تعالى افهمى اسباب خطوات عمل البروتين و الكيراتين عشان تطلع النتيجه حلوه.... لبشرة فاتحة
عنوان الموضوع : تعالى افهمى اسباب خطوات عمل البروتين و الكيراتين عشان تطلع النتيجه حلوه.... لبشرة فاتحة
مقدم من طرف منتديات الضمير العربي
السلام عليكم اخواتى فى الله
عشان تطلع نتيجة البروتين او الكيراتين حلوه لازم تكونى فاهمه كويس انتى ليه بتعملى الخطوه دى و اذاى تعمليها و طبيعة شعرك .
اهم الخطوات العامه لعمل البروتين او الكيراتين ثلاثه
1-فتح المسام الشعر مش الفروه و الطريقه بتختلف حسب طبيعة الشعر
2-تشريب الشعر بالبروتين
3-تفاعل البروتين مع الشعر و غلق المسام
1-فتح المسام
و فى نوعين من الشعر
1-الشعر ذو المسام الواسعه او المتوسطه و ده الشعر المصبوع او المعمول فرد كميائى او الشعر الى فتلته رفيعه
وده بتغسل بلاكرايفينج 3 مرات مره منهم بتسيبى الشامبو 3-5 دقائق على الشعر حسب طبيعته
2-الشعر ذو المسام الضيقه و ده الشعر الفرجن او السميك و ده بتعرفيه من انه مش بيتبل بسهوله بالميه لازم تدعكيه عشان يتبل و غالبا بيكون لون الشعر اسود و فتلته من متوسطه الى سميكه و ده لازم يتغسل بالكلاريفينج على قد ما تقدرى عشان تفتحى المسام بتاعت الشعر كويس عشان يقبل البروتين
2- تشريب الشعر بالبروتين
و ده بيتم بعد ما توزعى البروتين على الشعر بكميه معقوله و متكتريش لان الزياده بطلع دخان فى خطوة البيبى ليس
بتسيبى البروتين على الشعر من ساعه لساعة و نص حسب طبيعة الشعر و ملاحظتك لمدى استجابته
و فى تقنيات حديثه بتساعد على تسريع العمليه دى و كمان تفعلها اكتر ذى البروكاب الحرارى و الاتراسونك و النفراريد تكنولوجى بس لازم تخلى بالك ان فى خطوة البرو كاب انتى لازم متكونيش حاطه بروتين على الفروه و عاكه الدنيا لازم توزعى البروتين بعيد عن الفروه بسنتى و تسرحى بس بالمشط البونته من اول الجدور عشان البروكاب ميشربش البروتين للفروه لان البروتين ممكن يسد المسام بتاعة الفروه
و تسريح الشعر بيتم بالمشط البونته و يكون عمودى على الشعر عشان ميطلعش الماده معاه و لكن ممكن تطلعى الماده الزياده بالمشط بعد فترة الانتظار عشان بكون الشعر خلاص شرب الماده و الى بيطلع مع المشط بيكون الزياده
3- تفعيل الماده مع الشعر و غلق المسام
و ده بيتم فى خطوة السشوار و البيبى ليس و لازم الخطوه دى تتعمل كويس و على خصل رفيعة و عدد المرات بيختلف حسب طبيعة الشعر و لازم تكون درجه الحراره 230 درجه و تكون بمكوه بروفشنال و كل ما زادت جودتها اعطيتك نتيجه افضل
و بالتوفيق ليكم كلكم و كل البنات تبقى مبسوطه و راضيه عن نفسها
لو الموضوع عجابكو متنسوش التقيم و الدعوه الحلوه بصلاح اولادى
و بالاش الاسئله عن الاسعار او الانواع عشان الموضوع ميتقفلش
ممكن تسالى فى قسم المول و الحمد لله رب العالمين و جزاكم الله خيرا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
من اروع علاجات الشعر
واكثر الاقبال عليه وخصوصا لو كان فري فورمالدهايد
__________________________________________________ __________
>>>> الرد الثالث :
__________________________________________________ __________
>>>> الرد الرابع :
مشكوووووووووره اختي
وجزاج الله خير
__________________________________________________ __________
>>>> الرد الخامس :
