تـريــديـن أن تــكوني زوجــه ناجحــه .. تفضـــلي !!

عنوان الموضوع : تـريــديـن أن تــكوني زوجــه ناجحــه .. تفضـــلي !!
مقدم من طرف منتديات الضمير العربي

بــسم الله الرحمن الرحمن ..~

مرحـــبا الســـاع ^_^

قريت هالمووضوع بقلم الأستــاذه ندى .. وهي عباره عن 10 دروووس لـتأهيل الزووج ولكي تكووني زوجه ناجحه

انا إن شا الله كل يووم بحط لكن خطــه .. وأباكن تطبقن .. وتشاركني .. يعني أي وحده منكن تطبق وتنجح وياها الخطه .. تشاركنا .. عشــان الكل يستفيد ^_^

وأحيــن بحط لكــن المقدمه .. وعقبها الدرس الأول .. وأتمنى تطبقوون وتشاركونا ~


بسم الله نبتدي =)

حبيباتي الحياه بحاجه الى صبر والتعامل مع زوج اكتسب مثلك خبرات وتجارب على مدى أكثر من 20 عام لن تغيريه بين يوم وليله الأمر بحاجه الى عزيمه لاتقبل الهزيمه هذه معاركنا ولن نرضى بأقل من عودة الحبيب الى عشه مع محبوبته لذلك أصلحكم الله تعلمن فن الصبر ( أنا أقصد العجولات منكم وليس الجميع )
هذا الرجل اللغز المحير انه أسهل مما تتخيلين ولكن من تجيد فك شفرة هذا اللغز بمعنى آخر أسهلها عليكم ( لو أعطيتك قصيده للمتنبي وقلت اقرأيها بشكل صحيح ثم تذوقيها ببلاغه ) هل تنجحين ؟؟؟؟؟؟؟؟؟؟؟
كلنا سنقرأها كن من منا ستجيد القراءه الفصيحه بلا أخطاء من منا ستتذوق ألمعاني الجماليه بها .... عدد قليل لكن لوتعلمنا القراءه الصحيحه واتقنا دروس البلاغه سنستطيع قراءة وفهم وتذوق مانريد .... هذا حالنا ببساطه كلنا نعتقد اننا نفهم الزوج وكيفية التفاهم معه ولكن في الحقيقه هناك أسرار يعلمها البعض ومنهم على سبيل المثال أ / ناعمه التي تحاول باستمرار مساعدة الجميع على تخطي الأزمات ... هل ناعمه من عالم الرجال ؟؟؟ لتفهمهم كلا انها من الجنس الناعم ( اسم على مسمى ) لكنها تتقن فهم اللغز المحير ( الرجل ) هذه هي المسأله ببساطه نتعلم نطبق ننجح وسأضع لكم دروس مختصره لخطتي تكون طريقتها كالتالي ( أساس للدرس - طريقة التنفيذ - تجربه من الواقع ) فمن لديها طولة بال تتفضل أو اعتذر لك اختي فالخطه لن تناسبك أبدا فأهلا وسهلا بك معي في خطتي التي تحمل عنونها من مضمونها الأساسي ..............

أنتي صديقته لست زوجته

أحس بعضكم طايره عيونهم ( هذي هي الخطه )وبعضكم زعلانه تحس اني لعبت عليكم
لا حبيباتي حاشاكم من يستغلكم او يلعب بأعصابكم أنا جاده وحبكتها تمام ونجحتمعاي ووالله انها نجحت مع كذا وحده من زميلاتي وجاراتي يعني الشغله يبي لها عاملين مهمين عشان تنجح
( الصبر - الحب ) صدقوني انا في البدايه كنت أسمع دايم عبار خلك صديقه للرجل لكن للأسف وقت التطبيق نصادقهم متى مانبي ونقلب متى مانبي فما ننجح أبد لذلك اصر على التطبيق الحرفي انسي تماااااااااااااااااااااااااااااااااااااااااااااااا ااااااااما انه زوجك عامليه على انه صديق صديق فقط من جربت تصادق رجال أدري إن شاء الله ولا وحده لكن ماقد فكرت يصير لك صديق فعلا خاصة وقت الزعل يالله اعترفوا !!!!!!!!!!!!!!!!!!!عالعموم هذا بيت القصيد زوجك يصبح صديقك فقط لكن كيف ؟؟؟؟؟؟؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الدرس الأول


أساس الدرس :

قال تعالى ( ولا متخذات أخدان ) ....
قال ابن عباس: ومتخذات أخدان يعني أخلاء، وقال الحسن البصري: يعني الصديق [تفسير القرآن العظيم لابن كثير]. فأين أنت حبيبتي من هذه الآية الصريحة في موضوع اتخاذ الأصحاب والأصدقاء من الرجال؟

إن وجود الصداقة بين الرجل والمرأه لا يخلو من الوقوع في براثن: النظرة الحرام، واللمسة الحرام، والخطوة الحرام، والخلوة الحرام، والكلمة الحرام. وزني ذلك كله بميزان قول الله تعالى: {إِنَّ السَّمْعَ وَالْبَصَرَ وَالْفُؤَادَ كُلُّ أُولَئِكَ كَانَ عَنْهُ مَسْؤُولاً ) اذن الأمر عظيم وحاجة كلا الطرفين لصديق أمر غريزي لكنه محرم شرعا مالعمل اذن ؟؟؟؟؟؟
الحل ان يكون صديقي هو زوجي حتى نغلف صدقتنا بورق الحلال البراق امام أعين الجميع .

طريقة التنفيذ :

اذا كان زوجك صديقك فعامليه كما تعاملين صديقتك بمعنى رجااااااااااااااااااااااااءا لاتلزقين في الرجال انتي مع صديقتك هل انتي معاها طول الوقت ( مستحيل ) ولو كنتوا مع بعض الليل والنهار لازقين في بعض صدقيني راح تملين منها وتمل منك لكن تغيب واغيب فنشتاق لبعض كذلك الزوج .....لاتصرين انك تلازمينه طول الوقت اعطيه مساحة حريه خلال اليوم من ساعه الى اربع او خمس ابعدوا عن بعض خليه ينشغل باللي يبي لو ماسنجر وبنات او افلام اباحيه او معاكسات لأن هذي لها حل بإذن الله راح نتكلم فيه ... المهم مو وقت الزوج المهم وقتك انتي كيف تشغلينه ( بلأولاد - الطبخ - الغسيل - البيت ) غلط هذي مسؤلياتك يعني اذاكان صديقك في العمل وانتي في البيت ( انجزي مسؤليتكمن تنظيف وغسيل ووووو ألخ ) بحيث لما يرجع من العمل والأولاد من المدارس يصير الوقت غدا ومتابعة أولاد بعد كذا تفرغي لنفسك ( مو مكياج وخرابيط ولبس ) هذا لازم طوال اليوم تهتمين فيه يعني البسي مرتب وتنظفي من أول اليوم الوقت اللي يكون صديقك يقضي وقت فراغه اقضي انتي وقت فراغك بالقراءه او النت او الرسم او اشغال يدويه او عمل في الحديقه اذا عندك او تزيين غرفتك وغرفة الألاد او العبي معهم المهم شغله تمارسينها باستمتاع تغير نفسيتك شوي بحيث ماتكونين فاضيه لتصيد أخطاء الزوج او مراقبة اقواله وافعاله باختصار دللي نفسك رفهي عن نفسك حنا وش ماخذين من هالدنيا ... اذا انتهت فتره النقاهه لك ولزوجك ( صديقك ) ونامو الأولاد راح يكون كل واحد منكم في شوق لصديقه خاصه اذا أحس كل طرف بالأمان النفسي بمعنى الزوج يرجع البيت وهو على يقين بأن في انتظاره زوجه متفهمه لغيابه مو قاعده على احر من الجمر عشان تحقق معاه أو تكتم في نفسها علها وتستقبله بخشه مش ولابد ... كذلك الزوجه راح تقابله على انه صديق ( وش تنتظرين من صديقتك اذا جتك البيت ) مجرد كلام ومشاركه واخذ وعطا فقط لاغير .... بعض الحريم تبي كلام حب ودلال وفراش وغزل لأنه زوجها تزوجها عشان يعفها ( كلام صحيح بس الحياه مش بهالطريقه ابدا وراح نفصل اكثر في الجايات ) ممكن اذا فيه وقت تسوين شاي او عصير وتجلسون عند التلفزيون برنامج او مسلسل او فيلم كل حسب ماتربى عليه وتبادلو اطراف الحديث خليه يسولف عليك سواليف ماصخه مالها طعم وبعيده عن اهتماماتك وش صار عادي اسمعي له مثل ماتسمعين لصديقتك بدون تململ وتبسمي وشاركيه عادي ثم سولفي عليه ولاتنتظرين تفاعله لأن الرجل طبيعته كذا مو مثلنا بسم الله علينا مانتعب هم تلاقينهم في الاستراحه يلعبون كوره او يتابعون افلام ورقص الا من رحم ربي بينما حنا نقعد بالساعات على شاي ومكسرات وسواليف مانتعب اونمل وسواليفنا متجدده ومتغيره هذي طبيعتنا وهذي طبيعتهم بس لما يتعود على القعده معاك وعلى اذنك اللي تسمعه وهي مبسوطه صدقيني راح تلاقينه مثل الطفل وده يألف سواليف عشان تسمعينه اكثر ويحظى بابتساماتك وتشجيعك وهو ماعنده سالفه وبعدها سيده روحوا عالنوم مو ضروري لقاء حميمي انتو اصدقاء

تجربه من الواقع :

صديقتي كانت تعاني من زجها يسهر مع اصحابه الى الساعه2وتقول يجي وانا ذابحني الانتظار ومايعطيني وجه حتى في الفراش على طول ينام ........طلبت منها تطبق الخطه معاه ولله الحمد اقسم بالله ان زوجها على كلامها تقول تغير صار يسولف معي اول مايدخل وانا ابي أنام واحيانا وهو يفرش اسنانه يقطع شغله ويعلمني سالفه اذا كان باب الحمام ( عزكم الله )مفتوح وانا معاه في غرفة النوم يعني يسولف الى آخر لحظه .. قلت لها التغيير كان لأنك انتي تغيرتي (كانت تنام الى الظهر وتقوم تصلح الغدا وبعدين ينام وتكمل شغل البيت ثم الأولاد ثم بقية شغل البيت يكون الرجال قام من النوم وطلع من جو المكنسه والعيال وزوجه تشبه الخادمه وهي انهكت جسدها بالعمل ونفسيتها من غياب الزوج فتبقى مشحونه حتى عودته فلا تحظى بهتمامه لأنها تستقبله بالمحاضرات فيدعي النوم هربا منها ) كان الحل أن تستيقظ مبكرا وتنهي عملها ثم تجعل في يومها مساحة لها تسترخي بها وتجدد نشاطها لتستقبل صديقها كما ينبغى فنالت بعد الله ماتريد حتى انها تخبرني ضاحكه اني اعد له شاي لكنه يبرد وم يشرب منه شيئا لانه يجد مجالستها ألذ من شرب الشاي وفقها الله واياكم


انتهى ملخص الدرس الأول تقبلوا تحياتي https://4arab.xplainer.net/images/smilies/smile.png

__________________________________________________ __________

>>>> الرد الثاني :

كيف؟ ابسرعه ابى اعرف ههههههه تسلمين حبيبتي عالطرح ونترياج اتكملين

__________________________________________________ __________

>>>> الرد الثالث :

مشكووووره غلآيه توي بقرا الدرس الأول خخخخخ

__________________________________________________ __________

>>>> الرد الرابع :

حيــاج الله يأم سلطـــان

^_^

أتمنى انج تستفيدين .. وتطبــقين .. والله يسعدج ان شا الله

__________________________________________________ __________

>>>> الرد الخامس :

شكرراا