الخدامات النيباليات ؟؟؟ ساعدوني الله يعطيكم الجنة عمل يدوي
عنوان الموضوع : الخدامات النيباليات ؟؟؟ ساعدوني الله يعطيكم الجنة عمل يدوي
مقدم من طرف منتديات الضمير العربي
السلام عليكم ورحمه الله وبركاته
بنات شحالكن ،،،، علومكن
ما اعرف شو اكتب ،،، هذي اول مشاركة لي في المنتدى
بس عندي استفسار عن الخدامات ،،،
شغالتي الاثيوبية سارت من شهر ونص ،،، ولحين إبغي اجرب وحده من نيبال
أمي تقولي من اثيوبيا أحسن لج ،،، وأنا قلت حشى ما أيب منهم مره ثانية
كفايه علي إلي كانت عندي ،،، صح يشتغلن ومال كراف
بس عليهن حركات عجب ،،، أنا إلي كانت عندي تسوي حركات غريبه عجيبه بليل يوم تدخل حجرتها
مره دخلت عليها الحجرة ،،، شفتها قاعده تسوي حركات على الأرض ما اعرف كيف اشرحها لكم
يوم سألتها شو تسوين ،، ردت علي وقالت اسوي رياضه
طنشت الموضوع ،،، وقلت برايها تسوي إلي تسويه مالي خص فيها
ومره دخلت عليها المطبخ ،، لقيتها يالسه تنفخ في الصحون
المهم حركاتها من تحت لين تحت ،،، بس أنا ما خليتها تكمل عندي
وغير الأشياء الثانية إلي تسويها ،، تخيلوا الساعة 2 أو 3 بليل تطلع في الحوش وتيلس ما اعرف شو تسوي
صراحه أخاف على عمري وعيالي منها ،،،
كملت عندي تقريبا 8 شهور وسفرتها ،،، وتوبه بعد أيب من اثيوبيا
وصح الشغالات بالحظ ،،، بس أنا نفسيتي مب متقبله الاثيوبيات
بنات ،،، من كم يوم كنت اتكلم مع ريلي عن الشغالات النيباليات
قالي إذا انتي مقتنعه فيهم ،،، مب مشكله بنكفل وحده
ألحين أبغي اعرف النيباليات أوكي ولا لا ؟؟؟؟
وخصوصا في وحده وياي بالدوام ،،، عندها نيباليه ،، تقولي خدامتها ممتازه وما عليها كلام
بس مشكلتهم النيباليات ،، ما في مسلمات ولا مسيحيات
كلهم بوذيات ،،، يعني من دون دين
هل الكلام هذا صح ولا لا
الله يخليكم ساعدوني ،،، وبأسرع وقت
لأنه ريلي يفكر يكفل البشكارة قبل لا تفتح المدارس ،،،
وآسفه على الإطاله ،،، والسموحه منكم على الإزعاج
بس مالي من بعد الله غيركم
ومع السلامه
أختكم في الله ( أم علي )
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
خخخخ
حشى هب خدامه جان جذا تسوي
يالله ان شاء الله البنات يفيدونج
__________________________________________________ __________
>>>> الرد الثاني :
اللهّم اغننا بحلالك عن حرامك ،
وبطاعتك عن معصيتك ، وبفضلك عمن سواك ،
اللهّم لا تكلنا إلى أنفسنا طرفة عين ،
اللهّم آمين
__________________________________________________ __________
>>>> الرد الثالث :
__________________________________________________ __________
>>>> الرد الرابع :
هم صح بوذيات بس أنصحج إثيوبيات و تراه نصيب......
__________________________________________________ __________
>>>> الرد الخامس :
لا أختي شاعره المليون ،،، اثيوبية مره ثانية مب ناقصه
أنزين قولولي النيباليات اوكي ،،، في حد جربهم ولا لا
انزين شو رايكم في الفلبينيات المسلمات
