عنوان الموضوع : سويت اليوم الثامن أروع قطايف بالمكسرات بالخطوات المصورة من شوكولاتة المطبخ الاماراتي
مقدم من طرف منتديات الضمير العربي
صباح الخير شو الصيام وياكم . الله يتقبل منا ومنكم صالح الأعمال ويجعل صيامنا خالصاُ لوجه الله الكريم . عزيزتي هذا هو سويت اليوم التاسع من رمضان وهو نوع من الحلويات الشرقية ألا وهي القطايف بإسم الله نبدأ:
محتاجين إلى مكسرات مشكلة . شخصيا أحب أشتري أكثر من نوع من المكسرات ويكون محمص وأخلطهم مع بعض ومكوناتهم (فستق , جوز هند , جوز , كاجو , زبيب , وقليل من القرفة)
https://i982.photobucket.com/albums/...colate/1-4.jpg
ومحتاجين إلى عجينة القطايف المعدة مسبقاً . وطبعاً عزيزاتي نلاقيها جاهزة في رمضان في كان المخابز . بس احرصي انج اتشوفين التاريخ لانها لازم اتكون فريش وشغل نفس اليوم عسب ما تتقطع منج وانتي تحشينها بعدين.
https://i982.photobucket.com/albums/...colate/2-5.jpg
وهذا شكلها من داخل تشبه خبز الجباب بس أصغر واتكون نيئ من الوجه
https://i982.photobucket.com/albums/...colate/3-4.jpg
وطبعاً راح نحتاج إلى قطر ومقاديره هي : لكل 1 كوب سكر محتاجين ½ 1 كوب من الماء عسب يكون عندنا القطر خفيف واتخلينه يثور على الضو لحوالي الربع ساعة وبتشوفين إني نسبة كبيرة من الماي تبخرت. بس اذا حبيتي يكون القطر غليظ راح يكون مقدار السكر نفس مقدار الماي وطبعاً هذا راجع لنوع الحلو الي بتسوينة .
https://i982.photobucket.com/albums/...colate/4-4.jpg
في البداية نحط حبة القطايف المفرودة على ادينا بهذي الشكل . وانحط مقدار ملعقة صغيرة من الحشو الي عندنا . ونحرص اني ما نكثر من الحشو عسب ما تتقطع حبة القطايف يوم نسكرها .
https://i982.photobucket.com/albums/...colate/5-4.jpg
ونبدأ نضغط الجانبين مع بعض وبتلاحظون اني العجينة من داخل نئ فهذا الشي بيساعد انج لما تضغطين على الجوانب تلزق في بعضها بكل سهولة . مثل ما نلاحظ في الصورة أدناه.
https://i982.photobucket.com/albums/...colate/6-4.jpg
يتبع أحبتي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ونستمر في الضغط على الأطراف لحد ما تتسكر.
https://i982.photobucket.com/albums/...colate/7-4.jpg
وهذا شكل القطايف بعد الانتهاء من اغلاقها أحبتي .
https://i982.photobucket.com/albums/...colate/8-3.jpg
وممكن تسكرون نص حبة القطايف بدون ما تحشونها مثل الحبة الي فوق وبعد القلي تحشونها بالقشطة والفستق الحلبي .
https://i982.photobucket.com/albums/...colate/9-3.jpg
وماشاء الله هذي كانت الكمية الي سويتها عبارة عن 3 صحون
https://i982.photobucket.com/albums/...olate/10-3.jpg
مرحلة القلي :- عزيزاتي لقلي القطايف محتاجين لزيت شبة عميق للقلي وطاسة فيها القطر وطاسة ثانية عليها مصفى عسب يوم انطلع القطايف من القطر انحطها على المصفى.
نقليهم في زيت تكون حرارة متوسطة لحد ما يصير لون القطايف ذهبي فاتح نطلعها من الزيت وبعدين انحطها في القطر وانقلب لحد ما تتشرب قليل منه وانصفيها . السموحة منك ما قدرت أصور غير هذي الصور لشكل القطايف النهائي تدرون كانت الساعة 6:30 الواحد محتاس في المطبخ .
https://i982.photobucket.com/albums/...olate/11-4.jpg
أتمنى يكون حاز على إعجابكم أحبي وأنتظروني في المزيد من الوصفات المصورة ولا تنسون (؟؟؟؟)
مع محبتي شيف شوكلاتة
__________________________________________________ __________
>>>> الرد الثاني :
يم يم لذيذ شكلها ..
احب القطايف ..
تسلمين اختي شيف شكولاته دايما اتابع طبخااتج و تكون حلووه وسهله وتخلي اللي ما يحب يدخل المطبخ يدخله وهو ضاامن النتيجه .. ان شاء الله بسويها ع القهوه الليله https://4arab.xplainer.net/images/smilies/smile.png
يعطيج ربي الف عافيه
__________________________________________________ __________
>>>> الرد الثالث :
والله روووعه القطايف^^..
وخاطري اجربها
تسلمين الغلا وعساج ع القوه https://4arab.xplainer.net/images/smilies/smile.png
__________________________________________________ __________
>>>> الرد الرابع :
تسلمين على الاكلات الروعة
__________________________________________________ __________
>>>> الرد الخامس :
تسلمين على الاكلات الروعة