ولبس وكشخة الخدامات ....للنقاش لمشاكل المنزل
عنوان الموضوع : ولبس وكشخة الخدامات ....للنقاش لمشاكل المنزل
مقدم من طرف منتديات الضمير العربي
السلام عليكم خواتي
كنت ابا اخذ رايكم في موضوع اليونيفورم الراقي للخدامات
ﻻن ربيعتي ماتحب تشتري لبس غالي ( في نظرها طبعا) يتجاوز 30 درهم على اساس ان العاملات مايحترمن اللبس ويغسلونه يوميا بكمية كبيرة من الصايون فينهري ويروح لونه لهالسبب كل شهرين تشتري طقمين او ثلاث بهالسعر مب اكثر
انا اخالفها الراي احب اشتري شي لو سعره مرتفع لكن في النهاية بيعيش مدة اطول ومرتب عقب ماينكوي ومايروح لونه في الغسيل بصراحة ساعات اشتري بسبعين وبثمانين واحيانا خمسين حسب الكوالتي احبهن كاشخات خصوصا لوراحن الجمعية مثلا
لكن طلعة السناتر اخليهن براحتهن
وشو الراي عندكم منو الصح منو الغلط وكم تدفعون لليونيفورم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
قوم عمي الله يرحمه تخيلي يلبـــسون البشاكير مخوره من النوع الغالي شرات لبس بناتهم
مابقول هالشي غلط بالعكس فخــر لنا انه نحن نلبس بشاكيرنا احسن واغلا الثياب لانه نحن محاسبين عليهم
خادمتي تلبس عباده شو تقولين انتي هههههههههههههه
وساعات تتنقب وهي اثيوبيه مش مسلمه ولكن تعودت من نفسها
ربيعتج تقول مايحاسبون ويغسلون الثياب كل يوم ..
هاذا شي طبيعي لانهن يشتغلن فالبيت اكيد الملابس لازم تتبدل مرتين ثلاث مرات فاليوم لانه جونا حار والشغل والعرق
والرسول عليه الصلاة والسلام كان اكبر مثال على المعامله الحسنه للخدم
ويقول رسول الله (..إخوانكم خولكم جعلهم الله تحت أيديكم ، فمن كان أخوه تحت يده فليطعمه مما يأكل ، وليلبسه مما يلبس ، ولا تكلفوهم ما يغلبهم ، فإن كلفتموهم فأعينوهم )(البخاري) .
وااذا شي ناس يحبون يلبسون الخادمه ينفورم لازم يلبسونهن احسن نوعيه وهاذا الشي يدل على كرم وحسن اخلاق اهل بيت
__________________________________________________ __________
>>>> الرد الثالث :
مآ أتصور إن ينيفورم آلخدم من وجه نظر آلبشكآرة يعتبر لبس رآقي وكشخة
بجد والله شو آلكشخة فيه ؟؟
إحنآ لمآ كآنت عندنآ آلشغآلة كآنت تلبس نفس لبسنآ في آلبيت
كآنت صغيرة و أمي كآنت تتعآمل معآهآ كأنهآ وحدة من بنآتهآ
وأمي مآ تحب تروح آلسوق تعتمد على حريم يجيبون بضآعتهم و يعرضونهآ عليهآ بآلبيت
ولمآ تشتري لنآ ملآبس للبيت بنفس آلوقت كآنت تشتري للبشكآرة نفس ملآبسنآ بآلضبط
و تخلي آلبشكآرة تختآر لنفسهآ لبس حق آلمنآسبآت و الطلعآت وتآخذ لهآ تنانير وبلايز وجلآبيآت و أمي تدفع لهآ
آلبشكآرة تراها إنسآنة لها مشآعر و أحآسيس مب حلوة تشوفكم كل يوم تكشخون بآللبس جدآمهآ
وكل يوم تلبسون ملآبس غير عن آليوم إللي قبله وهي عآيشة على آليوينفورمآت
حطي نفسج مكآنهآ وتخيلي تنقلب أحوآلج لا قدر الله بعيد آلشر عنج
ولكن للحظآت قليلة بس تخيلي هآلشي صآر
و تجبرج ظروفج إن تهجرين بلآدج وأهلج و عيآلج وتروحين تشتغلين بشكآرة ببلآد غريبة عنج
يآ ترى كيف تحبين يلبسونج ويعآملونج آلنآس إللي بتشتغلين عندهم
هل تحبين يلبوسنج يونيفورم رخيص أو يلبسونج يوينفورم غآلي أو تحبين يلبسونج لبس عآدي مثل لبسهم
عآملي آلنآس مثل مآإنتي تحبين آلنآس يعآملونج
https://4arab.xplainer.net/images/smilies/bb/27.png
__________________________________________________ __________
>>>> الرد الرابع :
شوفي حبيبتي راي ربيعتج هو الصح تدرين ليش لان لو تشترين لها ب80 ولا ب20 شوه تفرق عندها تلبس اليدي بالبيت والجديم لما تطلع مكان غير الصابون يعني والله اني مشترية لخدامتي ملابس للطلعة وهي تعرف ان الملابس الي تلبسهم بالبيت غير وبرع غير لكن تتعمد تلبس اليدي بالبيت اخر شي خبرتها الملابس هاي تلبسينهم بالعيد الياي انا ماراح اشتريلج ملابس ثانية قامت وغيرتهم لكن الخدامة اشتريلها ملابس على قدها فالنهاية هي ملابس خدامة مب ربيعتج الا اذا انتي ماتخافين على ريلج لو خذها قوقج ههههه هذي نصيحة بس
https://4arab.xplainer.net/images/smilies/bb/32.png
__________________________________________________ __________
>>>> الرد الخامس :
انا عندي اثيوبيهرماخذه لها جينزات وتي شرت
