اللي تبي عطرها يقول تعالو فلانة حضرت عطور شيك
عنوان الموضوع : اللي تبي عطرها يقول تعالو فلانة حضرت عطور شيك
مقدم من طرف منتديات الضمير العربي
اللي تبي عطرها يقول تعالو فلانة حضرت..والريحة تلزق بكل من يلمسها تتفضل
يالغاليات هذي طريقتي لاصرت رايحة لسهرة او مناسبة كبيرة عشان ريحة العطرتلزززق وماتروح لوتسبحين
هالطريقة قالتها لي فرنسية تشتغل بسيفورا في باريس وكتبتها بمنتدى قبل ثلاث سنوات وانتشرت بالمنتديات ... وللعلم تراهن مسامحات اللي نقلنها بدون حتى مايكلفون على نفسهن يكتبن منقول...
المهم
يلزمك عطر+طقمه كامل+بودرة مسك+تولة دهن عود أو دهن ورد (وهذي اضافة مني طبعا مو من الفرنسية)
انا اول مرة سويتها يوم عرسي والنتيجة كانت فتاكة الريحة ضلت لثاني يوم لا وماسكة بزوجي بعد وبفراش السرير كم يوم
اول خطوة بتركيز جيبي صابونة العطر اللي جات معه (اذا ماعندك جيبي صابونة معطرة بالورد او المسك وان لقيتي بالعود) لكن لاتطنشين الخطوة هذي ضرورية)
اقطعيها بسكين شرايح صغيرة .. فستان الزواج خذ مني 6_7 شرايح اما السهرة 3 شرايح تكفي وممكن 2 اذا كانت الصابونة حقت العطر
جيبي فستانك النظيف وافرديه على الأرض وحطي شريحة على الصدر وشريحة على اسفل الوسط وشريحة تحت...ثم اطوي الفستان على جنب بهدوووووء عشان مايتعفس ويتجعد يعني اطبقي الجهة اليمين على اليسار
طبعا هالشغلة يلزمها شرطين اولا تكون الخطوة قبلها بليلة او على الأقل 10ساعات وثانيا يكون الفستان نظيف،
قبل المناسبة وقبل الميك اب وقبل السشوار طبعا بتتسبحين يالله الحين خذي الشرايح اللي بالفستان وارجعي اطبقيه مثل ماكان عشان يحتفظ بالريحة وحطيها بصحن صغير فيه شوي ماي بحيث انه يغطيه
سبحي شعرك زين مازين افركي جسمك بالليفة زين مازين آخر خطوة تاخذين شرايح الصابون اللي كانت مغمسة بالماي تجانست معه وصارت مثل المهلبية اوكيه الحين خذيها واغسلي فيها شعرك ورقبتك وكفوفك ( أباطك لأ ) ورجولك اذا كان عندك حساسية انتبهي وانتي تغسلين شعرك انه ماينزل لوجهك
لاطلعتي تكون الخدامة او أي احد عندك بالبيت مجهز لك المبخرة حطي فيها كسرة عود وخلي المبخرة تحتك وجيبي اللوشن تبع العطر وادهني جسمك كله الى اسفل رجولك
وبخري شعرك الى ان تحسين البشرة تشربت اللوشن، الحين جيبي بودرة المسك وامسحي كل جسمك بهاكل هذا والمبخرة جنبك
يالله صلحي مكياجك وشعرك وادهني رقبتك واماكن النبض يالعود وقبل تلبسين الفستان عطري جسمك بعطرك
البسي الفستان ولاتعطرينه..خلي العطر عليه رتوش بعد ساعتين او اكثر شوي ولاتكثرين عشان ماتغطي على ريحة العود والبخور
ملاحظة: فيه عطور معينة هي اللي تتجانس مع العود وتعطي ريحة تخبلللللل
لا تخافون الطريقة مرة سهلة بس الشرح اللي طويل
يابنات تراه منقول بس تراني ماجربتها
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
امممم صراحه ماادري مااتوقع اقدر اجربها
بحط صابون بالفستان واذا طبع فيه وتوصخ شسوي بيوم الزواج
بعدين صابون بغسل فيه شعري اخر شي يمكن يخليه جاف
عموما مشكوره عالنقل حبوبه ماقصرتي
__________________________________________________ __________
>>>> الرد الثاني :
هوا حلوبس زي ماقالت بنت عزيمكن يتوسخ
الفستان وساعتها ايش حسوي الصابون حيخلي الشعر مره جاف
بس ولا يهمك حجربها قريب انشالله بس عشان
اشوف تثبت ولا لا
يسلمو الله يعطيك العافيه
:
:
:
تقبلي مروري وتحياتي
__________________________________________________ __________
>>>> الرد الثالث :
تسلمي ع الطريقه
والله يعطيك العافيه
__________________________________________________ __________
>>>> الرد الرابع :
فيروووووووووووووووز الله يعطيك العافيه يالغاليه على المعلومة الحلوه والمفيده .,’
انشالله اجربها واشوف النتيجة .,’
تحياتي واحترامي لك .,’
أختك في الله .,’
__________________________________________________ __________
>>>> الرد الخامس :
مشكورين على المرور
