انتي ياللي تكلمين المتزوج هالموضوع لج عالم الامومة

عنوان الموضوع : انتي ياللي تكلمين المتزوج هالموضوع لج عالم الامومة
مقدم من طرف منتديات الضمير العربي

السلام عليكم ورحمه الله وبركاته


شحالكن خواتي


اليوم بطرح موضوع قاهرني الا وهو اللي تكلم لج واحد متزوج وهالايام مستويه موضه الله يستر علينا وعلى بناتنا

شو مشكلتج حبيبتي فضفضيلي

تتحرين اذا كلمتي المعرس بيطلق حرمته وبياخذج .؟؟ والمصيبه والطامه الكبرى اذا طلعت هي بعد معرسه ( فإن لم تستح اصنع ماتشاء)

ابا اعرف شو المغزى انهن يكلمن معرسين ولا تفكر بيوم من الايام يمكن الله يسخر لها ريل وتعرس وتدور الدنيا ويكلمنه البنات شو بيكون شعورج ؟؟


كل شي فالدنيا هذي دين ومحد بيموت الا مايوفي دينه



الله لا يوفق كل وحدة تفكر تاخذ ريال عن حرمته وبيته وعياله

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

قلتيها ...( فإن لم تستح اصنع ما تشاء) زادت هالنوعيات وخاصة في الشغل وبعض المتزوجات ماخذين المسالة للتسلية وتقزر وقتها بالسوالف مع اي حد ..الله يهديهم يارب العالمين.

__________________________________________________ __________

>>>> الرد الثاني :

إن لم تستحي فأصنع ماتشاء

وليش ماقلتي بعد الريال المعرس ما إستحى عويهه يوم رمس ، مافكر في حرمته وعياله ، وإلا حب التغيير ساري في دمهم ... لو فيه خير كان ما فكر فالحرام ورمس .. والقهر يوم مافيه عيب أو سبب في بيته يخليه يرمس أو يخليها ترمس

الغلط من الإثنين وماعتقد الريال وحدة بتجبره إنه يرمسها لو كان حازم من البداية مابيعطيها فرصة

بس سبحان الله كل ساقط وله لاقط
والله يهديهم

__________________________________________________ __________

>>>> الرد الثالث :

كل شي للحرمة
اصلا اللوم على معرس مسود الويه دايما مجتمع يلوم الحرمة الريال مررة اغلاطه مثل ذبابه يحتقرها تراه يجمع ذنوب
لكن بعد حرمة مش معرسة تغلط جان تساير الموضة الله الكريم

__________________________________________________ __________

>>>> الرد الرابع :

والله لو الريال حشيم ما يهمه لو تحاول من ما تحاول تغرييه بالكلام ولا اللبس ما تلفت لها
بس اللي فااااالت من يومه ماله علاج

الغلطه مب من الحرمه من الرياااال اللي ما يحترم بيته وحرمته وعايلته

__________________________________________________ __________

>>>> الرد الخامس :

كله كوم واللي تغازل الريال جدام حرمته وعياله كوم
حتى خساره عليها النعال
ما اقول غير الله يهديهم ولا تلوم بعدين فكل وحده الله يرزقها على قد نيتها