استفتاء.. أفضل جنسية للخادمات..... تعالي ورتبي جنسيات الخادمات حسب الأفضلية.. لمشاكل المنزل

عنوان الموضوع : استفتاء.. أفضل جنسية للخادمات..... تعالي ورتبي جنسيات الخادمات حسب الأفضلية.. لمشاكل المنزل
مقدم من طرف منتديات الضمير العربي

https://4arab.xplainer.net/images/sm...alamAlikom.gif

اشحالكم حريم... عساكم بخير وسهالة...

خلوني أدخل في الموضوع على طول...

أن شاء الله انا ناوية أييب خدامة .. ولكن محتارة عن أفضل جنسية... بشكل عام كل جنسية ولها إيجابياتها وسلبياتها..

فمثلاً الجنسية الاندونيسية لهم نفس في الطبخ ونظاف ولكنهم معروفين بالسحر والعلاقات المحرمة!

اما الجنسية الفلبينية فهم نظاف بس رواتبهم زادت هاليومين وفيهم دلع زيادة!

والجنسية الأثيوبية فحدث ولا حرج: هم رخاص ورواتبهم معقولة ولكن لسانهم ما شاء الله عليهم وللشردة مستعدين أني تايم!

وغيرهم من الجنسيات الثانية الهندية، السيريلانكية ....


فالحين.... خلونا نرتبهم حسب أفضليتهم.. وكل وحدة تبدي رايها بعد ما ترتب الأفضلية من الخادمات


بسم الله ... انا ببدأ :


1. الفلبينيات

2. الأندونيسيات

3. الأثيوبيات

4. السيريلانكيات

5. الهنديات


أتمنى أن أي وحدة تشارك تحرص على أن ترتب الخادمات بالأرقام من الأفضل فالأسوأ..



https://4arab.xplainer.net/images/smilies/allah_mos.gif

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

انا عن نفسي:

1. الفلبينيات

2. الأثيوبيات

3. السيريلانكيات

4. الأندونيسيات

5. الهنديات

__________________________________________________ __________

>>>> الرد الثاني :

الفلبينيات، السريلانكيات، والباقيات مادانيهن

__________________________________________________ __________

>>>> الرد الثالث :

1. الفلبينيات
2. الأندونيسيات
3. الأثيوبيات
4. السيريلانكيات
5. الهنديات
واحس اخيس شي البنغاليات
وفي الاخير كلم يعورون الراس

__________________________________________________ __________

>>>> الرد الرابع :

الفلبينيات وبجدارة
شوفي ما بقولج الكل..
انا يبت 3 فلبينيات
وحدة كانت وسخة فظيعة وبالاخير طلعت مريضة والحمد لله رجعتها
الثانية ممتازة وتشتغل روعة ونظيفة وتنسق لي كانت كل شي بالبيت بس مصيبتها انها دلوعة بطريقة خيالية مع اني عمرها كان 35 سنة يمكن ..ورجعتها مستحيل اخلي دلوعة تتمايل في بيتي ..
الثالثة والي اهي معاي الحين صراحة قل اعوذ برب الفلق زينة وايد وايد
نظيفة وترتب وترمس انجليزي عيالي اخذو منها اللغة ويرمسون انجليزي ممتاز..
ما ظلمتها الحمد لله تاخذ راتبها كل بداية شهر
وتظهر وراي لما ابيت بدبي ما اخليها عند اهلي تغمضني لازم تغير جو من شغل البيت
احنا لو نتخيل عمارنا ما نظهر يوم واحد بننتحر..الحين ببات بدبي 3 ايام بشلها وما احب اخليها عن تختلط مع الشغالات الثانيات وخربوها طبعااااااااااااااااا
معاشها 700 لكن مب مخلية شي ما اشتري لها صراحة تستاهل..ولو بغتنا نزيدها الف والله بزيدها
للحين ما سالتها مرة ثانية بتمدد السنتنن والا لا..
لآنها من وفاة بنتي انهارت وقالت ما اقدر اتم وبنتج توفت كانت اتحبها وايد..
انا اول ما سمعت قرار الفلبينيات تخبلت من القهر
عقب توكلت على الله والي ربي كاتبه بيصير ما ابي ايلس افكر من الحين..
ما عاد يهمني المعاش المهم الخدامة زينة وتريحني..مب مفكرة باي جنسية ثانية للحين يمكن لجدام شوي افكر بها الموضوع https://4arab.xplainer.net/images/smilies/smile.png

__________________________________________________ __________

>>>> الرد الخامس :

بالنسبه فبيتنا عندنا اندنوسيه و فلبينيه بس و الله الاندنوسيا ما شاء الله عليها و الله ما تتكلم و ما تحب المشاكل مثل باقي البشاكير و ما تتفضول اذا سالتيها اترد عليج قد السؤال بس هي عوده وااايد عندنا من 4 سنين تقريبا و جددنالها الحين بس الفلبينيه استوالها 6 شهور تقريبا هي بعد عوده صح انها فيها نوع من انواع الدلع بس الحمدلله زينه و ثنتينهم يشتغلون لانه عيالهم مرضا فما عندهم خرابيط البشاكير ...


لكن الاثيوبيات ما دانيهم و الله بيت يدي كانت عندهم وحده يوم ترمسينها اتنزل راسه حتى يدوه اتقولها ما بخطبج اتطالعيني ههههه بس تمت 5 شهووووور وشردت ...


(((((( اموووووت و اعرف وين يروحون يوم يشردون )))))))*