عنوان الموضوع : شواء العيد عطريقتي بالفرن المطبخ الاماراتي
مقدم من طرف منتديات الضمير العربي
انا من عشاق اللحم المشوي الي نسويه من عيد لعيد
وامي فديتها دايما ازن عليها ان ابغي اتعلم منها وبالفعل خذت طريقتها وسويت اللحم وكان يجنن
بحطلكم الطريقه وركزو معي
اول شي ذبيحتج لازم تكون طازجه ولحم البلاد احلى شي ممكن تستخدمينه
كل ماطال النقع كل ماكانت النتيجه احلى
اول شي خذت انا فخذ من لحم بلاد وقطعه من لحم بقري
وغسلتهم عدل وحطيتهم ينقعون 4 ساعات بملح وكركم
https://im38.gulfup.com/tFKkw.jpg
وبهالاثناء بديت اجهز الخلطه
خذي بزار والي هوه عباره عن كمون وسنوت مغسول ومنظف ومعرض للشمس عشان ينشف ومحمس لحد مايحمر وعقب نطحنه
خذي دبس مغرفتين كبار مال الصالونه وخفيفه بماي بعد مغرفتين كبار وعقب خذي من البزار مغرفتين كبار بعدمال الصالونه مثل الي واضحه بالصور
وضيفي عليهم ملعقه طعام كبيره قرفه وملعقه طعام كبيره فلفل اسود وحطيهم عالنار يثورون شوي ويا بعض
https://im38.gulfup.com/3K1RR.jpg
طبعا الدبس بيخلي القوام غليظ للخلطه بس ممكن تضيفين ماي لو حسيتي الخلطه واااايد غليظه وحطي من يثور شويه ملح وصكري عليه ولاتنسي انج مملحه اللحم مع الكركم وبيمتص اللحم الملح فلاتكثرين ومن تبرد الخلطه حطي لها 5 ثوم كاملات مقشره فصوصهم ومدقوقات عدل
https://im38.gulfup.com/WpZh4.jpg
https://im38.gulfup.com/liyjH.jpg
من تحسين اللحم مر عليه ساعات من نقعه بالكركم والملح غسليه عدل بالماي وحطي عليه الخلطه وصكريه بالمونيوم فوبل ليله كامله او ساعات وكل مانقع اكثر كل ماطرا اللحم وصار احلى
https://im38.gulfup.com/y3KKy.jpg
https://im38.gulfup.com/Sc4tI.jpg
وهنا يوم خلصت من لفه ودخلته الثلاجه ليله كامله جهزت ورق موز وورق همبا ولوز ممكن تحطون بعد وشوع . غسلت الورق ونظفته ونشفته وبديت اصفه
https://im38.gulfup.com/XUtMf.jpg
وقبلها جهزت طبقات من ورق الالمونيوم الفويل وعليها حطيت قماش من قطن مبلول بماي عدل
https://im38.gulfup.com/zlBvh.jpg
وخليت عليه ورق الموز وسويت طبقات عشان ماتتسرب الخلطه لبرع القماش
https://im38.gulfup.com/FsKkE.jpg
https://im38.gulfup.com/3iY0T.jpg
وبديت الف الموز عاللحم وورق الهمبا خليته بين اللحم
https://im42.gulfup.com/WwtT7.jpg
https://im42.gulfup.com/gQk8Z.jpg
يتبع...
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
[CENTER]وعقب لفيت قطعه القماش عدل وبعدها طبقه الامونيوم فويل
https://im42.gulfup.com/nJXEl.jpg
https://im42.gulfup.com/hqJrO.jpg
ودخلتهم الفرن عدرجه حراره هاديه ولمده ماتقل عن 4 ساعات ولاتعلون عالفرن خلو النار هاديه انا شغلت الفرن من بديت اجهز اللحم ع 180 درجه وعقب خفيته لاقل من 150 وبنصحكم حطو اللحم بجدر وصكروه عدل بفويل واحكمو صكه بيطلع احلى ومابتحترق معكم القماشه من الحراره
https://im42.gulfup.com/cfayZ.jpg
وعقب 4 ساعات
طلع اللحم المشوي لين والخلطه روووعه وشواه مميز وفوق ذا ينفصل العظم عن اللحم
https://im36.gulfup.com/Wj1pf.jpg
وقدمته مع عيش وزرشك
https://im38.gulfup.com/bNbIq.jpg
https://im38.gulfup.com/KKzPw.jpg
وهاي سفرتي لعائلتي الصغيره ربي يحفظهم لي ياااارب
https://im34.gulfup.com/l1LP1.jpg
__________________________________________________ __________
>>>> الرد الثاني :
ماشاء الله بالعافيه
__________________________________________________ __________
>>>> الرد الثالث :
https://4arab.xplainer.net/images/wo...quote_icon.png المشاركة الأصلية كتبت بواسطة كلامي عسل https://4arab.xplainer.net/images/wo...wpost-left.png
ماشاء الله بالعافيه
تسلمين
__________________________________________________ __________
>>>> الرد الرابع :
حلوه طريقتج00000000000000 وجارى تنفيذ الطريقه يسلمووووو
__________________________________________________ __________
>>>> الرد الخامس :
ما شاء الله عليج .. بصرااحه رووووعه و شدني الديوو .. عطشاااااااانه
