كارثه اسمها خدامه في بيت شاب معاق التدريس الاماراتي

عنوان الموضوع : كارثه اسمها خدامه في بيت شاب معاق التدريس الاماراتي
مقدم من طرف منتديات الضمير العربي

السلام عليكم خواتي سرت اليوم بجدد لولدي بطاقة عونك وكانت جالسه حرمه معاها شاب منغولي وطفله منغوليه والام محتاره تهدأ الكبير وله تسكت الصغيره المهم سالتها وكانت معاي خدامتي ماسكه ابني ليش مايبتي الخدامه معاج كالتلي هوه انا شو سوه فيني جذي غير الخدامه استغربت وكلت لها شو القصه حكتلي سالفه مو قادره استوعبها بصراحه كالتلي انا عندي ثلاث بنات وهالولد المنغولي الي تشوفي وكان اصغر خواته ومن يوم كان عمره 8 سنوات يبت خدامه اندنوسيه كانت قمه بالاخلاق والحنا ن مع الولد كانت تحن عليه اكثر مني ومن ابوه وتسير معا المدرسه وكل شي وكانت لما تخلص اقامتها برد ايبها من بلادها ولما صار لها عندي 9 سنين وكبر الولد صار عمره 17 سنه مراهق كانت تتسلل في الليل وتسوي معا علاقه بدون ماندري وهوه لايتكلم ولايصيح لانه يحبها من صغره المهم حملت منه ولمابدت بطنها تكبر كالت لنا امي مريضه وبتموت وابغى اسافر عملنالها تذكرتها وكلنالها اتصلي لما تبين تيين هالكلام حنا مانعرف شي لكن مرت شهور وما اتصلت وسرنا يبنا غيرها من المكتب اله بعد كم شهر تتصل وتكول بعثت لكم اغراض في دي اج ال وكانت الاغراض اظافر وقصة من شعروفيديو انها كانت عامله علاقه مع الولد لما كلمناها وكالت انا حملت من ابنكم ويبت بنت وروحوا تاكدوا بالتحاليل وتعالوا خذو بنتكم لكن ببيعا لكم بفلوس لما تاكدناا بالتحاليل طرشنالها الفلوس وسار زوجي ييب البنت ولين وصل عندهم لكا البنت في السفاره الاماراتيه وحالتها اسوء من ابوها حسبي الله ونعم الوكيل يابها وجانه وهالتشوفين الاثنين احترت فيهم عندي خدامه لكن مابطلعها ونصبت كاميرات بكل البيت بدون ماتعرف شي عشان ماتتكرر الماساة مره ثانيه طبعا هي تتكلم وقلبها نار خلتني اصيح من حرارة قلبها الله يعينها انا كلتلها المفروض تتشكون تسوون شي كالت خلاص الله يعوضنا ويقدرني على ترباة هالطفله عشان جي لازم نخلي بالنا وبصراحه انا بحط كيمرات وما راح اخلي نفس الخدامه اكثر من ثلاث سنين تكول الحرمه اثاريها تخطط من يوم كان الولد صغير وخذت لها ذا ك المبلغ من الناس مئتين الف درهم البعيده عشان تبيع لهم البنت حسبنا الله لا اله الاهو رب العرش العظيم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

بصراحة هاي قصة فظيعة..
تنفع يسوونها مسلسل او فيلم..
النذلة 9 سنين تاكل وتشرب من خيرهم وتروح تغدر فيهم؟؟؟

انا ما اتحمل الأندونيسيات.. من أشوفهم لا شعورياً تصيبني حالة تنافر..

__________________________________________________ __________

>>>> الرد الثاني :

ها .. كيف طرشت البنت
و ليش تبيعها
؟؟؟

شي مو مفهوم ؟؟
وكيف يعطونها 200 الف

__________________________________________________ __________

>>>> الرد الثالث :

حسبي الله عليها ونعم الوكيل .. الله يعينها ويصبرها ويشفي عيالها

__________________________________________________ __________

>>>> الرد الرابع :

حسبي الله ونعم الوكيل
ويزاج الله خير اللى كتبتي القصه
عشان تستوعب عقول الاهالي

__________________________________________________ __________

>>>> الرد الخامس :

قصة غريبه جدا , حسبي الله فيها وتبيع بنتها كمان!!!
الله يعينا على هذا الزمان