شو رايكم في اللي قالته خدامة أختي تجارب منزلية

عنوان الموضوع : شو رايكم في اللي قالته خدامة أختي تجارب منزلية
مقدم من طرف منتديات الضمير العربي

السلام عليكم

بنات شحالكم ؟

بدخل في الموضوع مباشرة ..

عندي خدامة شغيــــــلة من قلب ونظيفة وما تهمل شغلها , استوالها عندي اقل من شهر تقريبا , المهم أني من أول شي عطيتها تلفون علشان عندي بنت وانا ادرس , مرة طحت على تلفونها شفت عندها 45 مس كول , طبعا ما فتحت اشوف الارقام علشان ما تعرف بس شفت الرقم اللي ظاهر انه رقم سعودي ..

هي سبق اشتغلت في السعودية , والاحظ عليها وايد مهتمة في التلفون ..

المهم طرشت خدامة أختي تسأل بشكل لا مباشرة ..

فقالت هي ان أنا أعصب عليها وايد ( وانا ما أنكر لاني بشهر التاسع ووايد على أعصابي ) وقالت ان هي بتروح السعودية , اونه ريلها بييبها هناك ...

أنا من قبل خايفة وعندي احساس أخافها تخلص مدة الاربع شهور وعقب تنقع فيني خيانة , وانتن عارفات يا خواتي انهن غاليات

أندونيسية بعشرة الاف و500 ..

انا اليوم بديت أخف عليها من تكشيرة الحمل , واعاملها بهدوء فبدت تبتسم وترتاح ,

شو رايكن اخذ بكلام خدامة أختي

ريلي يقول نروح باجر نقدم على وحدة ثانية واول ما تيي نرد هذه المكتب على الساكت ..

أنا الاشياء اللي ماحبيتها فيها :

1- تجذب وايد
2- عندي شك 90% انها سرقت فلوس
3- اهتمامها بالتلفون ..
4- تكشيرتها بس قلت يمكن انا سبب تكشيرتها لاني لما خفيت عليها ارتاح ويهها ..

شو رايكم خواتي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

حبيبتي استخيري فيها وجوفي شو اللي الله بييسره ..

__________________________________________________ __________

>>>> الرد الثاني :

الغاليه اول شيء استخيري الله

ثاني شيء حاولي تعامليها بلطف وتمسكين نفسك وما تعصبين مهما كان هم في النهاية بشر

ولو انه في منهم من يرفع الضعط بس معليه فهميها بلطف وان شاء الله تتصلح بعدها جديده

خلي شهر وطرشي نفس الخدامه الي سألتها تسألها بنفس الطريقة ان شفتيها غيرت رأيها يعني ناوية تصلح من نفسها


بالنسبة لسالفه السرقة اختبريها ولو تاكدتي انها تسرق سيدا للمكتب ما يتأمن لها

وربي يوفقك ويتكب مافيها خير

__________________________________________________ __________

>>>> الرد الثالث :

اختي شوفي هي بعد خلقة ربج وهي بعد زوجه وام نفسج وكلنا خلقنا من نفس الطينه
لكن فرق انها خدامه وانتي مالكه
ليش نحن نعاملهم باسلوب مب حلو ؟
ليش نحط فبالنا انهم خدم واقل عنا ؟
هم ينظفون ويسون ويهتمون وكليوم نفس الحاله وطبعا بتتعب ؟
تخيلي انتي تنظفين غرف وحوش وصاله وتغسلين ثياب وانتي تطبخين وتيبين وتودين مو كل ها بتتعبين اخر ليل
وكل انسان له مدى تحمل اما انه يكون ف كنترول اما انه هو يكون خارج عن التحمل
ولكل شخص حقوق وحريه بنسبه لتلفون اختي انتي اساليها شخصيا
اما السرقه اختيه لازم تكونين حريصه ع اشيائج لاتخلين بيزاتج اي مكان
وناس زمان اول كانو يقولون لاتثقين ف حد حتى اختج لاتثقين فيها

__________________________________________________ __________

>>>> الرد الرابع :

الغاليه هاي ما تنفعج أنصحج اتردينها المكتب وتيبين غيرها علشان ما اتخسرين وتوهين فيها انتي أتقولين أنها سرقت وتكذب ويمكن هي بس تتريا مهلت اربع شهور وتقولج مابا اشتغل وساعتها المكتب ما يتحمل المسؤوليه وتخسر ين

__________________________________________________ __________

>>>> الرد الخامس :

موفقة