رواية مروى ..؟ ، بقلم| غموض الذات ..! رواية رائعة
عنوان الموضوع : رواية مروى ..؟ ، بقلم| غموض الذات ..! رواية رائعة
مقدم من طرف منتديات الضمير العربي
بسم الله الرحمن الرحيم
السلام عليكم ورحمة الله وبركاتة . .
ضيفه جديده / أدمنت القراءة للروايات سنة 1425هـ ،
ومازلت أقراء كانت تعجبني أفكار
الكاتب أحمد 666
ومع الوقت .. طلعت للي الكاتبة ساندرا
صحيح هي جريئة بس مضمونها جدا ممتاز ، وصرت ما أفوت لها رواية .
فحبيت أجرب لمسة بسيطه لهذا المجآل ربما يكون للي مكان مابينهم
روآيتي الأولى "
رواية مروى ..؟ "
أكتب من وحي الخيال , فقلت ليش ما أخذ تجربتي ك بث للمنتديات .., فروآيتي سردها خيال في خيال ولو وقع في الواقع أعتبر
هذا صدفه و هالشي يرجع للخيال مو للواقعي أبدا ف أنا أحاول أرسل تجربتي فقط فإذا نجحت كان بيها والله ولي التوفيق ..
وإذا كان هناك خطأ فقلت هذه تجربة لا غير .. وربما بل سأستفيد من أخطائي ويتم تصحيها في روايات آخرى .. ،،
في نهاية مقدمتي ..
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ماشاء الله بدايه جميله ورائعه
الله يوفقك
__________________________________________________ __________
>>>> الرد الثاني :
الجزء الأول ..
أسندت ظهرها على جدار غرفتها وتفكيرها شارد لمستقبلها التي كانت تدور مابين الليل والنهار...بين النور والظلام..
ابتسمت بسعادة وهي تشأهد تماسكها ب صدقاتها القوية هل يكون بكره فيه يوم جديد والا الكعس وتنهدت بعمق
واخذها شريط الذكريات يمر امامها لكن مافكرت بأن يكون مستقبلها متحطم بل رسمته ك شمس أشرقت من جديد ...
،
.
.
البيت فخم ومتواضع في نفس الوقت الأثاث بسيط جدا ومع ذلك فيه روح الحب والود والإخلاص والاحترام
التلفون يرن| رن رن رن رن رن
جلست أم خالد عند التلفون ورفعته وقالت : السلام عليكم ورحمة الله وبركاته
هاجر الرياض : وعليكم السلام ورحمة الله وبركاته
كيفكم وش الأخبار عندكم عساكم بخير
أم خالد : بخير وهذا الشيء من فضل رب العالمين
هاجر الرياض : والنعم بالله أجل وين مروى هي قريب منك ؟
أم خالد : اصبري أصوت عليها ألا ما قلت للي من هي أنت ؟
هاجر الرياض : أنا هاجر بنت الهاجري من سكان الرياض
أم خالد : وأنا أم خالد زوجت سلطان السلطان أبو خالد وهم أنا أم مروى
هاجر الرياض : هلا خالتي .. آسفة ما عرفتك من أول ؟!
أم خالد : ويه يا بنتي .. حصل خير ها الحين عرفتني ...~
هاجر الرياض : يشهد الله أنكم أصل ~
أم خالد : هذا من أصلك الطيب .. اسمحي للي أصوت لك على مروى
مروى يا مروى مروى يا مروى يؤ وين راحت ها البنت ..~
بس ليكون نامت ...!
مروى يا مروى مروى يا مروى
مروى: نعم يمه وش فيه تصوتين بقيتي بشيء
أم خالد : أي صديقتك على الخط وتقول انه من الرياض ~
مروى : هاجر الرياض
أم خالد : أي ومن متى تعرفينها
مروى : بعدين أقولك عنها يمه الحين اسمحي للي أروح أهرج معها
أم خالد : روحي ...~
مروى: هلا وغلا ... وقبلهم السلام عليكم ورحمة الله وبركاته
هاجر الرياض : ههههههههههههه وعليكم السلام والرحمة ~
فديت الهلا والغلا مع بعضهن البعض ومن فوقهن المروة
.......~
مروى : شلونك وشخبارك وشعلومك وشلون عايشها؟؟؟؟
هاجر الرياض : الله كل ذا ... تبين أجوب عليهن !!!
أنا بخير بس النكد طير فوق السماء يطير ..
مروى: جعل النكد في العدوى ولا في هاجر الروح
قصدي الرياض ~~
هاجر الرياض : حلوه هاجر الروح دخل في مزاجي والله ~
مروى : هاجر نبرات صوتك فيه حزن وش في قولي للي أنا أسمعك يا قلبي
هاجر الرياض : ما هو وقتها يا الغلا .. صج أني سخيفة ما سألت عنك
وش هي علومك ... وش علوم الكلية ... إن شاء الله مبسوطة
مروى : أحلى تهرب ..~ أنا بخير والكلية تهبل والله ~~ بس هاجر وش فيك.. والله لو تتهرب أنا ورآك الين اعرف وش في هاجر الرياض ~
هاجر الرياض : مروى .. مو شيء وبس ألا أشياء مكبوتة في القلب ..
خلي الجرح في القلب يتألم ولا في الخارج ينزف
مروى : أووووووف لهدرجة .. اجل أنا مصممه أعرف وش فيك
هاجر الرياض: يا ليت أني قريبه منك ...وأقول كل ما في خاطري
أنا في التلفون ما اعرف أتكلم زين~
مروى : وش رأيك تجيء عندنا في الشرقية ~
هاجر الرياض : والله يا ليت أبوي يوفق كان على أولى طيارة ههههههه..
مروى...: فديت الضحكة الحلوة ... أصلا أنا من زمان أحن على رأس أبو خالد عشان نزوركم ~ بس الحين إجباري أزوركم وبإذن الرحمن يوم الخميس على العصر حنا عندكم
هاجر الرياض : بعد اليوم محدد
مروى : يا بعدي لأن يوم السبت إجازة ونجلس عندكم الخميس والجمعة والسبت ... والأحد نمشي على الشرقية عشان عيد الأضحى في الديرة أحلى ....~
هاجر الرياض : والله أنهم نعمه وبكذا نتمشى بالرياض ونواديكم الأسواق عشان تشرون مقاضي العيد ~...!
مروى : عليك نور ...ألا تعالي غيرت قسمك في الكلية ~
هاجر الرياض : يا ليت والله .. بس يد واحده ما تصفق ~
مروى: و شخبار هبة الصغيرة و مين يدرسها
هاجر الرياض : الكل يسميها "هبة البيت" لأنه أصغر البيت
والله حلوة بس تعالي في التدريس مر أنا ومر أختي هدى ومرة أخوي هاني
ومرة أبوي عصب عليها هههههههههههههه " طفش المسكين "
مروى...: الله كلكم تذكرون معها ~أي والله مسكين أبو هاني ~
هاجر الرياض: بس أكثر شيء هاني لأنه تسمع كلامها
مروى : اها .. تعالي هاجر
هاجر الرياض: هلا نعم ...أمرني
مروى : ما يأمر عليك عدوى يا الغلا .. الحين مين هو الكبير في بيتكم ~
هاجر الرياض : هاني ~ بعدين هدى بعدين أنا بعدين هبة البيت
مروى : ما شاء الله عليكم ... والله يحفظكم
هاجر الرياض : آمين يا رب .. مروى تريد مني شيء
مروى : سلامتك يا الغلا
هاجر الرياض : تسلمين يا قلبي ~ يالله مع السلامة أشوفك يوم الخميس إن شاء الله
مروى : بلاغي سلامي لهدى وأمك سلام كثير ~ وإن شاء الله نزوركم يوم الخميس
ومع السلامة ... ولنا لقاء إن شاء الله ~
...!
في بيت أبو هاني,,
أسرة صغيرة لكنها غنية بثروتها ومحبتها وتواضعها الكل يحترم رأي الثاني باحترام وتقدير
هاجر الرياض: ... يمه
أم هاني : نعم يا هاجر
هاجر الرياض: تعرفين مروى بنت السلطان اللي هم من سكان الشرقية
أم هاني : أي وش فيهم
هاجر الرياض: بيزورنا يوم الخميس بإذن الله
أم هاني : يالله أنك تحيهم وتوصلهم سليمين غانمين
هاجر الرياض : آمين يا رب
في بيت أبو خالد
مروى : .. يبه .. وش عندك يوم الخميس هذا
أبو خالد : هلا وغلا بروح يبه أمرني وتدللي
مروى : تسلم يا روح البيت.. ما يأمر عليك عدوى بس والله أبي أعرف وش عندك يوم الخميس هذا ؟
أبو خالد : والله ما عندي شيء ... فيه شيء
مروى : أي أبي أروح الرياض أتمشى ومنها نشوف أهل صديقتي
أبو خالد : كان علي أنا ما عندي مانع بس أمك و أخوانك موافقين على الفكرة ...!
مروى : بس إذا جاءت منك أحلى ؟
أبو خالد : يعني شلون ...!
مروى : يعني أنك تجتمع فينا بعد المغرب ... وتقول عندنا رحله في الرياض ...
أبو خالد : ما عندي مانع ,,
مروى : على بالي أخوه دواس ... "تضحك"https://v.3bir.net/images/smilies/k.gif
أبو خالد :"يضحك" وبعد المغرب إن شاء الله لنا لقاء معكم الحين بروح اقضي كم مشوار وبرجع
مروى : وهي تصاعد الكنب: وتبوس أبوها ,,,,"تضحك" تعرف عادت مروى يا الغالي ..
أبو خالد : فديت روحك يا مروى ... الله لا يرحمني منك ولا من أخوانك
مروى : وي وأمي وين مكانها ....
أبو خالد : اه اه اه يا أم خالد أقول مروى .. ترى إذا حكيت عن أمك ما فيه رحلة لرياض ~
مروى : أجل روح ربي يحرسك << قبل لا تغير رأيك ؟
أم خالد : أي رأي ...
أبو خالد : نسافر يوم الخميس على الرياض
أم خالد : هو ليه ~
أبو خالد : منها نتمشى .. ونشوف أهل صديقة مروى!
مروى : يا هو .... وربي فديتك يا روح البيت
أم خالد : ومن اللي بيروح معنا ~
أبو خالد : يا الغلا شوفي همتك في العيال وبعد المغرب للي اجتماع فيما بينكم
أم خالد : هو ما طلبتي شيء يا أبو خالد .
أبو خالد : عسى ربي ما يحرمني منك يا بعد( بصوت منخفض لأن مروى معهم ) روح روحي !
مروى : احم احم نحن هنا
أم خالد: تبسمت وخدوده صارت حمراء كأنها بنت أمس مو أم لـ 7 عيال
أبو خالد : سامحوني تأخرت والله ودي اجلس معكم .. السلام عليكم
أم خالد و مروى : وعليكم السلام ... ربي يحرسك
أم خالد : مروى من هي صديقتي
مروى : تذكرين يوم نعتمر في الإجازة الصيفية
أم خالد : السنة هذي أنا ما راحت معكم
مروى : عليك نور السنة هذي أنت ما راحتي في الحرام تعرفت عليهم
وبعدين جاء يوم ثاني كنت مع أختي سارة وحصة وعرفتهم عليها
حتى أمهم سألتني عنك ... قلت لهم ,, انك جالستي عند جدي لأنها تعبانه
أم خالد : اها ... إن شاء الله نروح عندهم ونتعرف عليهم ~
مروى: الله يسمع منك إن شاء الله .. يمه تأمرني على شيء !
أم خالد : قولي حق أخوانك بعد المغرب الاجتماع
مروى : يوصل إن شاء الله يالله أشوفك على خير
أم خالد : بحفظ الرحمن
مروى راحت لغرفتها ... ودخلت وقفلت عليه الباب ... وأمسكت دفتر مذكرات خاص فيه وكتبت ~
(تعانق الاشتياق)
عندما يعانقني الحنين يوما
أذهب إلى مدخل باب الأحباب ‘‘ هاجر الرياض‘‘
وافتحه بمفتاح القلوب
وأدخل إلى حديقة المحبوب
وأقطف من ورد الذكريات
وأسمع صوت رعد الكلام الذي قد فات
وأرى وميض برق المتفائلات
فتسقط زخات أمطار الاشتياق
وأمشي في رملا الألم والفراق
واجلس في مرسي الإخفاق
واركب في زورق الأصدقاء
و أجدف بمجداف الأوفياء
و لا أملك سوى أن أبحر في بحر اللقاء ‘‘ بهاجر الرياض ‘‘
^ بقلم غموض الذات ؟.https://v.3bir.net/images/smilies/c.gif
نروح لأهل الرياض في بيت أبو هاني
أبو هاني : السلام عليكم ورحمة الله
هدى : وعليكم السلام وحمة الله وبركاته ...هلا بالغالي
أبو هاني : هلا فيك يا الغلا وش عندك طلعه بر البيت
هدى : بروح ذاك البيت نرتبها عشان يوم الخميس عندنا ضيوف !
أبو هاني : افااااااااااااااا عندنا ضيوف وأنا آخر من يعلم
هدى : على بالي تدري
أبو هاني : كأني دريت منك يا الغلا ~ بس منهم الضيوف
هدى : من الشرقية كان تذكر اللي قلنا لك عنهم أنا وهاجر
أبو هاني : ذكرني ...
هاجر الرياض : هلا وغلا بأحلى أب عندي ~
أبو هاني : آهلين وسهلين بالحلوين فديت روحك يا روحي
هدى : بل وش جابك آنت الحين هنا
أبو هاني : " يضحك "https://v.3bir.net/images/smilies/k.gifههههههه
هدى وهاجر : "يضحكون "هههههههه
أبو هاني : بـ تقولون من هم الضيوف أو ادخل البيت ترى أثلجت من البرد انتم ما أثلجتم
هدى : " تضحك "ههههههههههههههههههههههههههههههه هذا هاجر عندك ادخله معك وتقول لك من هم
هاجر الرياض تمسك يد أبوها ويدخلون البيت : يبه يدك باردة ...
أبو هاني : كل منك أنت وأختك " ويضحك "بس ما عليك راح تدفأ من يدك الناعمة ( أبو هاني متعمد يقول ها الكلام لأن شاف أم هاني مقبله )
هاجر الرياض : هلا والله بالغالية
أبو هاني : آهلين ...
أم هاني : هلا فيكم
أبو هاني : يقولون عندكم ضيوف
هاجر الرياض : أي صح يبه ما أوصيك فيهم ...~
أبو هاني : منهم ...!
هاجر الرياض : الضيوف يبه
أبو هاني : منهم علمني فيهم مو أشوفهم ولا اعرفهم منهم
هاجر الرياض :بيت السلطان اللي من الشرقية
أبو هاني : أي إن شاء الله من عيوني
هاجر الرياض وتبوس رأس أبوه : فديتك يا الغالي
أبو هاني ... يحب ينرفز أم هاني قال : هاجر يبه ...أنا أريد ألبوسه على خدي لأن طعمه حلو منك ..
هاجر الرياض : ولا يهمك الحين أبوسك ... أموح على خدك اليمين وأموح على اليسر ها وش تبي بعد
أبو هاني : أريد سلامتك
هاجر الرياض : أشوفكم على خير يا أحلى اثنين
أبو هاني : وأنت من أهله
أم هاني : تريد أحط لك عشاء
أبو هاني : ما أريد شيء .. [ في خاطره يقول : أريدك أنت وبس ]
أم هاني ... قربي عندي ~ يا روحي
أم هاني : ليه أقرب ؟
أبو هاني هذا اللي ما أحبه تقولين للي ليه : تعالي وتعرفين ليه ؟؟
أم هاني : كأني جيت لعندك قول وش عندك.
أبو هاني بهمس لطيفه وحنونة : تحبيني ؟؟
أنتهى الجزء الأول بسلام ..
__________________________________________________ __________
>>>> الرد الثالث :
ماشاء الله بدايه جميله ورائعه موفقه اختي
يعطيك العافيه وربي يسعدك..
__________________________________________________ __________
>>>> الرد الرابع :
رائعه وشيقه ربي يعطيك العافيه
تقبلي مروري المتواضع ولك تحياتي
__________________________________________________ __________
>>>> الرد الخامس :
بداية موفقة جدا
يعطيك الف عافية
استمري عزيزتي
تحياتي
