ما هي أفضل طريقه للتعامل مع الخادمه ؟ اشغال يدوية

عنوان الموضوع : ما هي أفضل طريقه للتعامل مع الخادمه ؟ اشغال يدوية
مقدم من طرف منتديات الضمير العربي

السلام عليكم ورحمة الله وبركاته

خواتي حبيت أجمع منكم بعض الخبرات بالتعامل مع الخدم ..

https://www.uaewomen.net/attachment....1&d=1156269393

أحيانا المرأه تحتار في تعاملها مع الخدامه في منهم اللي يقول نكون طيبين معاهم ولا نعاقبها ونطوف لها ما يحدث منها من خطأ ونقوم فقط بارشادها... وكل شي يكون تمام

والبعض يقول نكون صارمين معاهم وما نتهاون واذا غلطت لازم نردعها .. لأنها اذا سامحتيها مره بتكررها ثانيه وثالثه

^^^^^^^^
https://www.uaewomen.net/attachment....1&d=1156269511
1- ما هي جنسية خادمتك ؟
2- أحب أسأل الكل هنا كيف هي طريقتك بالتعامل مع الخادمه ؟

3- ولماذاا تتعاملين معها بهذه الطريقه؟

4- هل يكون هناك تعامل مباشر مع رب الأسره والخادمه ؟ كأن يأمرها بالقيام ببعض الامور ؟ أو نحو ذلك ؟؟

5- وما هي الأسباب التي تؤدي إلى هرب الخادمه من المنزل برأيك؟

6- ما هي نصيحتك للجميع في تعاملهم مع الخدم ؟

^^^^^^^^^^^

واذا في أي ملاحظات أو مواقف تستطيعين ذكرها أرجو أن لا تبخلي بها علينا ..


وجزاكم الله خيرا

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

1- ما هي جنسية خادمتك ؟

أنا خدامتي سيلانيه

2- أحب أسأل الكل هنا كيف هي طريقتك بالتعامل مع الخادمه ؟

بصراحه أنا أعاملها بالزين وبدون صراخ واذا أباها تسويلي شئ أكلمها بهدوء واذا شفتها مره غلطت أعاتبها بس بدون ما أصرخ عليها أو أهزبها والحمد لله الخدامه ما كملت سنه وطلبت مني أجدد لها بعد ما تخلص اقامتها، ودايما تمدحني عند الناس هم الي يوصلون لي الرمسه، عندي عيال أخاف اذا ضريتها اتضرهم 4- هل يكون هناك تعامل مباشر مع رب الأسره والخادمه ؟ كأن يأمرها بالقيام ببعض الامور ؟ أو نحو ذلك ؟؟

وأنا زوجي مول ما يكلمها واذا كانت فالمطبخ ما يدخل الحمد لله مفتكه


5- وما هي الأسباب التي تؤدي إلى هرب الخادمه من المنزل برأيك؟

أعتقد سوء المعامله والضرب أهم الأسباب وممكن اذا عشقت لها واحد تشرد معاه


6- ما هي نصيحتك للجميع في تعاملهم مع الخدم ؟

عليكم بالكلمه الطيبه خافوا الله فيهم اتذكروا ان الحاجه الي يابتهم يشتغلون خدم ويمكن يدور الزمان ونستوي أخس منهم ونسير نشتغل عندهم

__________________________________________________ __________

>>>> الرد الثاني :

ظبية الامارات مشكوره غناتي على مشاركتج لي اخيرا حصلت حد يبدي رايه ويزاج الله خير والحمدلله انها زينه معاكم ومشاء الله عليج .

صح كلامج مهما كانت الخادمه هي انسانه ولازم نراعي هالشي وهي يايه تشتغل بوظيفه تترزق فيها والمفروض ما نستعبدها زمن العبوديه ولى والحمدلله..

بارك الله فيج الغاليه

اتمنى اشوف وجهات نظر باقي العضوات ومشاركات منهم

ولكن جزيل الشكل

__________________________________________________ __________

>>>> الرد الثالث :

1- ما هي جنسية خادمتك
انا خدامتي فلبينية مسلمة بس ولا مرة شفتها اتصلي استغفر الله2-
أحب أسأل الكل هنا كيف هي طريقتك بالتعامل مع الخادمه ؟
بصراحة وبكل امانه ان ماكلمها الا في حدودالشغل وبس والسلام عليكم وعليكم السلام لنها ماتنعطى ويه اذا ابتسمت وياها تتماداى في الكلام والسؤال لكني اعاملها بكل هدوء بالعكس هي وايد تنسى وساعات اعصب عليها لكني اتحرطم بروحي لني ساعات احط بنتي عندها (انا ماشتغل) وانا اللي اطبخ وانا وايد متحملتنها تسولف ويا عيالي لنهم صغار يمكن ويوم اكون موجودة ماتتكلم معاهم والحين بتخلص مدتها وباي وباي لني ماحب الصغار دلوعات وعيونهن مطيرة عليج
- هل يكون هناك تعامل مباشر مع رب الأسره والخادمه ؟ كأن يأمرها بالقيام ببعض الامور ؟ أو نحو ذلك ؟؟
لأولله الحمد مايتعامل عاها بأي شي الا عن طريقي انا وبس وهاي افضل طريقة اصلا حتى لوويبا شي وشفتيه قام وكلمها كلمي ريلج انه مايكلمها واذا يبا شي عن طريقج انتي وبس احسن لج عشان ماينفتحلج باب انتي في غنى عنه -
والاسباب اليي تؤدي لهروب الخادمة
المعاملة السيئة مع كرة الشغل لساعات متأخرة من الليل وعدم منحهم الهدايا يعني من غير الراتب لازم تعطينه لبس ادوات تنظيف شخصية وبعد اذا اشتريتو شب من الدكان عطوها منه لنه يمكن يكون خاطرهامنه
وانصح الناس باللين والرفق بالخدم لنهم بشر مثلنا مع عدم الشدة يعني الاعتدال
وسلامتكم

__________________________________________________ __________

>>>> الرد الرابع :

مشكوره عزيزتي ام الثلاثه والله يخليهم لج https://4arab.xplainer.net/images/smilies/smile.png

وشكرا على النصيحه ومشاركتنا لطريقتج في التعامل مع الخادمه والله يوفقج حبيبتي لما يحب ويرضى..

وبالنسبه للصلاه الغاليه ممكن تجيبين لها كتيبات دعويه تذكرها او يمكن هي مسلمه بس ما تعرف للصلاه وغيره يعني تحتاج لارشاد ونصح حاولي تاخذين لها اشرطه دعويه ودينيه بلغتها يمكن تفرح فيها والله يهديها https://4arab.xplainer.net/images/smilies/smile.png

عموما احس انهم في غربه ويبون يتكلمون مع اي شخص ويتشاركون معاه علشان جذي تندفع بالكلام

عندي سؤال .. تخلون الخدامه تستخدم الهاتف ؟؟ اذا نعم متى ؟ وما هي الفتره المحدده والاسباب ومشكوراتِ

__________________________________________________ __________

>>>> الرد الخامس :

أنا خادمتي سيريلانكية بس والله ماشي أحسن منها طيبة وحبوبة وشالة شغل البيت على راسها وفوق هذا لما تكون فاضية تساعدني في شل بنتي عني اذا كنت مشغولة أو أصلي واذا بنتي مرضت أو خذتها المستشفى عسب التطعيم تفتح لي الخدامة مناحة في البيت وهذا اللي يضحكني فيها يحليلها..
وبالنسبة لزوجي تعامله معاها سطحي جداً ما يتجاوز(( هاتي الأغراض وشيلي الأغراض )) وطبعاً بوجودي أنا ...
وأنا أتعامل معاها كصديقة وأحترمها عشان عمرها ..ترا مهما كان مش لازم أشوف نفسي عليها لأنها تشتغل عندي واذا غلطت أعاتبها عسب ما تعيد الغلط مرة ثانية.. وبالنسبة لها حابة بنتي وحابة البيت ومرتاحة فيه وتشتغل بضمير وهذا أهم شي بانسبة حقي.. ومن ناحية المعاملة احنا مب مقصرين معاها بشي ونشاركها حتى اللقمة اذا رحنا مطعم أو مول وما نتركها في البيت بالعكس ناخذها معانا ونخليها ترفه عن نفسها شوي وأنصح الكل بحسن معاملة الخدم ..وقدوتنا بهذا رسولنا الكريم عليه أتم الصلاة والتسليم اللي ما شافوا منه خدمه الا كل خير وحتى كلمة(( أف)) كان يتجنب يقولها أمامهم مراعاة لمشاعرهم... فما بالكم باللي نسمع عنه ونشوفه ألحين من ضرب للخدم واهانة وتحقير لهم..
اختــــــــــــــــــي مشكورة على الموضوع المفيد ..