تجربتي بفندق قمر الدين :( سياحة الامارات

عنوان الموضوع : تجربتي بفندق قمر الدين :( سياحة الامارات
مقدم من طرف منتديات الضمير العربي

مرحبا خواتي
حابة اكتب لكم تجربتي بفندق قمر الدين بدبي
انا حجزت فيه عن طريق موقع booking لعيد ميلاد زوجي
السعر كان 885 شامل الافطار فتشجعت وحجزت
المهم اول ما وصلنا تفاجانا يقولون ادفعوا 1099 اونة الاسعار تغيرت
انقهرررررت عديتها وقلت ماععليه لزوم نستانس
المهم الغرفة الله لا يرويكم اثاث قديم وسرير ابدا مش حلو ولا مريح
والمكيف خربان ومافي اداوات الحمام زي معجون الاسنان والصابون والمحارم الورقية وسشوار الشعر
واليوم الثاني لما رحنا نتريق حجزت طاولة ورحت اييب ريوق انا وزوجي ولما ردينا لطاولتنا تفاجأت بالهندي يقولي الاجنبي بيجلس على الطاولة
قلت له هذي خاصة فينا وحاجزينها وحاطة عليها الجريدة بعد
ماطاع قام بيضاربنا لعيون الاجنبي
انقهررررررررررررت
ونسيت اخبركم الحمام مكشوف على الغرفة مية بالمية يعني مش مغطى ومبين كل شيء

نصيحة مني لا تروحون لهالفندق وترا والله بدبي فنادق احلى بكثييييير من هالفندق

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

انا رحت له
صح غرفهم صغيره والحمام مكشوف بس اتوقع شي ستاره

انا ارتاح في فندق المنزل اكثر مع انه نفس الاستايل تقريبا

__________________________________________________ __________

>>>> الرد الثاني :

انا سرت له العام بالعكس خدمتهم وايد حلوه

وحتى اول ماوصلنا ضيفونا

والغرفة صغيرونه بس حلو استايلها

وعلى الحمام هي هو شفاف بالكامل ومافيه ستاره اصلن ><

وبالعكس شيء شامبو وبودي لوشن وصابون وهالسوالف كلها موجوده وغير الميني بار ..

__________________________________________________ __________

>>>> الرد الثالث :

اشمعنى انا ماكان موجود
اسميني مقهورة منهم للحين
قدمت شكوى لهم

__________________________________________________ __________

>>>> الرد الرابع :

بالعكس حلووووو
انا مجربته ما لقيت شي سلبي
يمكن الزياده بسبت التاكس يعني الضريبه

__________________________________________________ __________

>>>> الرد الخامس :

السعر عشان التاكس يمكن اعرف كذا وحدة نفس الشي حجزوا من بوكينج ودفعوا اكثر ..

ويمكن ع حظج نسوا يحطون ادوات الحمام مستحيل فندق ما يحط حتى الفنادق الي مش هاك الزود يحطون .. جان خبرتيهم حزتها ..

وعن الاجنبي لا تعلييق يستاهلون اكثر من الشكوى على هالسالفة .. بس من يشوفون اي اجنبي حطوه ع راسهم حتى لو شلاعة الدنيا فيه ما تفرق وياهم المهم اجنبي