بنات العين شو رايكم بمركز كايا للبشرة

عنوان الموضوع : بنات العين شو رايكم بمركز كايا للبشرة
مقدم من طرف منتديات الضمير العربي

بنات دار الزين فديتهم خبرنا اوكل اللي جربوا مركز كايا في العين خاصتا د.منى عدلي شو رايكم بالخدمة والعلاج والاسعار .. واذا حد جرب نفخ خدود او فولير تعطينا رايها وكم مر عليها من استخدمتة وشو النتائج اللي حصلت عليها ..
انا جربت كذا عيادة الصراحة وما استفدت منها مع اني دافعة لهم مبالغ كبيرة وايد والله يتكفل فيهم على نصبهم على الناس عشان جية تعلمت ما ادخل مكان الا وانا متطمنة من كل النواحي
يعني اللي كانت تعاني من حبوب شباب واللي كانت بشرتها مش موحدة شو البرنامج اللي سوه لكم وبكم واللي عملت فولير شو النتيجة ..
انتظر الرد من كل البنات هب بناتنا وبس .. وهمتكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

هلا الغاليه

انا سرت استشارة الفرع اللي عنا في بوظبي .. وشافتني الدكتوره
وقالت اني احتاج علاج ميزوثرابي للوجه .. وهو عباره عن ابر للوجه
عشان علاج آثار حب الشباب .. لأن فيه بس بشكل خفيف مب عميق وايد
وبحتاج 4 جلسات ( كل اسبوع جلسه ) .. وبيكلف تقريبا 2000 وشوي

وبس ماقالتلي عن شي ثاني

..
.

__________________________________________________ __________

>>>> الرد الثاني :

نصيحه لاتسيرين انا سرتلهم عسب اسوي ماسك وقالولي انه وااايد حلو لانه ماسك بخمائر اللبن ويوم خليت الدكتوره تشوف بشرتي عشان تقرر اذا يصلح لها او مايصلح والله انهم تجاره وبس شافت بشرتي وطبعا الي سوتلي الجلسه وحده شاميه مااكذب عليج مادري شو حطت في ويهي بس يوم رديت البيت شفت عروق في ويهي من الداخل والله اني تميت ادعي الله عشان يخف وبعدين تذكرت ليش الي سوتلي الماسك وقفت بعيده عني وتطالعني وهي مستغربه وتكلفة هالجلسه ب 450 درهم علفاظي

__________________________________________________ __________

>>>> الرد الثالث :

ونصيحتي لجـ بعد لآ تسيرينـ عندهمـ ..

عآلجتـ عندهمـ بشرتي .. فتحـ آلملفـ بسـ بـ 200 درهمـ

ويومـ جآفتني آلدكتوره قآلتـ عندي تصبغآتـ فالبشره وآثار حبـ آلشبآبـ بسـ بشكلـ خفيفـ

فوصفتـ لي العلآجـ .. وهو

تقشير يسمونه آليالو بيلينغ 6 جلسآتـ ( لنضارة آلبشره وإعادة آلحيويه فيهآ )

وتقشير بآلكرستآلـ 4 جلسآتـ مجآنيه لأني كنتـ مآخذتنهنـ ع عرضـ آلصيفـ .. ( لآثآر حبـ آلشبآبـ و آلنمشـ )

وآلحقـ ينقآلـ آليالو بيلينغـ إستفاديتـ منه .. لكنـ آلتقشير بآلكرستآلـ مآ ينفعـ أبد تقولي يسونـ لجـ فيشلـ

معـ إنه إللي أسمعه يقولونـ آلتقشير بآلكرستآلـ يغير آلبشره منـ أولـ جلسه .. وأنا مآ حسيتـ بهذا آلشئ أبد

وللحينـ بقآلي جلستينـ ومآلي خلقـ أسير أسويهنـ ..

وآلعلاجـ كله كلفني تقريباً 5000 وشئ

وتوبه أعآلجـ آلمره آليايه عندهمـ .. قهرررررررر والله

يدفعونآ فلوسـ ع آلفآضي بسـ ..

ودمتي بود آلغآليه ..~!

__________________________________________________ __________

>>>> الرد الرابع :

الغاليات عن جد الشكر قليل على كل اللي ردن علي وعساة يكون في ميزان حسناتكن يارتي ...
انزين شو اسوي انا عروس وفيني حبوب وآثار كنت معالجتنهن يمكن ب10000 الاف درهم خلال جلسات عند د.سودد اذ تعرفونها في عيادة عزة وقالت ابدا مابيطلعلج وما مرت سنة الا ولع ويهي ..حسبي الله عليهم
دلوني وين اسير عن جد ضايجة والصالونات ما اامن فيهم

__________________________________________________ __________

>>>> الرد الخامس :

https://4arab.xplainer.net/images/wo...quote_icon.png المشاركة الأصلية كتبت بواسطة حلى ثاني https://4arab.xplainer.net/images/wo...wpost-left.png
نصيحه لاتسيرين انا سرتلهم عسب اسوي ماسك وقالولي انه وااايد حلو لانه ماسك بخمائر اللبن ويوم خليت الدكتوره تشوف بشرتي عشان تقرر اذا يصلح لها او مايصلح والله انهم تجاره وبس شافت بشرتي وطبعا الي سوتلي الجلسه وحده شاميه مااكذب عليج مادري شو حطت في ويهي بس يوم رديت البيت شفت عروق في ويهي من الداخل والله اني تميت ادعي الله عشان يخف وبعدين تذكرت ليش الي سوتلي الماسك وقفت بعيده عني وتطالعني وهي مستغربه وتكلفة هالجلسه ب 450 درهم علفاظي



اطيب التحيات من عيادة كايا للبشرة، شكرا لك لمشاركة تجربتك مع احدى خدماتنا، نحن نتفهم رايك وتجربتك معنا، هل بامكانك ارسال تفاصيل اكثر والكتابة لنا على الرابط ادناه
https://lp.kayaskinclinic.me/orms/
وسوف نسعد لتحسين خبرتك معنا