التوحد خلونا ندردش و نستفيد ......( بنتي ) فيها توحد و لا لا ؟ تعليم انجليزي

عنوان الموضوع : التوحد خلونا ندردش و نستفيد ......( بنتي ) فيها توحد و لا لا ؟ تعليم انجليزي
مقدم من طرف منتديات الضمير العربي

السلام عليكم و رحمة الله و بركاته

خلونا نستفيد من تجارب بعض اللي عندها بنت أو ولد ولا حد من الاهل أو الاصدقاء عنده حالة توحد يخبرنا عن هالشي

متى اكتشفتي هالحاله ؟ شو الاعراض اللي فيه ؟

منو اللي شخصه و كيف بدات رحلة العلاج ؟

استفاد الياهل شي و شو الطرق المناسبه ؟

بخبركم عن بنتي فديتها بنتي تموت في شي اسمه طيور الجنه من تشوفهم خلاص انسيها
في عالم ثاني كل و قتها عليه بعد ما كملت سنه و شي قمت اناديها ما تصد صوبي و لا تعبرني
قلت يمكن ما تسمع بس يوم اشغل طيور الجنه و هي في اخر الدنيا ترد و تناقز و مبسوطه
وديتها المستشفى و مستشفى معروف قالولي عادي يوم تكون مندمجه طبيعي ما ترد
المهم ما صدقتهم و ديتها عند دكتور ( خالد الجمل ) دكتور و النعم خبرته عن حالتها
قالي يمكن ماي وراء الطبله خلينا نجيك يوم كشف عليها قال عندها ماى وراء الطبله و التهاب
و الطبله مظلمه و قالي طبيعي انها ما تسمعكم و تستجيب للتلفزيون ترددات التلفزيون غير عن الناس أقوى
المهم انا استانست انا الموضوع طلع جي و ديتها المستشفى المعروف مالت عليهم قالوا التهاب و شخصوها
مال خمس دقايق المهم ريلي احتشر و جي و عطونا موعد باليوم الثاني عند دكتور الاذن و الانف و الحنجره
سوالها تخطيط و جي قال البنت تسمع بس صح عندها ماي وراء الطبله عطانا دواء لمدة شهر و نص ة قال عقب ردوها
خلص الشهر و النص ردينها قال البنت الحين بخير الحمد لله ما شي ماي و لا غيره ردينا البيت و أنا شاكه في كلامه
احس لبنت عادي تيتي تيتي بعد اسبوعين و ديتها عند ( الجمل ) قالي لا بعده الماي موجود ولازم عمليه عاد هنيه صدمه ما ادري قهر المهم حولنا عمستشفى خاص في العين بنفس اللحظه سوالها اشعه و كل شي قال الماي موجود و ما يحتاي جهاز دقيق عشان اشوفه و طلع عندها لحميه وراء الاذن بعد و الحمد لله بفضل من الله شفطولها الماي و قصوا اللحميه و اقتكت مسكينه لان اخر شي قامت تمط اذنها من الالم

المهم قبل هذا كله انا كنت مانعه عنها التلفزيون و احس البنت الحمد لله تغيرت يعني من تشوفيني لابسه عباه تعرف انها طلعه معناتها طلعيني ابا اسير و ياكم و تحب ابوها يعني لو يزقرها حتى لو ما تشوفه ترد لكن انا احيانا هيه و احيانا لا
كله اللي تباه باالاشاره مثلا يوم تباني العبها في المريحانه تشدني من ايدي ولا الكندوره و توديني عند المريحانه
يوم تباني ابطل حقها عصي تيبه و جي و مرات تحاول
تعرف تمسك القلم و تشخبط و يوم اعطيها عنب تاكله بس مب اجتماعيه مثلا يوم يكونون العيال متيمعين هي تلعب وسطهم بس بروحها ما تكرهم و لا تحبهم عادي عندها
حتى ويا اختها بس الحين احس فيه تحسن مثلا يوم يكون عند اختها الايباد تيلس تلحقها تباه
ما تخاف من الناس الغرب مثلا يوم ح ايي بيتنا عادي اطالعه و تروح ههههههههههه
تعرف عمي اللي هو يدها لانه يطفربها من حبه لها يوم تشوفه تحاول تشرد عنه تسير تنخش في مكان فديتها

ترفرف بايدها ما تقول غير بابا و ماما و كلام مش مفهوم تتحرطم بروحها

شكيت انه عندها توحد طبعا في العين كلهم قالوا مب توحد حتى دكتور واحد استبعد موليه
اللي هو مال الاعصاب قال يمكن الماي اثر عليها على السمع و التركيز لان ما تركز وايد
حتى على اللعب و يا اليهال قال تخيلي صوره بدون صوت شكلهم مزعج كيف بتلعب وياهم

المهم خذتلها موعد في مركز دبي للتوحد و قالولي توحد ها تشخيص مبداي و بعدها عندها موعد
بس قالت اكيد توحد

والله ما اعرف الحين اصدق منو ولا منو .....
انا قلت يمكن من التلفزيون قالت مستحيل و لا يخص التلفزيون لا من قريب ولا من بعيد
لانه من قطعته عنها تغيرت 180 درجه

اعالجها عند دكتورة نطق و خبرتها عنها الصراحه قالت انتي متاكده فيها توحد

راسي بينفجر اذا ما فيها توحد ليش ترفرف واللعب و يا اليهال ضعيف و تاخر نطق كل شي بالاشارات و احيانا يوم اجبرها على شي تعض ايدها

الحين حطيتها في حضانة كيدز اراس عسب تندمج اكثر مع العيال و إن شاء الله تتغير

هاي قصتنا و اللي عنده حاله مشابهه شو قالوله ؟؟؟؟؟؟
مليت من التفكير و الحمد لله راضيه بكل شي سواء طبيعي و لا توحد ربي لك الحمد و الشكر يسد عندي بنت مثل القمر

اترياكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

نسيت اقولكم هالكلام من يوم كان عمرها سنه و 8 شهور و الحين بتكمل سنتين الله يحفظها

__________________________________________________ __________

>>>> الرد الثاني :

زين ذكرتي قصة العمر
قريبي ولده بعمر بنتي والكل لاااااحظ انه مايختلط ولايندمج ولايتكلم بالاخير طلع توحد
بس بنتج صغيرة ماعتقد الي فيها توحد ابدا
وسالفه الماي ورا الطبله قالو عن بنتي نفففس الشي تصدقين طنشت ولاعطيت الموضوع اكبر من حجمه مووووليه

__________________________________________________ __________

>>>> الرد الثالث :

مشكوره حبيبتي على الرد و الاهتمام

__________________________________________________ __________

>>>> الرد الرابع :

مشكوووره ع الموضوع حبيبتي
وتشخيص التوحد بكون بعمر ال 3 سنوات ومن قبل طاقم طبي مو دكتور واحد
ان شالله بنتك مافيها الا كل الخير
انا متلك على طول موسوسه ما خليت كتاب ولا موقع ولا دكتور الا سألت وقريت فيه عن التوحد
لانه راسي كان رح بتفجر من التفكير بابني ربي يحفظه
بس الحمد لله كل ما يكبر ها الوساوس بتروح
انا معكم بالموضوع بننتظر باقي اراء البنات
رجااااء بنات الي عندها اي تجربه تخبرنا بادق التفاصيل

__________________________________________________ __________

>>>> الرد الخامس :

هلا اختي ( الايمان ) انتي شو الاعراض اللي خلتج تشكين انه ولدج عنده توحد الله يحفظه
و كم عمر ولدج الحين
و انتي شو حاسه انه الولد طبيعي ولا في مشكله
ترا من اصعب التشخيصات تشخيص التوحد لان الطفل الطبيعي يسوي نفس حركات طفل التوحد