كيف تتعاملون مع الخدامات؟؟ تجارب منزلية
عنوان الموضوع : كيف تتعاملون مع الخدامات؟؟ تجارب منزلية
مقدم من طرف منتديات الضمير العربي
السلام عليكم
خواتي ابا اعرف كيف اتعامل مع خدامتي انا من عرست ما يبت خدامه والحينه يبت بنغاليه.
هي زينه تعرف تشتغل بس انا شويه مب عارفه كيف اعاملها من ناحية تقسيم الشغل و من ناحية الاكل اقصد هل اخليها تاخذ و تسوي اللي تباه ولا كيف
لانها ع كيفها تفتح الثلاجه و تاخذ اللي تباه ما تشاور حتا الروب تخلصه عن الصغاريه ههههههه
عطوني من خبراتكم😄و ساعدوني
https://4arab.xplainer.net/images/smilies/bb/26.png
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
وعليكم السلام والرحمه
انا اجوف امي شلون تتعامل معاهم وان شاء الله تفيدج وتعجبج تقسم الشغل يعني تقول لها شتسوي اول ما تقوم يعني تنظف الصاله والحمامات الله يعز السامعين وتغسل المواعين
هاي فترة الصبح ويوم تخلص تطبخ الغداء وعقب تغسل الثياب وفترة العصر تسوي الجاهي والقهوة وعقب ما يكون عندها شي الا اذا حد قال لها تسوي عشا
وع طاري الاكل قوليلها اكلي وعادي بس فهميها انه ما تخلصه وانه مب لها بروحها ترى عادي يمكن تستحين ف البداية بس عادي
__________________________________________________ __________
>>>> الرد الثاني :
__________________________________________________ __________
>>>> الرد الثالث :
اطبعي لها جدول تمشي عليه طول الاسبوع، كـ مثال بسيط
يوم السبت تغسل وتنظف وترتب المطبخ لانه يخيس من
دخان الطبخ وتتجمع الدهون وغيره ويوم الاحد تغسل الحوش وهكذا،
يعني حطي الاشيا الكبيره وانتي تابعي هل هي تنجز الشغل ف
نهايه اليوم ولا، اما الاشيا اليوميه مثل غسيل المواعين وغيره
ف هي بتكون عارفه شغلها ما يحتاي ينحطن ف الجدول
وعقب ما تطبعين هالجدول "نسختين لج ولها" عطيها وخليها
اترجم تحت كل شغله بلغتها بحيث انها من تنش تكون عارفه
شو اللي عليها تسويه ف هاليوم بروحها وانتي عليج المتابعه
ولو ما تفهم ف بيكون عليج انتي تخبرينها باللي ف الجدول
وهي تسويه، الجدول اشوفه مهم ويسهل التعامل مع الخدم لانه
الاغلبيه ما يكونون عارفين ف شو يبدون وب شو ينتهون وبالتالي
يخلص اليوم والبيت مثل ما هو او انه الخدامه تشتغل فوق طاقتها
اما عشان الاكل، خذيلها ثلاجه صغيره لغرفتها وكل شهر وانتي تشترين
لعيالج خذيلها هي بعد وخبريها ما تقرب صوب ثلاجتكم لانه اولردي بتكونين
ماخذه لها وقوليلها لو خلص شي من عندها تيي وتخبرج وانتي اللي تعطينها
من ثلاجتكم
__________________________________________________ __________
>>>> الرد الرابع :
__________________________________________________ __________
>>>> الرد الخامس :
