مشكلتي مع ريلي لتربية طفلك

عنوان الموضوع : مشكلتي مع ريلي لتربية طفلك
مقدم من طرف منتديات الضمير العربي

مرحبا بنات اشحالكمن انا دشيت نيك نيم مال ربيعتي مزايه وهي مسافره قلت اطرح مشكلتي يمكن احصل الحل لاني تعبت مول
انا متزوجه وعندي ولدين ومشكلتي مع ريلي مب عارفه شو اقول هل انا السبب وهو يكابر
انا سافرت الحج مع الوالد وريل يدري وقبل ماسير الحج خذت حبوب منع نزول الدوره عشان اخلص المناسك الحج وبعدين بودر الحبوب والحمد الله حجيت ورجعنا الامارات
والسب انا الدوره نزلت عندي عقب ماودرت الحبوب ويا الريال مشتاق ياي بيجابل حرمته قلته عندي دوره واتريا الريال بس هل المره طولت وياني علا باله خلصت بس ماخلصت وعصب وتنازع انا ماذنبي شي وهي عندي وهو من النوع العصبي وايد لي بيسويه بيسوه وحلف انه مايمسني لانه يتحراني اجذب عليه ماريد بعد ماخلصت من الدوره اتعدلت وتكشخت وللبست سوالي طاف مول الريال زعلانه مول مب خاطره بشي قالي ماريد خلاص مابغي ماريد زعلت وحطيت بخاطريه حاولت معاه بكل الطرش اني يرضى عليه الصراحه مب ذنبي هي نزلت يلت اصيح مول طاف عادي عنده حاولت وحاولت معاه وهو ماريد خلاص ليش تنزل الدوره ذيج اليوم حاولت وصبرت وترجيته لاني انا مول تعبانه خلاص وهو عادي عنده ادري يرمس بنات ومابي احط بذمتيه انه هو علاقه فيهن لاني شي ماشفته ما بطريه بس حاولن ومرت 4 شهور اتخليوا مالمسني حاولت بس خلاص كلمته وحده وعقب صايح والزعل رحت بيت ابويه وقالت لي الغاليه ليش انتي ضعيفه قلته مشاغل الدنيا وشافتني اصيح وقلته السالفه ودش ابويه وهو فضولي ليش بنتي الصيح الوالده قالت مابعارفه جيف تربي ولده ويا ولوى علي قالي لاتصحين غناتي انشاء بنربوهم وياج قلته انا اصغيره ومب عارفه جيف اربيهم ((مادري جبف الوالده طلعت هاي الرمسه حق الوالد ))
قالت لي اصبري انا برمسه قلتها ارجوج امايه مابي مشاكل عشان مايقول عني حجايه وانا صدق احبه واموت عليه بس هو الله يهديه مرابع البنات شو اقول الله يسامحه بس انا وايد تعبانه اتخيلوا نمن 4 شهور مالمسني ولا طلعت مكان معاه كان يعطيني الراتب ماريد شي اريد حقي بس قلته مره حلال عليهن وحرام علا الحرمه والله يساامحه البنت لي ترمس ريلي وانا اعرفها مالقت لا بو عيالي بس شو انقول الله يهدي البنات الصراحه بخاطريه اقول حق ابويه السالفه بس استحي شو بيقول مشتهيه شو خبروني شو اسوي بنات مول تعبانه حيل واشكر كل من بتساعدني وربي يعطيكم العافيه

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ربي يعيــــــــــــــــــنج .. ان شاء الله الخوات اللي لهم خبرة يردون .. بس الصراحة انا ما اعرف انتوا كيف تسكتون عن رياييلكم وهو يسوون المناكر .. وين شخصياتكم القوية .. ؟؟

__________________________________________________ __________

>>>> الرد الثاني :

الله يهدييييييييه ..


ما شاللله عليييييج .. الصرااحه صبرتي 4 أشهر !! ماشالله عليييييييج

بس كلمي و حاولي وياااااااااااااااااه بالييييييييييين .. و حاولي اتااوجهينه بخياانته لو صج في خيانه و لا تظلمين الريال يمكن ما يرمس !! لو زااخه علييييييييييييييه لج الحق اتوااجهييينه !!


و اللله يسهل أمووورج يا الغلا

__________________________________________________ __________

>>>> الرد الثالث :

لا غناتي هذا ريلج ولا تزعلييييييين عليه .. وفهميه مره ثانيه بمشكلتج .. بس بعد مب حلووووه في حقج ان يرمس وحده غييييييييرج ؟؟ رديله ولا جنه مستووووي شي .. ويلسووووو مع بعض وتناقشوووو الاموووور بعقلانيه .. وقوليله انا اعرف انك اترمس بنات ؟؟ هل ترضى أرمس شباب ؟؟ .. قوليله ومحد تارس عيني في هاااي الدنيا الا انت أنا أحبك وانت بوووو عيالي الله لا يحرمني منك ؟؟ أذا أنا أمقصره في حقك خبرني ؟؟ وبتشووووف كيف كل شي اللي تبااااه بيصبر .. بس انت ودر عنك الخرابيط و جابل بيتك و عياللك اللي هم محتاجيييينك .. كل شي بالهدواه حبوبه .. والله يردلج اياه و يخليكم لبعض ..

__________________________________________________ __________

>>>> الرد الرابع :

شوفي حبيبتي هاذا ريلج ماخذنها حجه صدقيني لازم أتعرفين أنج مش غلطانه هذا أول شيء ولا تعتذرين

ثاني شيء أكشخي اليوم وتعدلي وإذا قدرتي صبغي شعرج وقصيه ولا تتودديله سويله طاف يعني يوم بيي البيت أنتي على سنجت عشره ومجهزتله طلباته من أكل وغيره بس أشغلي نفسج أبشي يعني مثلا برنامج فالتلفزيون أو على النت تشوفين صور يهال او تدورين نشاط حق أعيالج
وبكل هدوء قوليله انا محتاجه أفلوس ابا أشتري أغراض وطلبي مبلغ اكبير بس يقدرله قولي عندج عزيمه أو اي علثه ونتي وشطارتج طبعا هالشي علشان تذكرينه أنج على ذمته ولازم يعطيج وهذا من حقج
وإذا فتح سالفت الدوره قوليله ليش أنته نسيت أني حرمه والحرمه أتيها الدوره ولا تباني أوديك عن دكتورة حريم تشرحلك الموضوع أرجوك سكر الموضوع ماله داعي ينفتح أصلا ....... وسكري الموضوع أبسرعه وتكلمي عن اي شي ثاني ببرود اعصاب صدقيني هالشي بيغره موووووووووووت

صدقيني أختي الريال إلي يحس أن الحرمه تركض وراه يدوسها فخليه هوه إلي يركض وراج
ويوم بيي يرقد بيحسبج بتين أحذاله قوليله تصبح على خير ياعمري وطرشيله بوسه فالهوى وصدي الصوب الثاني وحاولي تقرين قراّن في صدرج وترقدين هالشي بيحسسه أنه ولا شي عندج وبيهزه لان الريال أكثر شي يقهره التجاهل وصدقيني بيصحييييه

ودعي الله يهديه يارب وكثري من الاستغفار

الله يهديلج أياه يارب

__________________________________________________ __________

>>>> الرد الخامس :

ربي يهديه إن شالله ..


حاولي تكلمينه وتفهميه إن الدورة مو بإيدج تتحكمين متى تنزل .. وقوليله إنج تبين حقج منه ... ولازم يعطيج حقج لأن جذا ما يصير وقوليله انج تعبان حييييييييييييييل... وإن شالله خير ...