحت الباط واليد , وخايفة وايد يكون فيني شي مب زين
حبيت أسأل لو في حد صارت معاه هالحالة أو شي مشابهه لها ..
لأني أوسوس بشكل مستمر والألم مغير نفسيتي 360 درجة أحس اني فاقدة متعة الحياة ومالي نفس
وكله من هالألم ..
خايفة من اني أروح أفحص ويقولون لي شي مش اوكي https://4arab.xplainer.net/images/smilies/frown.png
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ان شاء الله ما فيج الا العافيه
بس ضروري تسيرين تفحصين
و قل لن يصيبنا الا ما كتب الله لنا
__________________________________________________ __________
>>>> الرد الثاني :
https://4arab.xplainer.net/images/wo...quote_icon.png المشاركة الأصلية كتبت بواسطة وردة الجاردينيا https://4arab.xplainer.net/images/wo...wpost-left.png
ان شاء الله ما فيج الا العافيه
بس ضروري تسيرين تفحصين
و قل لن يصيبنا الا ما كتب الله لنا
ان شاء الله يارب
هيه قررت أروح الأسبوع الياي عندي فرصة
ونعم بالله https://4arab.xplainer.net/images/smilies/frown.png
__________________________________________________ __________
>>>> الرد الثالث :
الوسوسة تييبب المرض ,,, لا تكوني سلبيةة .. وبما ان حاسة ان في شي غلط روحي واتاكدي واذاا قالولج مافيج ششي طنشي مب تتميين تفكرين
__________________________________________________ __________
>>>> الرد الرابع :
الوساس اييب المرض لا تخافين واان شاء الله ما بكون فيج شي وطمنيني
__________________________________________________ __________
>>>> الرد الخامس :
باذن الله ما فيج شيء و روحي و افحصي بصراحة ما عندي فكرة
